庇護工場的一天

開始忙，個 blog 就生菇。
但今日真係百年唔逢一潤，是為記。

是咁的，由於天王大人的新一輪宣傳攻勢如箭在弦。
宣傳除左一日見7次巴士啤實你飄過、追巴士望住佢黎跑之外，(by the way 搬左office 之後真係追多左好多次巴士....終於明點解會有人買斯文面跑鞋底既鞋.................)
仲有...foldersssssssssssssssssssssssssssssssssssssssssssssssssssssssssssssssssssssssss O_O

咁因為好趕，一家大細都要庇護...將宣傳品入落 folder....
入左一朝....堅手軟。

爛 gag 時間

咁呢....阿 L 呢...就好喜愛阿徐子珊喎....
咁呢....有好大疊紙冇位擺黎攝野啦....
咁呢...阿L 呢... 就將疊紙擺自己大脾上面，然後發出怪叫....
「頂，真係好似有個人坐左上去咁...」
咁咪當係個靚女...佢叫....紙山。

粗口時間

從事體力勞動，餓到半死。
體力勞動者多數粗口爛舌...如是者今日都非常粗口。
(平時好D架~~)
但由於另一同事 F小姐打完邊爐冇幾多日唔想食丸，所以唔想食某台灣野...
於是建議去 euro xo xo

L 突然大叫：「嘩，euro xo xo D 蒜蓉呀，臭過 X (口型，靜音)」
我有理由懷疑 L 係吸血鬼黎....
佢憎蒜蓉憎到一個地步呢...
是咁的，我真係未見個佢咁深痛惡絕既表情，真係咬牙切齒...

而我又真係好X肚餓...
又想為蒜蓉平反...
我忍唔住講「頂...X咁臭你又X...你以後咪X食炒野呀，實有蒜頭落架!」
但..........
因為本人的聲帶結構奇怪，好眼訓同細聲時講野係其嗲無比.......
結果.....就係用一把極嗲既聲黎講以上毒舌說話..../___\ 錯晒...........


結果...L 竟然話我個人做咩咁粗口(明明佢開盤先...)，但最後佢屈服去 euro xo xo~
yeah~

(上面段片唔關事但諗起好好笑所以貼埋.....)

冇呀...我想講...古語有云「吾日三省吾身」...堅到呢...
早餐食咩好呀
lunch 呢...?
夜晚呢???

妖，真係問lunch 食咩可以問足一朝，由食完早餐開始問架。

Read More

馬德鐘，蔡少芬? 湯寶如，徐子珊??

咁啱食飽飯同佐治睇緊電視，播福祿壽演唱會。
唱緊相思風雨中。

我:「E~真係湯寶如黎架喎~」
佐: 「咩呀邊係呀?唔係毒咩咩咩果個咩?」
我:「唔係呀，係湯寶如黎架!」
佐:「真係唔係毒咩咩雷咩果個咩?」
我: 「吓，你以為佢係徐子珊呀????」
佐:「係呀~嘿嘿嘿」
O_O

成件事應該係「馬德鐘，蔡少芬」呢下響佐治個腦發生....

=,= =,= =,= =,= =,=

Read More

咖啡杯當選票

截稿之時，正正是美國總統大選結果公佈當日。奧巴馬剛發表勝利演說，the best is yet to come，最好的尚未來臨。內容都是美國兩大黨派協調、經濟改革、移民、就業問題，跟我城面對的分歧就像兩生花。要預測大選結果，除了占星、堪輿學、靈雀、八爪魚、票站調查等，還有些有趣而又涉及民意的方法。

l   7-Election

美國人喜歡一早喝一大杯咖啡，用來招回魂魄，然後開始一天的生活。再加上美國人有著一套非常踴躍地表達自己政見的文化。「總有一間喺左近」的便利店，就利用了這兩種國民習慣，想出一套用咖啡杯投票的行銷活動。

由 2000 年大選開始，於每屆大選都會舉行 7-Election。人們買咖啡時可以選擇用印有自己支持的候選人的紙杯，藍色代表支持奧巴馬；紅色代表羅姆尼。而便利店則記錄各個洲份的銷售數字，以推算結果。

今屆的7-Election 結果為：奧巴馬得「杯」率為 59% ，結果跟正式的大選結果也一樣。其實，由 2000 年以來，這個咖啡杯選舉出奇地準確。以 “Buy a coffee.  Cast a vote.  Make a bald eagle proud.” 來作標語。Bald eagle，是象徵著美國的白頭鷹，也象徵著美國國民。此活動有趣地體現當地文化及政治文化，喚起市民的歸屬感。比起電視台的選美冠軍「普選」，這種民意調查更能成功地建立該便利店的本地化形象。

