Mini Siam

是咁的，由於係是但搵個景點....基本上呢道係用黎影 kai 相...
果日喺酒店 book 車，成件事去埋 floating market 都係 300 baht
仲要係舒服私家車喎~~

其實 mini siam 真身係世界之窗個friend....
(仲要世界之窗大D.....)

今篇既背景音樂係~
陳年 Dry 樂隊的20000日環遊世界! (click 入去就聽到~~)
(btw...如果真係有click隻歌，佢個 intro 未完但會睇完篇野...hahahahahaha)
去相~

嗯，跟真的那個都一樣生鏽 XDXDXD

 奇怪比例的 opera house 和魚尾獅...@@

唔知佢呢排有冇整返個五環上去 tower bridge 呢....

(嗯...我仲影左張 kai 相扮怪獸...la la la~~)

er.......鬥獸場好唔似....

喂我真係唔知自由女神個甫士原來係咁...跳脫

搞到我笑左好那耐

冇呀...溫莎城堡之嘛

爛 gag 一個：佢咪就係蝦你冇人工之嘛~

仲有好多好多唔知名既泰國建築~
其實人地多數都係黃昏先去，但我地朝早去
曬到隻狗咁~
最後行左唔夠一個鐘就走左lu~

出面見到sa wa dee cup 麥叔叔

都係景點黎架~~

真係好那好天~~

如果好地地有第D二野玩，真係可以唔去mini siam....

address:  387 Moo 6 Sukhumvit Rd., Pattaya City Naklua, Banglamung , Chonburi 20150 
website:  http://www.minisiam.com

(唔好比個網昆呀~~~=P 同埋記得記得記得搽蚊怕水，如果唔係好大鑊！)

下一站 floating market~

Read More

海上的冒險！也許一天我變做魚

不去白不去，來到芭堤雅，哪門子的理由少了陽光與海灘？！
所以一早已經訂了 local tour 到珊瑚島啦~
爬了胡慧沖 forum、背包客棧等，發現有些 local tour 可以恐怖到嘔，例如係用D 殘到喊既船黎載人，叫人加錢搭第二D 船咁...總之充滿陷阱...見到呢間口碑唔錯~於是貴少少都照殺！

一早有人黎酒店接我地~ 由於酒店對面就係上船地方，所以我地等左一陣先等齊D 團友啦~
不過...唔好以為可以亂講廣東話...(我認我去親旅行都會肆無忌憚咁講粗口...)
因為我果團大概有70%係香港人...(剩返果D係唔知印度定巴基lan 坦不知所謂係咁撞人既物體...)

 出發嚕~~~

全程都係坐如上圖的大飛，感受到著草既感覺~ lol
一上船果時因為kai 到冇赤腳...人字拖飄走左....(好彩有團友幫我執返~)
真係好那大浪，基本上個屎忽如果唔痴住張櫈呢，個人係會彈左上船頂....=_=

飛左大概二十分鐘，去左第一站sea walking。
基本上係突然有個碼頭咁既野，然後要爬落水，再用個太空人氧氣罩塞你落水~
又因為成件事兵荒馬亂，同埋勁濕水...所以冇圖 (借左人地homepage 果張啦)

其實個能見度冇咁高啦...

又係餵下魚呀咁囉~仲有摸左巨蚌同海膽
原來都係軟淋淋好搞笑~
(其實呢，我畀左錢影相既...
但係真係一片狼藉...都係唔post 喇...
全程我都好似....遇溺咁既樣...
同埋我個肚腩...好白)

仲有......我唔知點解呢...我係咁喺水底飄走....完全迷失方向.....

好似玩左一個世紀咁....

上黎果時....真係勁跣...好那驚...我又唔夠力爬喎頂...
結果畀人拉我上黎扭到我隻手...仲要撞Q左去條扶手....
不過R小姐仲驚...因為我搞左好耐都上唔到去....
佢跟我後面....未上到黎已經抽走緊D氧氣...D水入去到佢鼻哥....@@

跟住又上返大飛~ 嘩...頂丫...真係兩邊都浮住咁落船上船好驚跌落水，好有偷渡 feel...

飛左十分鐘左右去左傳說中既珊瑚島!
我地去果個係叫 hardtien 既海灘，基本上冇咩人，但都有幾個東歐女子蕩漾 ~

 真係好靚，D沙幼到呢~~加埋個椰子~好嘆呀~~(不過我曬loan 左個背脊...)
配樂：盧巧lum 深藍

 香蕉船~但因為我想灘咩都唔做齋聽浪~(又整到手喎又唔想撻落水喎) 於是我冇玩...
但R小姐玩到kai 左....

到咁上下食野囉~(個trip 包埋架~仲有支水)

普通野，D泰汁好辣 (但幾好食)，不過條魚炸有D硬.......
個湯係味精粉絲湯...炒飯係炒飯 (what a 食評) 同埋點解所有local tour一定要有呃鬼佬螢光橙色酸甜汁?.....(上次長城都有呢個汁~真係四海之內皆酸汁呀.......)

之後都係繼續灘~ 同埋將D 防曬吹左佢...
咁上下就大飛去到最後一站parachute!
又由於...阿導遊話可能我著唔到件救生parachute衫...話我可能玩唔到...我就冇玩啦....
但去到..我頂丫！
明明有好多個仲大隻過我既鬼佬都係咁玩...妖妖妖妖妖
話唔玩又玩又有少少kai....都係....算....(嗯我只玩了 sea walking..........=_=)

就係咁有隻船拖住隻傘囉~

好高呀~落下水咁...(怕死可以叫佢唔落水都得)
但有見到落黎果時錯左位跌左落水啦sosad
如果著拖鞋呢...就要赤腳玩
但如果係著核突魔術貼涼鞋呢~就可以著住玩啦~
可以高空睇景囉~
但個畫面都幾歡樂丫～(自我安慰中...)

大飛返上岸~成個人都係沙呀~~(因為太幼食晒落泳衣...洗左好多次都仲有沙.....)
咁就玩左一日~水上活動完成！

網址：http://www.pattayaseaadventure.com/
提早online 訂平5% ，每人1950 baht，我地有早一日叫酒店幫我地打去再confirm 啦~
領隊先生好好人，我上落船好似龜咁慢都冇催我～
(不過sea walking 果D工作人員個態度呢就....咳咳...)
*~溫馨提示：有心臟病同哮喘、耳病、呼吸道問題之友要小心，好人好姐既都要留意份保險包唔包玩高危活動~*

另一隻配樂係: Enya - Orinoco Flow

Read More

Ninja Buffet and BBQ

繼續龜速遊記 :P

去完 Hilton afternoon tea，個日落睇到咁上下，我地就搭tuk tuk去食晚飯。(嗯，R小姐跟我都是吃貨)
芭堤雅有幾間 ninja 架~
我好似係去左 North 果一間...

表面上係 300 baht 一個人，好似好抵...
一坐低呢...就見到個好奇怪既野...

呢個係 BBQ打邊邊二合一炭爐~

有條河用黎烚野，上面可以燒肉~
入面係炭...

但其實...佢燒唔到蟹...一..一
而可能我地拎左太多野食，搞到D staff 係咁注視我地...
係咁叫我地畀20 baht 燒一碟...
梗係睬佢都傻啦...少數怕長計呀...

除左海鮮╴其實都有好多肉呀炸炸呀、炒飯呀果D唔等駛既野食~~

記得好似仲有點心....

我懷疑我果晚食左我5年入面食既海鮮總數....-_-|||
D 海鮮要夾既時候自己揀D 靚仔，建議有基本揀海鮮知識先好...
btw...我唔知點解果度D可樂係冇味架....
仲要加冰係一定要收錢架.....

仲有呀，佢有D蜆明明係烚極都唔開殼...擺左響個煲入面啦....
佢係會屈你食唔晒架....要畀多50 baht...
仲要同佢嘈都冇用...
因為會扮聽唔明你講咩....我頂。
最後有個啤酒姐姐講得明畀我地知咩事...
但佢唔知做咩強調佢冇賺我地錢...=_=|||


不過個椰子雪糕好好食，我好似食左3碗......XDXDXD
D 蜆有D都幾好~
趁個湯未變死海咁咸...烚D 粉~
又蝦又蟹又蜆，再加少少泰汁，嗚呀~~好好味


要小心D炭爐會周圍飛
個樣就衰左少少~不過冇肚痛呀~
同埋食客大部分都係 local
(其實好過某酒店個 buffet......下次再鬧)

Address: Pattaya 3rd Road, Bang Lamung, Chon Buri

Read More

Paul Wong Rockestra Live in Hong Kong (2012)

因為 T小姐的男友抽獎得到26張票~ (嗯就是上面的那個啦...)
雖然是山頂位~但夏天就是要搖滾一下才對味！(還要免費，還有一人一瓶免費可樂！）

老實說，我的搖滾基因只是在骨子裡，都只是懂大路的 plug 歌...
前半部絕對是 Paul 哥對非信徒的考驗...
因為接連有很多首也不是熟悉的歌...
不過唱到本人經常在腦內響起的「我是憤怒」時，就活過來了~嘻嘻



然後...其實...紅館真的不太適合 rock show...
身為山頂的朋友...不敢站著跳...我怕會滾下山....

又，Paul 哥的國語...
很難聽懂...囧
還是唱廣東話啦


另外，電視真的比任何媒體還要「入屋」
encore 時陳豪等人出現，氣氛對比前面的悶場，簡直是兩個不同的show...
(我有時也是師奶哦...)





不過呢...rock 佬的浪漫，又真係幾冧~ ♥

「共你熱戀可抵擋冰天雪地
共你擁抱能忘掉名利...」
呢兩句 tag line 我唔知做咩事入晒腦...
可能真係 dry 得滯...

