早排...無啦啦整親隻眼停工幾日...
再加上係新年趕印刷廠收爐前交野...
我而家同一個死人冇分別。
嗚呀，我想放假姐其實
日日都3, 4 點先有得訓...
我想死呀。
再加上係新年趕印刷廠收爐前交野...
我而家同一個死人冇分別。
嗚呀，我想放假姐其實
日日都3, 4 點先有得訓...
我想死呀。
2013年1月25日 星期五
2013年1月14日 星期一
[尖沙咀] Ladurée Hong Kong
實不相瞞，想當年去巴黎，乜野都唔識，咖啡都好似冇乜飲過....
唔好話食 macaroon....
唔好話去 cafe de flore
最深印象係響巴黎鐵塔下面食左最凍最硬既包.....
仲要一直坐響冇野睇既鐵塔背面....
Laduree 都係後來睇gossip girl 先識...
Blair 緊張同唔開心時狂食既咪就係 Laduree
由於當日既志願係要做一個港女，唔係唔去買餅下嘛...
其實入面仲有果醬呀茶葉賣架~
咁睇左一陣野，就去揀餅喇~
D 姐姐好好笑容好cheerful ~睇見都開心~
之後 N小姐會黎，咁就揀一人四個一齊食啦~~
飲Chai Tea (早知...揀 Earl Grey...)
睇號外
左起: Salted Caramel, Rose Petal, Pistachio, Coffee
重點狂推咖啡味
其實佢咬落去呢，就有D chewy
第一個食既係 rose~
個味唔假 (er...其實我平時都幾憎玫瑰味既野....唔好問我做咩事揀)
不過，甜左D。
(其實，怕甜真係唔好食 any macaroon....)
之後係開心果...
呢個....極怕杏仁味既 N小姐同我...都想死...
好地地開心果點解要有杏仁粒同杏仁味呀，點解呀，點解呀?!
過年買返包開心果冇咁嬲!!!
我知macaroon係用杏仁粉整....
但都唔駛咁勁杏仁油味架嘛?....
如果鍾意杏仁藥水味既重口味之友包你滿意
再黎，salted caramel
即係呢，平時我係焦糖之友黎既...
咁但係呢....呢個焦糖個醬係近似 butter scotch 既地步...
又係甜到瀨屎
最後，咖啡味，甜度適中，可以再戰。
不過我隔左成個鐘先食架，唔知有冇影響質感。
因為macaroon係好受濕度影響......
然後，chai tea 都變得完全唔甜了。
真係好甜呀~
如果有下次我想試下檸檬同甘草 hahahahahaha
甘草好似好離奇咁
下次經過先算~
都總算試左~
希望佢第時擴充成 tea room 有其他 cake 啦~~~
靠裝修都一定成為港女指定景點!
2013年1月13日 星期日
[尖沙咀] Greyhound Cafe @TST
.jpg)
放假，約了C小姐午餐，順手歸還那部救了我一命的 desire hd 。
本來話窮，要去deli and wine，點知 c小姐的美食魂不滅，去了greyhound cafe。
暑假去曼谷由於只停一日一夜，個 central world 都未行得完，唔好話去搵野食...
所以呢...我大鄉里先第一次食咋。
本來想叫個墨魚汁麵，但係呢.....阿侍應哥哥話個墨汁麵真係好會好辣...(佢強調左3次好辣)...
雖然我本身其實食到辣，但都畀佢嚇一嚇唔敢叫......hahahahahaha
然後，又見到個泰式銀魚意粉喎~~ (圖中左下)
咁我身為重口味之友梗係要會一會佢啦~~
一上菜，c小姐已大叫:「好臭呀，我想"了" 一啖呀~~」
一食，不得了，銀魚蓉同番茄掛晒上個意粉，d 鹹香呢不得之了。再mix 埋d 新鮮青胡椒呢....blend 埋晒個胡椒爆果一下呀，差在未跳起大叫好好味呀。
成舊水係有少少貴....但真係唔係無啦啦既鹹魚意粉replace 到~~
單骨雞翼係好味，但一定要趁熱食。
但都係銀魚意粉深得我心。
名物檸茶偏甜，我飲得比較快，咬茶冰時發現有沙冰質感。
見到有就咁 iced tea 以為係泰式奶茶，一問 sorry，真係茶黎架咋.....
