小幽小默, 齮齮齕齕!

2016年4月1日 星期五

50磅達成! 餐單曝光!!!

早前為慶祝減咗50磅,一連串既怒食活動開始!
其實我每減左十磅就會放自己一馬,畀自己放鬆幾日回歸之前肥爆既飲食習慣平衡心理

其實之前teenage 曾有暴食扣喉食到喊既黑暗歲月,經過某個有料D到既職業治療師(which 一D都唔關呢一part既 consulting 事,但醫生又唔refer我畀心理學家....[btw聽人講廢架喎.....] )我一直都覺得自己係屬於冇得救啦,同埋冇希望啦都係會一路醜落去直到我做孤獨老人畀隻貓食左半塊面咁就一世......

但經過一輪傾計打散重整深思....
其實講到尾都係

It is a game of control.

But

In which way?

In control 定係 out of control 其實都係喺自己手上面。

咁既然out of control 只會帶黎chaos....
咁....我唯有乖乖地行返大家都行既沉悶路線fit返大眾要求標準行返條易行D既路啦.....
如果行得到既,應該順手練成鋼鐵般既意志。

噢,等我數返D rewards~XD 食得仲勁過40磅果 round (因為果時仲喺醫院,真係冇啖好食)

星期五lunch time 既 pizza hut 7重芝士批~~~再加海鮮闊條麵!!!

夜晚係泰國菜冬蔭公串燒生菜包蝦膏炒飯XD

星期六朝早食左十世冇食既麥當勞熱香餅早餐!!!!!!!!!!!!!!!!!!!!!!!!!

嘩,當一個人十世冇食過薯餅既時候真係覺得好感動
但果個moment我竟然轉左口味.....
唔想飲朱古力......竟然想飲即磨咖啡.......

星期六下晝係茶記炒麵~~~XD凍奶茶冇少甜呀!!!!!!!
然後仲有好好好好味沙嗲雞煲呀!!!!!!!

好啦跟住基本成個 easter 我都係係咁食食食食食~~~~~好歡樂~~
所以之後可以補返很多篇食評 XD
灣仔真係好多野食......返工返灣仔同西灣河好危險.....我是遊客~XD

其實.....我typical 既一日餐單係咁既....
我睇某個話畀萬六蚊營養師要帶個碗出街磅晒咁跟餐單話7個月減70磅........
拿即係咁其實有D野....portion control唔駛做到咁死既.......
總之改變煮既方法係真既......
同埋要揀野食都係真既......

早餐:
蒸小蕃薯一碌或兩碌
或者烚蛋

又或者兩塊火腿一塊芝士既芝腿治
加包鈣思寶(因為唔鍾意飲脫脂奶....無糖豆漿又冇一包包果隻..........可唔可以寫信去維他叫佢出???)

午餐:





噢,果排買左1kg 甘筍要食晒佢 XD
其實我會有一餐有時用芋絲代左粉麵果D
去水真係去得好快
咁但一個人不能完全冇碳水化合物(甘筍都可以replace的),所以某D需要時間例如M到我都係會食多個蕃薯或者5匙羹紅米, 粟米呀薯仔呀咁(大半碗囉)
菜其實真係烚,可以加黑椒~好味 XD
肉呢~ 手板心咁大囉 (營養C係用麻雀牌黎做size reference 3至5隻喎XDXDXD 我用手板 :P)
切細舊切碎佢會覺得多D ~可以蒸,可以烚=_=....都可以小小油煎炒既唔駛咁harsh既又唔係去健美比賽~
香草,泡菜,麵豉、黑椒、豉油、炸菜、鹽燒
再loop 豬, 雞,魚~

咁就係野食既組合了~~

(椰菜常出現係因為佢平同埋我鍾意食~~~XD)
其實夜晚都係差唔多呢D.....

都係咁looop loop loop 至到永永遠遠直到 reward day的降臨
之但係,我咁樣真係完全唔駛捱餓唔會驚暈響街皮膚仲好左XD

喂,加油呀拉屎藏,仲有一半路呀!!!!