如果要將這套「普選」引入香港，或者可以改為買奶茶還是檸檬茶、買燒賣還是魚蛋！不止咖啡可「選」。 =P

參考網址: http://www.7-eleven.com/7-election/

圖片來源：google, 7-eleven.com

刊登於 Engage (12-13) Issue 3

Read More

大城小廚成大事

當我們的電視飲食節目依然十年如一日，游走於歌頌山珍海錯、精緻巧手的天堂與嘲諷古怪菜餚、恐怖廚藝的地獄之間。世界上的另一端，其實正在百花齊放，令觀眾只消坐在電視前面，就能看到人類最基本的「吃」，除了裹腹，還可以有何意義。讓名廚 Jamie Oliver (傑米．奧利佛) 的一系列項目告訴我們：吃不簡單。

影響生命

經過了早期的煮食的節目製作後，Jamie 不甘只當一個普通的烹飪主持。在Jamie’s Kitchen (奧利佛廚房) 節目中，記錄了Jamie 如何讓一群來自低下階層、低技術的青年人，經過一連串的廚藝訓練，學成之後能在他開設的慈善餐廳就業。每位青年人，各有不同故事，但都在廚藝訓練的過程中，找到自己的目標、弱點，藉此機會脫離困境。節目過後，這個影響生命的計劃依然繼續，除了倫敦，更拓展到其他城市。

飲食革命

Jamie 擅長利用有機的食材烹調。推廣有機、放養 (free-range) 動物不為了甚麼，只是相信「You are what you eat」，吃了健康的動植物才擁有健康。為了引起更大迴響，他以空降的姿態到了美國，意圖改變全球飲食情況最糟糕的地方。他認為改善過重問題，要由家庭出發，要使眾人也懂得用新鮮、未經過多添加劑加工的食物做菜。他更向市民大眾揭示連鎖快餐集團為了有最大的利潤，採用本身為人唾棄的、比飼料更差的劣質材料，但經過包裝、加工、改變食材原貌、廣告心理等手法，誘使大眾以為自己吃了不同的有益的食物。

吃的教育

Jamie 認為，要改變飲食風氣，要大眾學會基本營養知識，除了改變家庭的烹調手法，還要改變不健康的學校午餐。在午餐改革之前，英國當地的學校供應大量的油炸、肉食，蔬果的比例明顯不足。改革運動的初期，竟然引起了家長群起反對，認為只供應新鮮健康食物，剝削了孩子可以選擇自己喜愛的食物的權利，曾為英國國內極具爭議性的話題。引起了公眾的注意後，英國政府因此承諾於三年內撥款二億八千萬英鎊以改善學童飲食。前首相貝理雅更將此舉歸功於 Jamie Oliver 的改革運動。

飲食文化

「Pass It On」是 Jamie 的其中一個建基於社區的飲食運動，教授了人們其中一些菜色的做法，然後傳給自己的親友。利用社交網站，凝聚了各方的力量。除了人與人之間，Jamie 的節目以公路旅行的形式，介紹了不同地方的美食。以「Jamie the Great Britain」為例，介紹了由移民人口傳入英國，繼而成為英國人常吃的一些經典菜色。他為此走訪不同的種族、地區，為了呈現當地多元的飲食文化，以及呈現來自各國移民後代所維繫的傳統與歷史，與英國現代的文化當中的微妙關係。

飲食，是表現不同文化中最基本的一環。由人際關係、教育層面、商業層面、社會層面，以至國家層面，一環扣一環。構成了一幅重要的人文版圖。Jamie 於西方所提倡的有機飲食、多元飲食文化，其實跟我們中國傳統文化教我們不時不食、和而不同，都是殊途同歸。就是為了建立一套從吃開始，引申而來的生活享受。

圖片來源：Google
刊登於 Engage (12-13) Issue 02

Read More

拎黎做乜?

其實，有D 野...一次半次唔緊要，但每一次、去到邊度都係咁
堅係會忟。

冇呀，我想講呢，次次去拎親個個月都出既 exercise 同埋拎我有份寫果本雜誌呢，都畀人問我拎黎做乜之嘛。

拎黎做野囉。
拎黎改文囉。

你拎本雜誌黎睇呀??
....呢個我真係唔識答.....
例如我要keep record 自己做過乜，下次要出乜...
即係咁呀...問野冇sense 唔緊要架，但唔好黑我面丫
大家做既野唔同啫，我知D野響邊我會自己拎啦...咩事啫

你黑面態度唔好臭串就得
我黑面呢? 咪會話我黑面囉...
妖。

然後同同team 同事們講起，原來佢地都係咁畀人問。
都係果句，問唔緊要呀..........
唔好串串貢咁問人丫.......

就係因為咁，訓練本人有哈哈笑但同時表示不滿的本能。

好似有學生唔知做咩明明我響課室，有掛証件，佢都不屑交份文畀我，死都要交出counter...
咁 counter 咪又係畀返我改....=_=
咁我撈返係職責丫...
咁一收到份野要mark 低幾時收
(因為D人仔成日寫埋D fake 既日期...)
咁我習慣用紅筆mark...
但執晒野唔想搵咪問counter 拎啦...

