I am so beautiful

說來慚愧，尋日係我第一次睇星期三港案(條link喺幅圖道~)，一睇為之驚為天人，好睇過正牌既多多聲。好鍾意呢個爸爸D相，其實佢又講得啱喎，真實一面示人，總好過畀個假像人地同自己個女。我即晚已經 follow 左佢個 instagram 同睇晒D blog....又諗起我阿爸喇~

其實D相一D都唔醜樣，仲好鬼得意，連我呢個好憎小朋友既auntie都覺得佢勁得意~我都不禁要睇下自己細個本相簿有冇樣衰相 (真心中學勁多樣衰相，但最後唔知去晒邊......尤其是sports day真係好肉酸)

精選左幾張本人既樣衰小孩相出黎~希望可以引來恥笑~ XD

圖一:好明顯影既人係只想影我阿爸阿媽~ (btw 我好想配返副George mode眼鏡，咁大家會好想打我~~ btw again 我真係好憎粉紅色，邊個咁大整蠱....我睇返仲有男仔頭加粉紅色裙好得人驚)

 圖二: 究竟我見到D咩嗌到咁呢......又唔似有怪獸丫明明係維園黎之嘛~~

圖三係我十年冇講過野既表妹，呢兩個死小孩擘大個口係咩事呢.....真係好似喪屍 XDXDXD

圖四: 又係同表妹......我著到成隻蕉咁......影相條友好明顯係無視我既存在 ~ wakakakakakakaka好似牛奶妹

由於只係用手機翻拍，相片質數係咁上下~

P.S. 我本童年相簿係零祼露，同埋全部都有著褲架囉