小幽小默, 齮齮齕齕!

2011年12月18日 星期日

惹火

晚上10:27 Posted by 嘈 No comments
對唔住係我錯,我禽日唔應該亂打野。D火多得滯。
話說今日放工返屋企想煮個米粉唔出街食。
點知,我發現個爐頭畀老豆煲粥浸左,仲有一灘水浸住個爐芯。
未食野不特只仲要我清個爐頭D炭屎。
都算喇,清完發現真係塞Q左。
仲要由細火突然變到有磨菇火
嚇到我屎忽標屎。

同老豆講有幾大件事,佢先笑笑口同我講佢果時因為睇報紙(!)冇睇火!!!
係唔係痴線架。
又要叫人黎check 爐整到都仲好整唔到又要買。
唔好計我壞左個微波爐未買返。
屌而家乜都煮唔到。



淒涼

凌晨12:53 Posted by 嘈 , No comments
當霉運像漏煤氣般一發不可收拾的時候,就什麼也不要做,讓它來個大爆炸。
混亂過後就會有生機。

黑到盡,人衰起上黎真係乜都有。
sick leave 請唔到,好,我頂。
一路sit 堂一邊發燒發冷乜撚都做唔到。
好,第二日,諗住一堂半堂我又頂左佢。
點知,我等左半個鐘都開唔到。
sit sit 下,以為自己流緊鼻水,點知,原來流緊鼻血。
我唔想學mc jin 條靚咁呀!!!
(詳情請看: 東華騷歌手唱到流鼻血)

 


為左唔好響學生面前表演流鼻血,梗係衝出去架啦。
衝出去既時候,人地班房入緊人我又唔企得喎。
最後,我一個人拎住一包紙巾,抦埋響後樓梯等止血。

奉送大量本人不負責任事後的email

好明顯,係之前關事既野太多,根本冇藉口畀你冧
好囉,食左佢。
萬大事都等我過左D心跳手震集中唔到精神先講。
死就死。

我需要: 火炎焱燚

2011年12月14日 星期三

療傷

凌晨3:51 Posted by 嘈 No comments
媽媽情況尚算穩定,轉到了寧養院。
這天我到了寧養院見社工。是院舍對家屬的所謂支援配套。

社工是一種我從來覺得無所識從的生物。
(no offence,真的,我唔啱駛,唔係要否定呢個行業既貢獻)
十五歲的時候如此,十九歲如是,到了廿六歲亦是如此。
曾經以為當年是因為年少的叛逆因子作祟,社工那一套,我完全聽不入耳。
但,亦是同樣的結果。
我想,這證明了他們的那一套,未必能切合每一個個體的需要。

我好怕面對陌生人夭心陶肺,而見社工,就是這麼一回事。

我心中有數,我不是家人想得的那麼好。
我也有想逃避的時候。
只是我沒有可能丟下所有自己收拾不了的事情,拍拍屁股一走了之。

社工在我僅有的時間問了我一大堆問題。
問我對媽媽突然健康差成這個地步,隨時會走,有甚麼看法。
問我如果媽走了以後我會怎樣活下去。
問我跟爸爸的關係怎樣。
問我事情對我有甚麼影響。
問我做甚麼事來抒發這件事對我的影響。

我知道那可能是標準指引的一道道問題。但,每題都刺中要害。

我跟爸爸的關係怎樣。

成長過程裡,爸爸的冷言冷語,所帶來的傷害,一世也修補不了。
我知,他好想我有成就,就把那個只是他旁觀而不了解的人,旁敲則擊地不停在我成長之中說給我聽。但重要的時候,他永遠不問半句。

初中,成績不夠好。
高中,成績不及那個他自豪的人好。但比上不足比下有餘。
大學,我已經不知是為了自己的興趣而選,還是因為我不服輸要走一條殊途同歸的路。
畢業,只要是靠自己,就問心無愧。
終於,我第一次聽到爸爸親口說:「過得去啦你而家。」
簡直是錐心鑽骨。
但冷言冷語繼續。
當然,已經沒有了小時候所聽到的來得有攻擊性。

要怎樣活下去。
喂大佬,你問我一年後係點我都答你唔到啦,仲問我個人生有咩plan你想我點姐?
真係唔係路架喎。

跟社工「傾訴」的期間,答案,比我當年考中化口試更假。
我知道如何塑造出滿意的答案。
我也很在行。
不要跟我說我自欺欺人,自己關了門。

一個正常人,明知那個地方破損了,不去碰,就不會痛。
最後會結疤,康復。
那是亙古不變的定律。
也是我懂事以來的自我療傷基制。
因為我知道,這些事情、心情、心態的調整,根本只有自己知自己事。
就算是我最親最近最要好的誰和誰,想幫想插手,也只是再補插幾刀而已。

只有失去理智的人,才會把自身的傷口,血肉淋漓地向外人展示、討論吧。

路,始終是我自己要走。
但可不可以不用那個了解家屬需要的名目,要我把肚裡的所有東西翻出來?
有事的那個,是我心頭的那塊肉,生活的焦點。
那有可能不痛?