又問我要紅筆做乜.....
你唔係而家改下嘛???

我笑住答：企響度表演改文? 歡樂滿東華籌款呀???哈哈哈哈哈

嗚呀。

Read More

Saturday Night，話題

又到了星期六，本來說要行i.t. ，最後，村姑出城要A先生陪我行斷腳。

花園的雜扒像肉山，假花裡面有假檸檬假蘋果扮花。
Gap 紙袋裡面是Navy Blue 冷衫，二揀一揀唔到，叫A 先生快快出來救我幫我揀。
Forever 21，以後只行地庫夠了。Teal Cardigan ，我找到了。
天仁茗茶好好喝，下次要有珍珠呀...
但誠品令人失望呀，Business / Language 擺在一起是那門子的分類呀? .\__/.
紅黑紅紅黑的手錶，猜猜哪隻是我的？
__________________________________________________________________________
跟A先生是一起溫書逛街聽歌看海的大學同學。
我們的說話內容，由剛剛認識時的電視劇、行街買野、gossip 別人的感情狀態...
改變成繼續講電視劇、講行街買野、講gossip 別人的感情狀態、講事業、講買樓、講移民、講骨灰位、講前途...

是老了嗎？

是日無聊時刻：
吃飽花園餐廳的雜扒餐，仍住在灣仔的A先生在陪我等車的時候，默默抬頭望著怡和街的人家晾出來的被單。呆了。

View Larger Map
A先生忽然說：「買呢道要幾錢丫拿？」

沉默。

我用最陽光的語氣回應到：「唔好諗咁多啦，壞腦架！」

A說：「唔通真係要認命唔買樓，然後可以盡情買野？」

口講叫佢買啦買啦，但輪到我個心沉默。

其實，因為我有得住公屋，所以唔駛煩住邊。

Upward mobility，好似從來只響幻想中出現。

比上不足，比下有餘。

還完錢又一條好漢囉~

本來今天想做個只消費不思想的死港女，但一不小心又陷入「改變現狀」的迷思。

啊。

Read More

Now TV 與 Elton George

有關 Now TV

放工回家，佐治又捉住我講野。
佐：今日呀，盈科有人話黎拉電視線，又話免費機頂盒又話免費拉線又話盛。叫我畀佢入黎和...

我：（極放心，因為佐治係點都唔俾錢既人）　咁你點應佢呀？
佐：我問佢，邊會唔駛錢呀啫係幾錢啫，玩下佢囉。
我：咁易就chok散？
佐：我話唔駛錢諗住裝，然後個人講，都係三蚊到一日啫。
我：哈哈哈你好醒呀～～
佐：唓，佢好咋，諗住仲有人上當。本身咁多個台我都夠睇有突啦...
我：係囉，有跑馬仔、新聞同電視劇就得丫嘛～

btw佐治今晚用咗過期馬經舖檯食飯，因為最順手。
______________________________________________________________

Elton George

冇呀，佐治對眼呢...有青光眼，仲一隻眼600 度散光另一隻900度....
所以眼鏡係佢一定要帶既野...

然後呢...
佢好地地拎左先母的眼鏡框去配，話淨係配鏡片平好多。

之但係...個框，係淺粉紫紅色....
佢戴完既效果....就係 Elton John 老多20年咁...=,=|||
(如下圖...from google)

Read More

飛滋的英文是甚麼？

嗯，我認，有時我好低能。
今次低能事係用微波爐叮豆奶飲冇攪均...
一飲辣親...
半邊咀腫左...
但又冇理由因為樣衰咀腫而唔出街架~

當日同 T小姐去左 tea，期間都腫到要含冰....

然後...夜晚仲同A 先生打邊爐添 (!)
A先生仲安慰我其實唔覺...
好令人心虛...
我仲要起勢咁整D 勁樣衰核突樣....
(咳咳，此仁兄曾經展示咳至吐血既血....send 潤腸咀相，仲有變成鋼牙先生的第一手真相... 所以好重口味..)

事情發展落去...一日一杯維多C.....兩日後...
劇痛、依然腫...
而且腫既地方正好係下面犬齒咬到既地方....
咬下咬下...
傷口再side bet 3粒飛滋
真係人都唔想做..........

最後要買飛滋膏...
屈人寺賣到.....
47蚊一枝....
藥房冇貨...

最後要叫老豆行去老連咁遠先有....
26蚊!!!

飛滋王國由三變二....
個唇邊真係keep 住痛.....
好地地我仲睇飛滋膏睇下飛滋既英文係咩........
原來係 mouth ulcers
有S 架....
即係唔止一粒.......
google mouth ulcers 仲恐怖，勁多好恐怖既圖..........

雖然，我what's app 都係會叫返佢地做....
faye g。

Read More