下次或者可以試下果杯藍色豌豆茶~~嘻
由於想去 laduree 買餅食，都係冇試 dessert 了，下次去完尖咀又多個晚餐able 之選。
呀，又一城都開左。
2013年1月9日 星期三
2012
2012 是本人的星球上最黑暗的一年...但有失又會有得，對吧。
終於感受到咩叫個心冇左一忽，噢，原來係咁。
儘量唔放灰，但，畀我呻下丫喵...
一月，媽媽走了。表面冇咩異樣，事情過後我仲識講笑。但，果種沖擊，係陰D陰D 響D大時大節呀生日呀，諸如此類既滲出黎夭心夭肺。係呀，到而家提起我都仲係會眼濕濕。每當到到當時既天氣，又濕又凍呢....更加抑鬱。
唔好叫我睇開D，呢個世界最愛我既人走左，點都睇唔開。
然後慢慢發現老豆係一種咩生活，由零溝通變左焗住講野...嘗試久唔久寫低佢既小故事。
其實我好怕好怕，到最後我會咩都唔記得。
二月，在最壞時候懂得吃，捨得穿，不會亂。在忙屋企大改造，搵到唔知幾多個煲。fb 當時寫道。有五個西麵煲、一set 西餐碟、兩隻嘉士伯杯、四個百蘭地杯、四隻香檳杯、約四十隻碟、約三十隻碗、三十隻杯、十隻保暖杯、六個水壺、二百個膠袋、八張地氈四大箱衫。
YY concert 洗自己 fb 板洗埋人地板，好彩果時一早買左飛。
三月，係咁咳，咳到病發要去照肺，凌晨六點行出醫院，九點返工。發癲。食藥食到dosage double，哈，爛命人條，同人唔同命。人地虛弱奄奄一息，你? 返工發冷啦你。叫人買lady gaga 飛，開頭買唔到仲連續鬧人鬧左廿分鐘。嘿嘿。
四月，睇達明一派!!!!!!!! 一個人去，超hyper。和集體齊陰怪一起去西貢，阿海風呀西餐呀~~春嬌與志明、盛女愛作戰、復仇者聯盟。
五月，睇lady gaga。覺得自己去左 rave party。收到南美來的明信片。睇fb 見到自己曾經腸胃炎發燒...(嗯一年N次的腸胃炎) 為左食買玩，去旅行揀左去泰國。
六月，(愈寫愈短)。去旅行，曼谷芭堤雅，遊記又爛尾。D泰仔條褲好緊。睇住女皇登基50年，annual dinner 中獎。
七月，十號風波一掃。友人去了意大行打viber 回來，走左仲傾得多過響香港。8號風球去左flying pan，ge ge ge。屋企換電線做餐死。32度BBQ，天上星星也摘給你，下年無以為繼了。吸血鬼獵人林肯。黃貫中 rock and roll never die。國民，教育。
八月，奧運，睇肉世界，左一句marcel 又一句phillip boy 再加個tom deley。A&F。第一次真係copy write 個 copy 出街。iphone 爆mon。低俗喜劇。唔知幾時開始星期四放工成日都夜媽媽有飯局。
九月，生日月。正日，到最後，有人唔記得自己約左我，應承既野冇做到，到最後我當冇事又真係以為冇事，頂，其實我仲有D嬲，點解次次得自己緊張。總之生日果幾日都錯晒。好彩仲有個tea 頂一頂。妖。買唔到iphone 5。立法會。學民思潮。40幾個人同我講左生日快樂 :D。
十月，大閘蟹，整容天后，note2，賤熊，stone grill。個樣登左上雜誌。
十一月，ritz carlton high tea，搬左去荃灣返工，怨念好重，個位好窄。多了一隻錶。課室有檐蛇。七孔流血還七孔流血，死還死。兩件事黎架。
十二月，懶神秘，末日沒有來。屋企暫托了一隻貓仔，叫德德。FB變了貓奴日記。我討厭政治。平安夜，一個腸胃炎一個感冒。病到第一次睇舞台劇訓著，仲要係之前明明好想睇。最後，我都仲值一個芝士火窩。gossip girl 完左。嗯，睇住套劇同自己一齊大。但願我可以找到 chuck。聖誕都冇假放。咁又一年。
最難過的，都過去了。
有時，心情太差接埋自己，但其實又有時想有人掘我出黎陪我玩。
嗯，好矛盾。
好彩有朋友仔，一人分D 開心畀我都夠照了。
嘻嘻。
終於感受到咩叫個心冇左一忽，噢，原來係咁。
儘量唔放灰，但，畀我呻下丫喵...
