梅菲定律 Murphy's Law

"Anything that can go wrong will go wrong."
以為媽媽好返.....捱完啦
之前一直唔同人講，係因為我以為媽媽好快好返。

點知，做完個貴到喊既正電子素描之後，發現佢個膽個腫瘤係惡性。而另外甲狀腺有另一個未知係良性定惡性既瘤。
黎緊要切除膽、一部分既肝，甚至要將小腸駁返壞左既膽管。
我聽完之後真係唔知畀咩反應。
做咩事一個cancer唔夠.....又有另一個cancer

睇黎我真係要再好好審視自己既生活習慣。

唉，心情好差好差，差到返工既時候唔記得左自己響邊個房行出黎。
可唔可以唔好咁 TVB既劇情呀? 我阿媽唔係周麗淇喎.....
一個又一個cancer.........最美麗的第七天咩........

得得得，我知爆粗都冇用。因為我可以做既野係...............
冇

完全冇野可以做到。

之前睇住阿媽化療24小時不停咁嘔....搞到我成日驚佢暈低唔敢訓...結果係每日搭車就係我訓教既時間。
然後電療電到半個人好似擺左入焗爐變左烤人肉，傷口不停滲血水爛到好似喪屍咁....
可以做既野係睇住佢如果一發燒就要佢入醫院。
我到而家都仲記得果陣唔係屬於人既氣味。

救命，壓力大到好想逃離屋企。但我知，我要留返喺道。

(圖片來源: google)