驚到呢…

如果，有一日夜媽媽行緊返屋企，你發現眼尾有個白影。你轉左，佢行左。你轉右，個影又行右。急步跑返屋企，個白影仲係一直跟住你呀！

呢個時候嘅你，可能冇喺哈佬喂嗰時玩鬼屋嗰個驚喎！驚都有唔同嘅層次嘛！平時我哋會講：「嘩！好驚呀！」、「驚到人哋個心卜卜咁跳呀！」、「驚到企咗喺度！」同埋「我驚到標ｓ！」表達不同程度嘅驚嚇。

之不過咁，當大家講英文唔同層次嘅驚呢，又好似難度咗少少… (除咗 I’m afraid.  I’m scared. 仲有咩？諗吓啦)

見係你哋，醒三個生動啲形容「驚嚇」嘅 phrases 畀大家啦～！

Scared stiff 係就係有 scared 仲要驚到硬晒呔！

Shaking like a leaf　震到好似落葉。

Send shivers up and down my spine 直譯，由脊柱上下傳啲冷震出嚟，咪即係驚到震囉！

啊！咁上面個白影係咩嚟呀？(震音)

Read More

你個 friend 叫… Johnny

孔子，字仲尼。(洋名 Johnny。) 又其實，Johnny 可以組成其他 phrases….

當 Johnny 唱歌嘅時候，若然佢只係唱一個音...唱極都係嗰個音...唱到你煩，你悶，你躁！咁佢就係 one note Johnny。而其實 one note Johnny 呢個 term 就係講緊一啲「講嚟講去三幅被」嘅人，同一件事同一樣嘢可以講到 2046....

而喺 spotlight 下嘅 Johnny ，無論嚮咩地方，都好似漆黑中嘅螢火蟲一樣，咁鮮明，咁出眾！所以 Johnny on the spot 就係一啲有事時突然出現，拯救人脫離難題嘅人。

Johnny 聽得，睇得，仲玩得添！　Johnny on the pony，有隻馬仔，仲可玩乜？

嘿嘿，咪就係騎。膊。馬囉！

Read More

“Goodest English”

喺網絡上面，好多時都會見到有人笑人英文奇差。呢個時候，巴/絲打們就會用 “goodest English” 呢個 term 洗版，意思係諷刺某人的英文「超好」，呢個 term 係有段故嘅。

喺 George Orwell 嘅小說 《1984》入面嘅新語 (Newspeak)，喺嗰個世界入面，詞彙只會越來越少，大量詞彙及文法被簡化、取代或取消。 Newspeak 不會再有 bad，由 ungood 取代。而 better 就會變成 gooder，best 變成 goodest。不會再有 great，取而代之是 plusgood。Excellent 則是 doubleplusgood。呢一種二分概念久而久之會令人失去批判力，答話傾向只用 “Yes” 來表達。

而現實社會中，政治正確的詞彙，也有著新語的意味。例如以往 physically handicapped (殘廢)，改為 physically challenged (身體障礙) 、 physical clashes (肢體衝突) 取代了 brawl (毆鬥)。雖然部分政治正確詞彙是為了保護弱勢、中立觀點，但有時候這些詞彙亦是為了某些政治目的而出現。

Read More

疊韻詞

(Credit: 毛記電視cap圖)

葉蘊儀，呀唔係，疊韻詞，即係以相近的發音組成疊詞組，令字詞更活潑生動。中文入面，運用疊韻的地上最強都莫過於李清照嘅 《聲聲慢》……. 尋尋覓覓。冷冷清清。淒淒慘慘戚戚。

咁英文都有呢類咁嘅疊韻詞，一路讀出嚟都覺得自己親切啲、友善啲、跳脫啲。

試讀出以下說話：

喂！我同佢 buddy-buddy (一場老友) 見佢打波技術咁 so-so (平平無奇)，咁梗係要教佢啦！打波先嚟 drizzle-dazzle 㗎！（即係打波先黎落雨㗎！）

係咪好親切、友善同埋跳脫呢？

除咗上面嗰啲字，見你咁識貨贈多你兩個易用嘅疊韻詞喇！

1) Wishy-washy  (形容猶豫不決、無特別)

Don't be wishy-washy; you can't go wrong by listening to what I say.