10 項心目中理想男朋友的條件

下午1:42 Posted by 嘈 , , No comments
噢,新工交接得到假期幾日~無聊開電腦~多得facebook memories 彈返D notes 出黎好讓我得閒數算下我D無聊小日子。

 09年....當年仲係一粒青春少艾,7年後對於一個中女呢D條件應該如浮雲,等我update一下30歲中女版XD 其實明明我好多friend都嫁作人婦但我仲講緊男朋友呢種生物.......well.......


1 有頭髮。頭髮真係好重要。我唔理你咩髮型只要乾淨整齊其實唔7就得。
2 會同我一齊成長。To be honest.....人總會變老,無可能年年25.....林嘉欣咁sweet都會老但佢老左都會依然sweet....所以要搵個人同你一齊長大其實好難
3 會適當時出手或收手,甚至放手。呢個絕對係藝術,歌都有得唱啦~~得到浪漫~又要有空間~~~但人冇空間最後只會窒息而死.....

4 識照顧自己,包括自己既感受。理掂自己先好理我再理屋企人.....唔係個人會崩潰架(又唱~崩潰我有經驗~~)

5 擁抱darkside,接受 darkside,善用 darkside~  雖然我同 star war 唔係好熟,但身為一個 geek girl某程度上漫畫和美劇帶畀我很多做人的道理。一個人總有對外人同對自己人既唔同面貌,正如我明知做一個世界女甜心小姐條路會好行十倍.....但我之前行錯左....咁好囉我行返過去囉~但係我會偷偷地睇下有冇野可以玩,突少少角出黎丫好唔好?~

6 Have FUN!!!! You only live ONCE!!!!! 得閒去玩啦咪成個阿叔咁啦喵,但又唔好玩到癲晒。你要返工時其實我都要返工。

7 歡迎儘量清醒時諗起我。但果D飲醉酒呀食左安眠藥呀就最好唔好搵我喇....講完D野會後悔架。因為試過幾個"potential client" (應該點稱呼???應該明左???XD)就係呢D位搵我,即時死亡,而佢梗係覺得死因不明。其實同point 4類同。世界上大概只有十個以內既人響呢D位搵我我會理,list外既人真係睇情況,人大左冇咁多時間。

8 有計傾。噢,當你對住一個communication經常 breakdown既老豆就會知道要有effective communication的重要性。

9 諗到第9..............我想講返廣東話。原來講廣東話真係好到肉。搵次再另外開多篇再講。前題係,我唔係英文唔好。

10 接受對方既過去,但話我知有將來。我諗,唔駛解釋喇可?

不過,我真係諗唔到21咁多......bold 返D我覺得仲會fancy既所謂條件又或者小習慣啦哈哈~~

↓↓當年果篇↓↓
被 tag 的人要打出 21 項心目中理想男/女朋友的條件,完成後要tag 另外 30 人

1 四眼仔!!!

2 有書卷氣

3 為人聰明而邪邪地...但唔可以奸...即係呢眉宇之間有種揮之不去既邪氣但其實佢係好人又或者只係對我好既壞人呀.....明唔明架?

4 funny! (只要我覺得就得)

5 大路野我要捉到 唔好畀我捉到小路

6 包容我的怪思想

7 比朋友更好朋友

8 同我D fd要玩得埋

9 會睇住我唔好做世俗scale所不容既事情

10 鐘意小動物,唔好不屑我同tommy仔玩, 最好玩埋一份!

11 可以響我眼訓既時候幫我睇路

12 唔駛識煮野食, 但要鐘意食野XD

13 有鬚根畀我玩下巴! 本人真係好鍾意果種質感

14 傾電話精

15 有適量既art sense...

16 識睇地圖同會問路

17 要惡既時候夠惡, 要低能時不要擺姿態

18 熱愛旅行, 以自己想去既地方為前提

19 可以唔專一但唔好畀我知我真係冇咁大方

20 會同我睇核突片同無聊笑片

21 可以畀我變聲畀我嗲會響我乖既時候讚我同摸摸頭~