小幽小默, 齮齮齕齕!

2011年7月31日 星期日

北京渡一號 (三) 大柵欄、都一處燒麥

晚上8:52 Posted by 嘈 , No comments
前門

到酒店settle 好,就飛奔去找吃的,因為那飛機餐實在滿足不了我們的胃。
又話說,之後本想去天壇,所以去了大柵欄找東西吃。

雖然,狗不理包子都在條街,但因為同行的R小姐不吃肉包子,所以去了我們兩本旅遊書都有介紹的都一處燒麥館。
點了四道菜,因為我們都餓得可以吃下三頭牛。
豬肉燒麥

豬肉燒麥的皮比我們廣東燒賣厚很多,餡料的肉不太鮮味,點了醋以後還是覺得太膩。但畢竟是人家的東西,都要試試! (但...沒有下次)

乾隆白菜、馬蓮肉

乾隆白菜甜甜的,加了甜麵醬和麻醬炒大白菜,開胃很好吃!!其實整個北京之旅的蔬菜都很好吃,可以是因為天氣乾燥,菜本身要儲糖,所以特別甜。但那個馬蓬肉也是膩得我們快要昏倒,很多滷水料來醃,但我們真的吃不慣太濃的食物啦...=__=

我們還點了一道爆肚,但因為太餓忘了拍照。(笑)用的是香港少見的黑柏葉,很爽!但可能南乳下太多,汁料很鹹。

地址:北京市宣武區前門大街 38 號

吃飽了都是到處走走,大柵欄沒錯是有很多百年老店,但也因為是遊客區,也就會有漢化的星巴克、uniqulo,還有周大碌!



很喜歡這張照片呢~!

不過,因為職業病發,也即時聯想到全球化對古老城市的影響啦。我可以肯定地告訴你,故宮不准開starbucks 也一定有其他古色的地方給她美國化,反正整個舊京城都令人患上審美疲勞。

2011年7月12日 星期二

北京渡一號 (二) 文宇奶酪店

凌晨1:56 Posted by 嘈 , No comments
okok係我一廂情願睇左做「文字奶酪店」所以對呢間野個名有好感。
仲要係寫呢間野呢個「毛聞」先發現自己多諗左。

永遠大排長龍,多人到嘔,而果D阿姐同老main冇禮貌到想死。奉送上身赤裸裸大汗阿叔大剌剌地行過high 埋你度。
掛著宮廷甜點的名號,自然甘心上當。

google 同旅遊書話奶酪係用牛奶、砂糖同糯米酒整成。因為當時實在熱到仆街唔想食太甜既野,我叫左原味奶酪(下圖右),R小姐叫左紅豆雙皮奶(下圖左)。



其實奶酪真係唔太甜,同乳酪個味唔同,冇佢咁杰。有少少米香同淡既酸奶味,質地比較實,但入左口又會變水,所以覺得涼左!好神奇!!! 我覺得好食過yogurt :D

偷左一啖紅豆雙皮奶,係滑囉,但冇乜特別。

另外叫左個奶卷(下圖)



其實....可以當佢係roll同cheese cake 的中國版...
好似食緊貢茶果個奶蓋變實左然後冇咸香微甜version。
因為用奶皮整,極膩。冇紅豆更加食唔落。而家諗起都覺得油。
唔係我口味囉...
(我懷疑係萬貴妃用黎質肥其他妃嬪所以叫人整D咁油既甜點!!!)

閒日去都係要排隊,冇得預訂~去開見到有就食下囉~

地址: 東城區交道口南鑼鼓巷49號 (限2000碗)
第一張圖係google, 其他自己影。

PS 我本來諗住硬tag 薜海皮首字花,而家冇啦,冇晒mood 硬tag 喇!
我真係睇左好多次都以為係「文字」囉屌。

北京渡一號 (一) 序

凌晨1:20 Posted by 嘈 No comments
一年一度出走盛會,由於時間(咳...假期)所限只能走到近近地的地方。心血來潮和同事R小姐相約出走京城。
二零一一年六月廿八至七月二日,我們在北京。

別人在紫荊吐艷慶歡騰,我極端一點,回歸了比倫敦更陌生的北京。
改了此遊記名為食字的「北京渡一號」。
全名為...在北京渡過了七月一號。又因為以食為重點,景點次之,取北京道一號的諧音囉。

向來的遊記都是簡簡單單的一篇,但今次我想習慣一下盡量詳寫。

Day 1 前門大街-都一處燒麥-利群烤鴨店
Day 2 十三陵-長城-English Tour-王府井大街-東華門夜市-裕德孚老北京涮羊肉
Day 3 中國電影博物館- 798- 老宅門刀削麵
Day 4 頤和園-圓明園-什剎海- 海底捞火锅(西单店)
Day 5 天安門-故宮-南鑼鼓巷(1)

有排寫!!哈哈哈