唔好咁優柔寡斷喇，你聽我講就冇錯㗎喇。

2) Helter-skelter      (形容狼狽、手忙腳亂、混亂)

之前澤尻有齣《整容天后》，咁入面就有講好多個樣整過龍又會 keep 唔耐….個樣好「混亂」咁….

It is a helter-skelter dash to meet the deadline.

呢次係臨 deadline 匆忙的趕工。

Read More

你個friend 叫… Jack

上次講完阿 Joe，今次講阿 Jack 先～！

我相信，阿 Jack 係咁多個有特別意思嘅名最多解釋嘅一個。(不過，多數都係幾負面…)

名詞方面，平時阿 Jack 除咗係一個男人/仔/生，佢仲可以係一台千。斤。頂。呢~用嚟整起架車換呔嗰舊咪就係。而如果嗰個阿 Jack 幫你屋企裝修而佢全名係叫jack-of-all-trades 嘅，你就要小心喇！因為，呢件正一「張張刀無張利呀」！

動詞方面，當阿 Jack 先生係 know jack about 嘅時候係代表緊佢咩都唔識咩都唔知。就好似阿 Jack 佢對住個電腦連防毒軟件都唔識裝。用英文可以講 Jack does not know jack about Internet security.  (Jack 對網絡安全一無所知。)

喂，不過，如果你識嗰個阿 Jack 係一個成日講嘢唔收制口水多過浪花嘅。你頂唔住就叫佢「收聲」算喇，唔好學 Do Do 姐叫佢 “off” 呀！反檯都似！原因… 嘿嘿嘿，不解釋。

Read More

動物農莊

其實，我哋嘅世界係住滿咗各樣嘅動物！好似講緊廢話，但係，形容啲岩巉嘅人呀，都叫佢野獸派啦… 仲有仲有，貌甚寢^＊嘅女子，世俗嘅目光又叫佢哋咩先？你講！你講呀！你好講喇喎！個詞咪又係動物！！！

好喇，有一班年青人放 lunch break 之前大叫：「而家我話畀你聽呀！我呀，食得落隻牛呀！」（咳，有某助教成日都咁講…）吓？咁食得落隻牛嘅英文係咩呀？

嗯，有呀！ Eat like a horse. 食好多好多嘢。

咁呢… 有冇飲到貓㗎？我個 friend 阿 Peter個個星期六都飲到貓晒㗎！如果用英文又會點㗎？

如果你呢個時候仲有人性嘅，可以同 Peter 講， I worry about you, Peter; you drink like a fish.  (意思係：喂 Peter 你咁飲法，我好擔心你呀！)

不過，我諗香港打工仔最常講嘅一句，都莫過於「攰到隻狗咁！」( dog-tired) 同埋「我過緊唔似人嘅生活」 (It’s a dogs life.)。

都係果句啦… “All animals are equal, but some animals are more equal than others.” 所有動物平等，但有些動物比其他的更平等。

^＊貌甚寢即文言文嘅「樣衰」

Read More

你個friend 叫… Joe

問你哋一個問題，神劇《天與地》入面，Dr. Dylan 同鼓佬有咩共通點？（５秒後答！5…… 4…… 3…... 2…… 1…… 好！夠鐘！講！）

答案咪就係佢兩個撞名，Dr. Dylan 其實叫 Joe Junior，林保怡戲入面叫阿 Joe 囉… 一..一

嘿嘿，除咗「不算太有性格你你我我只是祖與占」之外，其實 Joe 呢個名於唔同用詞搭配 (collocation) 係會有其他意思。

就好似， a cup of Joe 喺美國可以係一杯咖啡嘅意思。咩話？！咖啡？係呀你冇睇錯呀！相傳呢個俚語係同第一次世界大戰美軍嘅禁酒令有關。另一個講法係咖啡另一個名 a cup of jamoke 簡化而成，而 jamoke 就係 Java (印尼爪哇出產嘅咖啡)同 Mocha (都係咖啡) 兩個字嘅混合體。