Read More

High Tea @ Drift, Hilton Pattaya

如果有下一次hea 食買玩膚淺旅行，而又係去芭堤雅，我一定會住 Hilton！
因為真係冇得輸！

首先個location... 樓下就係 central festival (大商場~) 由於冇時間行街既關係...我....冇仔細行到 central festival... (我唔明點解人地行到咁多商場...一定係因為我唔夠「港」...有辱行街精門眉呀真係....) 再望住 pattaya bay T^T 人生呀~

但...呢個地方又真係天堂與地獄...
因為...行去 hilton 既路程個地好爛... (um...我下次會狂坐 tuk tuk 架喇...)

實景黎架~真係冇得輸！(不過我認我嘆左陣冷氣先搬出去坐.....)

一去到芭堤雅就去左 drift high tea~ 因為餓到隻狗咁...
於是suppose 2個人 share 既tea set 我地一人一個啦...

不過可能因為泰國口味偏甜，upside down apple cake 同果個士多啤啤卷甜到瀨屎...
但係個 scone 同埋 chocolate mousse 係好味唔係好甜架~~ scone 既jam 係pineapple or 杏餔~ (但比較甜啦....)

之但係呢，上面咸點真係好味呀~~
(係個白麵包爭D...)
個煙三文魚 bagel 真係好好味呀~~(令我有少少想問有冇得order多個
bagel)

因為覺得熱，茶揀左 mint tea~ (用的是 Dilmah 茶包，冇得輸啦)
之但係呢...D 花草茶真係唔好飲凍...試左 R 小姐一啖 Lavender tea....oh...well...

呢個 high tea....令到我講左句...「我可以去死了...」
因為，真係好過份....

大佬呀，有 sparkling wine 或者 rose wine 揀呀！
仲要係個tea set 連埋呀！
對住咁大個海我攤響道飲酒曬太陽發呆呀！ (係熱左D...)

仲要黃昏其實好靚...
再加上成個 set 都只係 400 baht (即係港幣 100 蚊) 


問你死未?

官方資料:
http://www3.hilton.com/en/hotels/thailand/hilton-pattaya-hotel-BKKHPHI/dining/index.html

Read More

Abraham Lincoln: Vampire Hunter (2012)

我有200年冇睇戲。
由於tim burton 監制再加彊屍，沒有research 一上畫就看了。(本人是彊屍的好友)
完全係美國國慶應節的娛樂片~

可能有劇透，小心。

彊屍設定：
1) 搽防曬可以唔怕日光 (嗯...真係草木皆兵呀~)
2) 銀詛咒
3) 高速
4) 巨力
5) 殺唔死同類
6) 唔只兩隻牙搵食
7) 體溫凍
8) 劈頭先死，插心口唔知死唔死
9) 群體行動
10) 要邪惡靈魂才會轉化

呢套野真係惡搞得好熱血呀~
開頭有D唔小心嚇一嚇位，但捉到路之後就覺得殺戳我很爽皮。
原來係傲慢與偏見與喪屍個作者既野~
唔怪之得啦。

色彩處理得超級 tim burton

原來阿林肯係梅麗史翠普個女婿.......
佢個大聖劈掛咁款~真係想叫佢醉牶甘迺迪
仲有佢個D slow motion.....真係似玩緊martix 同kill bill......
殺到我係咁狂笑，好cult。

攪到我會諗....如果 true blood 既世界有上演呢套戲...
班 vampire會點睇......可能會好羨慕佢地可以 walk under sunlight~

之但係，呢套野如果係2D 會開心D...因為D 3D好流...

離題: 我真係唔mind 有吸血鬼男朋友/老公，完全接受到喎。只要佢唔好搞到一地血要我抹~
同埋我唔mind 要餵佢 ~

又，呢排壓力大得欲望都失去，睇一齣有關暴力美學的電影完全能夠滋養脾胃補血益氣。嘻~

Read More

曼谷的BTS

曼谷塞車乃世界知名既事實，而我只係響 Bangkok 兩日一夜，行程只係做spa、購物、去bar、同購物，再加上酒店出門口就係BTS Ploen Chit....交通工具梗係以 BTS為主。


但以下經歷真係唔寫唔得，真係睇左咁多本旅遊書冇一本會提你....

就係，BTS個閘閂得奇快！

(圖片來源：google)

我果日就係畀道閘(上面幅圖個閘紅色果個角呀就係)成個撞落個小掩位痛到呀一聲大叫！「火羅」到有實Q問我有冇事...
仲要痛到標眼水行二十里先行到去sky bar......
我堅係唔明...
明明曼谷既所有人行得都唔係快，個閘學咩野人咁快先得架!!! .\_/.

幾經觀察，每次出閘都要搵閂得最慢果個 (但都係好快)，然後一副get ready既樣企響個閘前面，然後要同伴R 小姐喺後面入飛，一 ~開~閘就衝呀...*賽馬語氣*
咁先過到...-_-|||
好驚險，搞到我次次都過得好緊張......

最後，我個肚撞到有個 3個五蚊銀咁大既瘀...而家都未散 T^T

Read More