好不容易才收拾了那些傷口,等待平伏。
為什麼一次又一次的要我面對那赤裸裸的事實呀?
翻開一次不夠。
隔幾天再掀起來。

我可不可以直接說,不要迫我去想像,如果時候到了,內心自然會強大起來。
真的不用給我哀傷治療、分享了。
一次已經很累。
需要時,最core 的人們陪我,就夠了。

2011年12月13日 星期二

香港文化還在嗎?

凌晨1:39 Posted by 嘈 , No comments
讀蘋果時看到:

新界告示牌棄用繁體字
政府簡體化港人

2011年12月12日

【本報訊】香港回歸 14年,連文字也回歸?大多數本港市民使用繁體中文作書面溝通,雖然法例無規定,但政府網頁一般備有繁體和簡體版。《蘋果》發現警方在新界部份地區豎立的警告牌只用簡體中文,旁邊未見繁體字對照,被網民質疑是警隊邁向「公安化」;有區議員擔心這是政府溫水煮蛙的「去繁體字行動」,直接破壞香港文化價值。
記者:馮樂琳、黃學潤

記者先後在屯門良景邨和上水港鐵站見到由警務處發出的簡體字警告牌,其中位於良景邨的警告牌掛在行人路旁,由新界北交通部發出,用簡體字寫上「行人路上踏單車會被檢控」的警告字句,附近並無繁體字警告牌。
本報就有關問題向警方查詢,發言人數日後作書面回覆時完全沒有回應用簡體警告牌的理由,只「答非所問」稱:「由於新界北地理環境特殊,市民以單車為康樂活動或短程代步交通工具普遍。」他又指新界北總區交通部在區內多個地點放置警告牌,警告市民在行人路上踏單車會被檢控,而警告牌是因地區人士要求,於 2005年開始使用。

警告牌的字句雖不複雜,也屬較常見的簡體字,但有附近居民認為,需照顧較年長一輩的港人未必看得懂簡體。賴太和同行的 10歲女兒表示能看懂每個字,但她直言「唔係好慣,要適應」。賴太認為警告牌同時有繁體中文和英文字版本較恰當。讀中四的成同學表示,未必人人看得懂簡體字,他個人也「睇唔慣」,並認為香港回歸後不需要轉用簡體中文。亦有巿民形容事件是警隊步向公安化。
而上水港鐵站外亦有約 10個相同警告牌,集中在彩園邨和彩蒲苑對面,用簡體字寫上「貨物阻街,會被檢控;亂泊單車,會被清走;亂拋垃圾,罰款千五」字句,由警務處、食環署和民政署聯合發出,當中只有一個警告牌旁邊設繁體字版本對照。
元朗區議員鄺俊宇表示,近期發現一些政府部門發出的通告用簡體字,他認為繁體字是本港地道文化,應捍衞:「雖然好小事,擔心政府係溫水煮蛙,慢慢瓦解我哋嘅文化,陰啲陰啲咁用簡體字。第一次用無人出聲,第十次、一百次後就成為習慣,我唔想 10年、 20年後繁體字變成香港人另一集體回憶。」

政府公文多用繁體字

根據法定語文事務部資料,本港法定語文為中文和英文,政府向公眾發表的主要文件均備有中英文本,立法會和政府會議會視乎需要,提供英語、廣東話和普通話的即時傳譯。
至於政府的中文公文可有繁體或簡體的規定?公務員事務局發言人指出,本港法例無相關訂明,但由於本港社會向來慣用繁體字,政府發出的公文一般採用繁體字。
政府部門亦會因應實際情況,例如公函受文對象,使用簡體字。