而如果我哋香港嘅代表陳大文先生住喺英國應該叫咩名呢？嗯，佢都係叫阿 Joe（！）因為，英國會叫無無謂謂嘅市民做 Joe Public… 而喺美國，一個普通到唔普通嘅男性人類，都叫阿 Joe ….. 全名叫 Average Joe。

Read More

[紅磡] 和光鐵板燒日本料理

開完會，天王大人要去電台做 phone-in節目的嘉賓，於是一群人響黃埔食飯~
咁就去左呢間野食鐵板燒!

(From: Google)

是咁的佢有個四人成二千蚊既餐..
一眾唔話得事既睇到呆左....
最後係叫左3個M6和牛柳餐同一個黑毛豬餐
仲有D side bet 咁囉
一開頭食左D 壽司，個腐皮好食呀~

 鵝肝多士呀(!)


之後就係蝦同埋鱈魚同埋個蟹腳
D蝦D膏呢~~香到

嘩，黑毛豬，JUICY!

然後個和牛五成熟果時好食到呢~~七成熟都ok 啫~~~
個炒飯好多蔥~~炒得好香
多謝天王大人!!!

飽到好似有左七個月身孕~~
跟住一路行返去火車站~
路經個 hall，好掛住呀！
如果可以返去果個時間，我想我可以玩得再勁D!
畢竟，好難先可以咁無憂無慮呀....

地址：紅磡德康街6號黃埔新天地黃埔花園11期地下G26號舖

Read More

是日無聊：粗口

工作有一部分時間是被譽為冇野做播碟果個姐姐。
（但其實多數都改緊文，一係 draft 緊手頭上工作既野...再唔係睇緊書吸收緊靈感）

尋晚Sit 堂，電視裡面的天王大人問，要點用英文表達「講粗口」呢件事...

(from google)

有人仔反應極快地對住電視好大聲地大叫：「F **K !!」

好彩內功深厚，差D笑左出聲，並報以助教姐姐的友善微笑。


其實理性人士都係會諗 speak in swear words/ curse words/ bad words/ foul language/ coarse language etc...
(好那多個叫法.....)

Read More

嘰嘰嘰於媒體曝光

嘰嘰嘰糊里糊塗在天王的鱔稿出現。
有一篇是買雜誌無啦啦見到，然後個樣極怪...

有一篇的發現過程如下：
(A 先生於 whatsapp 傳來照片如下圖)

此發現改寫無聊史！
p.s. 1：用電話/ ipad 睇既人，唔好打算篤個 mon 就會睇到原圖呀~~~ XDXDXD

p.s. 2：A先生話笑而不語係重點，所以圈住左。

Read More

Iphone 5 的故事

其實我哋 team 經常都好歡樂，由上至下打成一片。

話說，同事B助教極好彩，於 Iphone 5 開售第一日就抽中。
咁有第一手消息，梗係宣揚開去，通知上完 live 嘅天王大人。
此舉務求舔走佢啲甜醬。 XD

正當我與組長M 都以為 B會留返一部畀大王...
冇理到件事，第二日再努力申請。

點知...
慘劇就係咁發生喇....

B放晒兩部機之後，大王先搵佢...=_=
咁橋，神奇既 B仲要跟當日 Live 班...

條友仔，一見到大王，就拎個裝 Iphone 5 嘅袋畀大王...
大王心諗：「咁好？」

但一開袋...
「唓.....」=,= =,= =,= =,= =,=

作死！原來入面係...

P.S. 1：以上故事係由當事人 whatsapp 即時報道。
P.S. 2：忍咗幾日至 video 開始出街先寫 XD，而此逸事於 2012-2013 年度第一堂播出，應該一個 centre 播至少廿次，約有一萬人見證。 =__,= 但我見到 ipod 5 果頁已經忍唔住狂笑。
P.S. 3：可能係報應，本人抽了六日都未中.......

