白熊咖哩 (Updated 2.0)

(更新 2.0)

一個星期後，懦夫回來了，想去吃熊仔咖哩...

set lunch 沒有了，變成了貴了很多的加$15 有湯/ 沙律/ 飲品/ 雪糕 四揀二的餐。

也沒有了那震撼的"e la sa e mas" .....
如果是能保持水準也不打緊。

今次我點的是激辛豚肉，吃得很爽，醃菜不錯~
哈哈~夠辣的咖哩才是王道！
不過呢... 想吃綠茶味雪糕卻售罄 ，想吃薯仔沙律又售罄...
侍應再三說明只得呍呢嗱...
好...
待我一心在吃過辣辣咖哩再來個冰火雪糕作結也不錯吧~

另外，同事G 等了45分鐘，經理才告訴他沒有飯。

對呀，咖哩飯冇飯...！！
同pizza 冇左個餅底一樣咁大件事！！！
雖然經理offer 了免費轉烏冬....
但 G 選擇了不吃。
而全店的人都在吃烏冬...

然後...

三催四請...

雪糕終於來了
我頂，又話得呍呢嗱，搞錯呀有士多啤梨味痴住既!!!

由於我真係好憎士多啤梨...

食雪糕食到我好唔開心 :( 

(人地食凍野有quota 架嘛......)

喂呀，可唔可以Ｄ侍應唔好游魂，同埋預食材數量預得好Ｄ丫...
上菜又等得耐...

呢Ｄ都係一間餐廳既basic 野黎架喎！！

咁搞法阿經理鞠躬鞠到斷腰骨都搞唔掂！

短期內都唔會再去囉。一..一
糧尾食咗個八十蚊既lunch 會唔會畀雷劈架?! T^T

________________________________________________________________

由於本人煮飯多過寫食評，本來唔諗住寫，但見到google 既時候有blogger用開市第一撃黎形容佢個午飯，我因為呢間野行左三次過去先食到佢個開市第一擊(!)囉......話說本來22號開，但好似話個牌未批所以至到今日先開。

其實個裝修真係好似隔離意大利蕃茄......

一入去就聽到全間舖勁齊用日文"e la sa e mas" 黎歡迎客人...

大鄉里嚇左一嚇.....因為少有咁齊咁有氣勢......

因為阿同事G為人要咩都快....又加上有個懦夫冇返黎食飯....
(頂，呢鑊我會記住T^T 哼！)

呢幾張相係用快刀手影既....同埋我見到右手邊既客好可能係blogger...
因為對住個menu 驗屍咁影~hahaha

講返個飯，set lunch只有雞肉咖哩底再加toppings，盛惠$56 再加一。
有得揀漢堡扒+菇/吉列豬/吉列雞(仲有D唔記得....)
仲可以加錢轉蛋包飯/ 烏冬~

因為阿同事G為人要咩都快.... 我都懶得睇個menu.....
不過睇返webpage 個menu....都仲有幾款揀~
同埋跟set 得頹頹茶包沖玄米綠茶 (基本上係伊藤園果隻味)

等左十分鐘左右我個飯上檯了~~都幾大碟~~
入口咖哩唔辣，甜底，見唔到紅蘿蔔薯仔等粒粒。
早知落檯面支辣油....(openrice講到話係magic oil !! O_O)
漢堡扒肉質不錯，唔係打得好爛，但乾身左D...
個菇好味~
飯食得出係用珍珠米，但係太濕，可能因為煲飯未收夠水就要上菜....
加埋咖哩汁個感覺好lup 糯...

如果要特登入屯門食就忟D.......如果有下次我會試激辛果隻~
留返北區我會去食銀咖哩...

地址:屯門屯隆街3號屯門市廣場1期JUSCO屯門店上層地下UG007號舖 
電話: 2613 9966
網頁：http://www.shirokumacurry.com/

下次可唔可以搵人同我去試coco呀....