網民:點解遷就得咁緊要

•「就算喺香港住嘅新移民,都唔會唔識睇正體字啦。告示牌嘅字,繁簡分別真係好細,完全寫晒正體字都冇理由唔識睇,點解要遷就得咁緊要?」

•「都唔係畀香港人睇」

•「用人哋嘅語言去警告係一個恥辱,就等於去外國,人哋要專登寫中文去警告,一樣都係咁醜」

•「人哋專門提醒啲內地人唔好違反交通規則」

•「好有諷刺味道」

•「會越來越多㗎啦」

特稿
陳雲:涉歧視內地人

2011年12月12日

文化評論人陳雲認為,政府告示用簡體字有兩大問題,首先是有歧視內地人成份,「好似只有內地人先會犯咁」,只有繁體或繁簡兼備較適合。另一問題是有違香港的語文政策,陳解釋政策沒有明文規定,但粵語、繁體中文和英式英語已成慣例,公共告示使用簡體字有違慣例。他認為近年簡體字為市民接受,但正式告示應用繁體。
陳雲認為,內地若部署簡體字進入香港,從地方公共告示做起是正常手法:「但好似假設香港人識睇,係唔應該咁假設,應假設內地人識睇繁體字。」他形容政府的做法為「陰陰濕濕做唔見得光嘅事」。

繁體字為中文字「正體」

至於繁體中文的源頭,陳雲說是來自漢代楷書,發展至今的繁體字方為中文字的「正體」,為現時香港、澳門和台灣使用。「繁體字」一詞因中國推行簡化字而誕生。他續稱,殖民地政府刻意沿用繁體字,因不想內地出版刊物在香港「被明白」。他指出內地有部份用語也出現「簡化」,如意指人工流產的「人流」:「墮胎已經好清楚好簡單,何必多個說法?」


拿,即係咁。我身為文字工作者,真心覺得呢鑊真係剃眼眉。

雖然香港冇規定法定中文係用正體中文。火車廣告用簡體都算喇,班copy writer 要獻媚如果唔係冇飯食我明丫。之但係呢班差人係唔係用個programme 出正體字會變黑影睇唔X到啫?! 做乜春要咁姐,繁簡加英文parallel 唔得既?! 做乜冇咗?? 多老main 大晒??? 明明就係警察辦事不力阻街都唔拉,舉乜都冇用啦。

你話我stereotype 都係咁講,一定係班粉皮唔識字。
唔知語言唔係單純用黎溝通,仲係一種權力象徵。
唔同黑社會堂口都有唔同暗號或者用語啦,係唔係要個個人都好似省港旗兵咁驃悍先安樂?
咁不如放佢地黎鬼打鬼,封個restricted area 畀D 老main 啦。

好慶。

2011年12月11日 星期日

A Taste of Christmas

凌晨2:03 Posted by 嘈 , No comments


星期六,放工-->探媽媽-->和C小姐到T小姐家裡造(薑餅)人。

由於我們未曾焗過曲奇,不知道要把麵團放進冰箱裡.....

於是,那四塊是我們一晚的成果。

用了more noel 和 instagram,相片賣相不錯。

我們是超有heart 地手磨薑汁呢!! (不過...用了即食曲奇粉做底....)還加了肉桂粉!

肉桂絕對是聖誕不可或缺的味道!

空氣飄著甜糯的味道,好幸福!

哎呀,我想買焗爐呀。

另外,在T的大廈出面看到了月蝕,是暗紅色的月亮耶!但手上根本沒有可以拍下的機器,只有把影像記在腦海。

PS: C、T,我愛死你們了。我很久沒有試過笑得手酸腿軟。*kiss* 不過,T小姐,你的家外面的風真的很大......







2011年12月7日 星期三

__ 街了 (內含粗口)

下午4:12 Posted by 嘈 No comments
好,我認,我好撚肥。
雖然,靈魂是一個有格調的女子,但肉身不得了。

感謝好友C小姐帶領熱潮,早幾日日日post 自己食左乜野。
嬲嬲地我決定戒西麵同精製肉 (腸、丸etc),對自己好D。

之但係,今朝一上磅,仆佢個街,我一年肥左30磅。

哇屌。

趕緊deadline 都即時冇心情。
今晚睇怕一定要通頂做野。

睇黎fit for life 的肉菜分開食呢下野呢個phrase 幫我唔到。

我諗我要響呢個非常時期做D令自己發癲既事黎發掘我個小宇宙。

我,要戒carb 食代餐一個月。下個月7號再self reflection。聽日奔去買stepper。

請各位大王用力鞭打我。



(圖片是google 的,好彩我對腳幼D!)