小幽小默, 齮齮齕齕!

2014年6月4日 星期三

[深水埗] 真.男人勇者之旅 (II) 韓日燒(明將)

凌晨1:46 Posted by 嘈 , , No comments
一直講好「一齊食明將,一世好兄弟」,今晚黎到一個高潮!
好可惜西九龍明將已經換左招牌,叫自己做日韓燒之餘,起勢咁播泡菜歌....
但係,明將既精神係長存。
點解我咁講?
雖然紅豆軍艦已成追憶...又冇綠茶雪糕壽司
但佢既伏位已經再唔係壽司咁簡單...
連韓燒、菇、甜品至到野飲都充滿危...危..危...機......機.......機........(回音mode)
其實呢一日係有四個人去,但我地搵唔到人揸機...


先講講韓燒,係牛肋骨硬過我條命之外
係冇乜大問題...(唓~~~~~~)


然後介紹傳統破地獄既生化壽屍及魚生類...
昔日大佬之一希靈魚竟然味道正常,唔可以納入生化之列。
仲以為佢面目全非...
點知...一碟螺肉軍艦就成為左呢一場戰事既序幕

睇表面,佢地只係來貨好正常咁...
非也!
佢D紫菜應該死左好耐,依然係咬唔開
一夾就成舊散左(!)

入口仲有畀螺肉口爆(!)既感覺
因為佢D汁實在多到一個點....好似山洪暴發咁....

 腐皮係甜,但未至於佢咁甜到lar喉....



總的來說...所有魚類不論係同唔同顏色,三文魚、吞拿魚同鯛魚....
佢地個味都係一9樣,就係...
乾、硬、腥
雖然我未食過擦紙膠...
但需不中亦不遠矣.....

吞拿魚激似嘔吐物,個味...一個字....腥

至於而生化壽屍界呢一晚既大佬,有兩位佳麗實在鬥得難分難解...
佢地就係甜蝦毛同埋芥辣魷魚...魚魚魚魚魚(回音)

咪以為甜蝦毛細細隻殺傷力有限
佢既威力可以令人一擺入口就面有難色
然後吐出一句:「嘩屌!好撚腥呀!」
而佢既腥味更加令人神經錯亂......
明明離開左商場架車去左好遠,鼻腔後面依然有一陣腥味歷久常新....

至於芥辣魷魚...我覺得成件事腥過吞 X.....
X麻煩自己意會
佢既滑潺潺質感
腥亨亨既味道
連加左wasabi都於事無補...
但佢既 after taste 冇甜蝦毛咁長...

就憑呢一點,我宣佈呢晚生化壽屍界既冠軍係 Mr. Tim Ha Mo!!!!!
 Tim Ha Mo!!!!! Tim Ha Mo!!!!! Tim Ha Mo!!!!! Tim Ha Mo!!!!! Tim Ha Mo!!!!! Tim Ha Mo!!!!!

而熱食類我地食左春卷同 (聲稱係既)日式炒麵

一睇佢個樣就知非池中物
加埋W先生既加持...賣相簡直係劣食中既藝術!
而佢個質地就好似索左一噸萬年油咁
我食左一啖忍唔住要掉。左。佢!


粉麵應該改名叫怪味炒麵
喺反轉個兜都搵唔到一粒青椒既情況之下
只係一條麵就充滿左青椒既香味...

好名貴呀~~~燒鮑魚呀
仲限一人一隻架!!!!
但個效果都係擦膠.....

我地既戰鬥仍然未平息...
因為喺一遍劣食之中,總要用飲野黎中和一下....
點知...明將連飲野都唔放過我地.....

凍綠茶係真係得茶,好健康地完全一丁多甜味都冇
最正常係7喜,佢真係7喜黎架~~~~
然後R先生竟然創作左一款好飲既「百香果西米飲」

做法就係將百香果沙冰斟入1/3杯既熱西米露入面
由於西米露係冇味...
加埋甜到瀨屎既沙冰
出黎既效果就係負負得正 (!)

而喺劣飲既環節,兩個單位分別係可樂同埋菊花酒...


係可能會鬧 9我...
DLLM 可樂都中伏唔L係下嘛
少年,你太年輕喇
我一檯四個人都飲到佢有中藥味....
仲要係當歸添...


如果你信佢加冰
相信會死得好慘
其實佢所有既酒都係一樣既基調:米酒 (即係拜神果D.........!!!!!)

但菊花酒令我明白到咩叫「致死的傷只是剎那,活著的痛卻持久悠長」(from 全職殺手)
佢個效果係聞到似蛇羹...(因為D菊花)
但飲一啖,好似成個百子櫃D藥材都掉左落去
我係完。全。吞。唔。落......
所以呢一晚既終極冠軍係屬於
菊。花。酒!!!!!!

後記...
走既時候,我醒起要補返門口shot...
但個知客哥哥見到我地想影...就已經9秒9咁老尷地閃開左.....
明將,果然係名不虛傳。

0 意見: