山水有相逢

救命，訓唔著。
應該係因為放假訓太多掛。

又，
近來有事令我諗，自己係咪額頭寫住“好蝦”兩隻字。
你話嬲，又未算。長知識囉。
而賤人又真係一街都係。
但有啲野，真係唔怕有報應架咩？
要幾自我感覺良好先做得出。

又其實，做幾多次真心膠都好，本人依然會口賤心無毒。因為做唔出，不屑做，同埋驚有報應。

祝
山水有相逢。

Read More

秋風起

呀....終於有少少秋天既感覺
可以坐戶外位然後曬太陽發呆

但點解不約而同咁有幾個著運動衫打機既肥仔一路打機一路大叫

反而果啲你由得我靜靜咁食口煙啦係正常好多
總會有人破壞氣氛

又
究竟我以前有幾乞人憎
當google自己個英文名會有item係香港醜婦抵你失業抵你死老母。

啊，早幾日夢到老母叫我早啲訓
最後幾日都係極夜訓訓唔到。

放假已經係唔出聲發呆既好時間
嬲完火完又一條好漢

講你又唔信話唔好睇到自己咁重要丫嘛
哦，咁我咪要做任何extra都攤手囉
世界盃決賽咁日日猜波
反白眼反到世界盡頭

喂呀交完租好窮
但我想買jo Malone 因為不買白不買。

Read More

I'm dying

山說：「我說黎死喇」
我說：「唔得唔准你死」
山：「我就黎攰死喇」
我：「咁我會瘋狂揼你心口，同錫到你返黎為止」
山：「咁我會扮死😂😂😂」

然後條友仔好無聊咁唱佢自己作既歌仔「let's sing and dance together 」
然後，我開始眼訓了。

Read More

毛邊本

嗯，大鄉里地以為壞書，原來係毛邊本。
每睇一頁要劏一頁。
好好心機。

呀，重要查 post modernism 係乜，早排poly design grad show 個 poster design 同周保松新書都係話 post modernism喎。

Read More

感動

當有個人將你當成會喺佢未來出現既人物，然後幻想將來既生活會點
其實冧到爆。

是咁的，男朋友是回教徒，每年都有一個月要齋戒。齋戒係由日出前到日落後都唔可以飲水食野，為左體驗窮人既經歷同埋淨化心靈。當然要戒埋女。

然後喺齋戒月前，阿男人話we need to talk
講左好多次。
但因為太忙太攰又唔想喺text 講，所以都係冇講。

最後，齋戒月過左，佢突然話we need to talke之後飛奔左黎我屋企。將所有對之後既諗法講畀我聽。

佢話要去讀書，但又諗起，開頭一齊既時候我問佢會唔會掉低我走左去？（因為前度陰影，果種冇安全感再加我份人咁神經質，真係可以好恐怖）

然後佢問我點睇，我覺得換轉係我佢都會support我，冇可能因為咁要佢留低。

我唔知將來會點，但多謝你將我放埋入你既未來入面。

Read More

賤精

當所有人對果個人既評價都係話佢賤格
然後果個人都仲係who fucking care
然後又有人叫你小心啲唔好兜口兜面話賤人係賤人，驚你死左都唔知咩事。
之但係
老娘連死都唔怕點解要怕佢呀？
*攤手* *無奈*

Read More

讓青春於舞池流逝

素顏，阿婆綠色針織冷衫，開工黑色褲和vans sk8 hi，我竟然喺星期五流流開完 OT，同西班牙先生去左老蘭(!).........

從來都知道自己定位，to see and to be seen 既地方，去到都覺得格格不入。
隔離果個西裝樣，一睇就知唔襯。哈哈哈哈哈哈。

最絕既係，我唔係唔畀自由你，你玩完不過話聲你知我等緊你。

我喺度呀。

(利申: 圖中乃是路人。)

Read More