戀人絮語

呷住我既twinings 薄荷茶同你講....
唔知係唔係我鱷魚頭綿羊底太易氹
我竟然畀隻kebab整喊我

是咁的，有一日佢好衰唔衰又問我病既時候會係點
話佢要知道，早D發現要照顧我咁話
又問我手腕上面既疤痕點黎...
(呢個人好得人驚.....專係搵人D弱點黎攻......)
咁我用左半晚時間同佢上左情緒病病發處理指南
亦都好似講緊人地既故事咁同佢講我當時既情形
(玩到咁認真......=_=)
(ok我全程都係用新開發既薜凱琪mode 同佢講野既XDXDXD)

一路講....條友一路攬實我攬到抖唔到氣咁滯....
一時又好似摸住隻貓咁摸住我個頭我塊面
仲付送超級情深眼神直到佢捉住我隻手錫我條疤痕
叫我唔駛再驚會得自己一個人

大佬呀真係頂唔順喊左出黎
就算理性話畀我知呢D 99.99%係 empty promise
呢個人好有可能係玩家(因為之後畀我發現左D野....再講....)
但喺果個moment 我都甘心畀佢呃多我一陣
聽多一兩句呢D假說話

當然，如果呢D說話係真既世界應該會更美好。

P.S.
大佬，其實我拍得拖唔多，但點解次次都奇難雜症成粒仆街磁石咁鬥智鬥力?
究竟幾時我先可以放低晒我D刀刀劍劍除低副盔甲，好好咁返屋企煮飯煲湯?

Read More

雜言雜語

1. 嗯，重獲自由出院了，有關呢半年既無無聊聊點點滴滴，可能久唔久寫返卦......畢竟好少人好人好姐住咁叉耐醫院

2.冇呀，出左院幾日就要返工.............好癲........好多自己野都未搞得掂.......
不過份工除左遠D同真係好那少錢之外係OK，準時放工身心健康! XD

3. (以下係冧冧豬時間) 無啦啦個世界多左個kebab

 
呢排係咁講英文XD 同埋蝦人聽唔明廣東話 XDXDXDXDXDXD 喂但點解人食鬼我食鬼我係食窮鬼=_=
不過有隻頭腦簡單既正能量怪獸喺度係好奇怪既一件事....本來諗住對佢好D唔好成日唔理佢，點知反而畀佢嫌我煩住佢仲問我返果份咩工究竟點解唔駛做野仲叫我 respect your job.............-_-|||||乜有人唔鍾意痴身仔架咩?......我都係諗住 role play下啫.....點知畀人訓話....

想當年如果係阿姐做野做到癲左既時候你識我我啋你都傻一..一
算啦我都係繼續做毒撚煲返D劇得閒先理佢啦 XDXDXD

喂但你問我同隻kebab會點....我唔知....玩玩下架咋我
不過我由day one識佢已經同佢講左我病左既事，同埋我住醫院.....

( 絮語mode )
有一日kebab喺我耳邊問:喂，其實你做咩會病既?
我：咪同你講過囉....個腦 D chemical 唔知做咩傻左，咪亂晒龍囉
kebab: 咁會唔會有一日又傻過架?
我: 唔知架，可能會架.....睇你點對我囉......(我成日都嚇佢)
kebab:咁點先會好返架?
我: keep住食藥就冇事架啦~~ 提我食藥囉~
kebab: 我咪你D藥囉，等我叫藥廠將D藥印住我個樣等你食落肚啦~

喂，駛唔駛咁冧呀大佬......搞到我忍唔住記低左第時有咩事睇返應該會嬲唔落

Read More