一月，媽媽走了。表面冇咩異樣，事情過後我仲識講笑。但，果種沖擊，係陰D陰D 響D大時大節呀生日呀，諸如此類既滲出黎夭心夭肺。係呀，到而家提起我都仲係會眼濕濕。每當到到當時既天氣，又濕又凍呢....更加抑鬱。
唔好叫我睇開D，呢個世界最愛我既人走左，點都睇唔開。
然後慢慢發現老豆係一種咩生活，由零溝通變左焗住講野...嘗試久唔久寫低佢既小故事。
其實我好怕好怕，到最後我會咩都唔記得。
二月，在最壞時候懂得吃，捨得穿，不會亂。在忙屋企大改造，搵到唔知幾多個煲。fb 當時寫道。有五個西麵煲、一set 西餐碟、兩隻嘉士伯杯、四個百蘭地杯、四隻香檳杯、約四十隻碟、約三十隻碗、三十隻杯、十隻保暖杯、六個水壺、二百個膠袋、八張地氈四大箱衫。
YY concert 洗自己 fb 板洗埋人地板，好彩果時一早買左飛。
三月，係咁咳，咳到病發要去照肺，凌晨六點行出醫院，九點返工。發癲。食藥食到dosage double，哈，爛命人條，同人唔同命。人地虛弱奄奄一息，你? 返工發冷啦你。叫人買lady gaga 飛，開頭買唔到仲連續鬧人鬧左廿分鐘。嘿嘿。
四月，睇達明一派!!!!!!!! 一個人去，超hyper。和集體齊陰怪一起去西貢，阿海風呀西餐呀~~春嬌與志明、盛女愛作戰、復仇者聯盟。
五月，睇lady gaga。覺得自己去左 rave party。收到南美來的明信片。睇fb 見到自己曾經腸胃炎發燒...(嗯一年N次的腸胃炎) 為左食買玩，去旅行揀左去泰國。
六月，(愈寫愈短)。去旅行，曼谷芭堤雅，遊記又爛尾。D泰仔條褲好緊。睇住女皇登基50年，annual dinner 中獎。
七月，十號風波一掃。友人去了意大行打viber 回來，走左仲傾得多過響香港。8號風球去左flying pan，ge ge ge。屋企換電線做餐死。32度BBQ，天上星星也摘給你，下年無以為繼了。吸血鬼獵人林肯。黃貫中 rock and roll never die。國民，教育。
八月，奧運，睇肉世界，左一句marcel 又一句phillip boy 再加個tom deley。A&F。第一次真係copy write 個 copy 出街。iphone 爆mon。低俗喜劇。唔知幾時開始星期四放工成日都夜媽媽有飯局。
九月，生日月。正日，到最後，有人唔記得自己約左我，應承既野冇做到，到最後我當冇事又真係以為冇事，頂，其實我仲有D嬲，點解次次得自己緊張。總之生日果幾日都錯晒。好彩仲有個tea 頂一頂。妖。買唔到iphone 5。立法會。學民思潮。40幾個人同我講左生日快樂 :D。
十月，大閘蟹，整容天后，note2，賤熊，stone grill。個樣登左上雜誌。
十一月，ritz carlton high tea，搬左去荃灣返工，怨念好重，個位好窄。多了一隻錶。課室有檐蛇。七孔流血還七孔流血，死還死。兩件事黎架。
十二月，懶神秘，末日沒有來。屋企暫托了一隻貓仔，叫德德。FB變了貓奴日記。我討厭政治。平安夜，一個腸胃炎一個感冒。病到第一次睇舞台劇訓著，仲要係之前明明好想睇。最後，我都仲值一個芝士火窩。gossip girl 完左。嗯，睇住套劇同自己一齊大。但願我可以找到 chuck。聖誕都冇假放。咁又一年。
最難過的，都過去了。
有時，心情太差接埋自己，但其實又有時想有人掘我出黎陪我玩。
嗯，好矛盾。
好彩有朋友仔，一人分D 開心畀我都夠照了。
嘻嘻。