嗚呀...

Read More

公民教育

登場人物簡介：

OMG

專業的「話題終結者」。一個有唔知邊道黎既自信覺得自己講既野一定有道理，仲一定有邏輯既人。自命飲到 cheap 紅/白酒會倒左佢。睇電視只會睇 national geographic 同 discovery channel，但佢會偷睇小丸子同文地貓。奉古典音樂為高尚品味，但明明見佢聽secret garden 同 日本動畫 BGM。專長係跳掣，突然亂講一通扮蟹，寫wiki 有關高達條文。其打扮為全身 earth tone.... 戴銀絲眼鏡，仲白過我。會大叫曬太陽會曬傷。最大敵人係醋，最好既朋友應該係公司樓下藥房隻冇左下巴既貓。口頭禪為拍檯大叫oh my god，因此得名 。
_________________________________________________________________

尋日為投票日，一返公司OMG 就問我有冇投票。
我身為鍵盤戰士，都有十二點前投票架~
仲做埋民調支拎龐愛蘭同劉江華添，我上屆投劉江華架，佢真誠為香港！

我答:「有呀，唔係唔投下嘛?」
當時小人睇新聞睇到眼濕濕，見到生果日報寫D核突人既賤招嘅時候...
隔離位的同事OMG...用巧威威既語調同我講：
「我成家人都冇去投票喎，我唔係mandatory*要投架喎。」
我:「投票唔係公民義務黎架咩？」
OMG ：「唔係mandatory要投架喎，總之我唔係mandatory。」
*mandatory 指法律上強制的。

我心中暗火：「當議會已經係最有民意基礎既地方，但政府政策都係可以將佢既權力架空既時候，我除左投票，真係唔知可以再做到咩野維護自己既意見。」

OMG突然收起巧威威的語調，去左迷思mode。

我心諗，頂我唔想晨早流流要同你講咩法律其實係道德既底線呀，咁法律冇叫你食飯你又食? 若然法律寫明強姦隻牛冇罪既話你又去強姦隻牛喇咩....

然後過左3分鐘，OMG 講: 「啊，不愧你做 idea bank*。」
*idea bank 乃小人有份的著作，主要內容係貨真價實既時事多面睇。

頂，佢真係跳線架，兩樣野都唔關事既！！！

冇呀我想講一樣米養百樣人，真係仲有人覺得政治係唔關自己事架！明明政治就係最大既經濟，牽一髮動全身。即係簡單 D講，要你一定學普通話都係一個政治決定，因為語言係身份認同既最有效工具。個火車站起響邊，條路擺邊，都係！咩唔係呀?! 你唔見到人地用成功爭取巴士要兜晒成個粉嶺叫做政績咩？

好似幾好笑，但個幽默係黑色架....
只要年輕一代都好似 OMG 咁覺得政治唔關自己事，真係畀人食左都唔知，到時聲都冇得聲喇。

但願OMG 的同類都有人令佢去左迷思mode。

Read More

[置頂] 2+2= 國民教育

(寫於7月17日)
大家一睇到題目，相信都會毫不猶豫咁答：「４！」
但，喺洗腦教育之下，2加2，係可以等於5，甚至6。

正如大話講100次，所有人都會信以為真。
而大話再加上權力，我不敢想像。

掹車邊身為一名從事教育業的小螞蟻，我不怕國民教育。
但最好唔好有呢一科。

只因為，我們的自由度較高 。
或者，是天王大人的「敢教日月創新天」令我們可以創意無限地跟課程玩遊戲。
我不知道寫的教材，我們的想法，會有多少學生看到。
我只知道，靠自己的一點能力，用暗力滲進一些我所相信的原則、分析角度等。
沒有絕對，只有對照，要選那一方都可以是道理。
(係呀我講緊本 Idea Bank 呀~ 黎緊書展出2 呀~~可以買埋 1睇下架~)
而我知道，好多同事都做緊呢樣野。
唔理有冇人睇，做左先。

洗腦，如果係真理，好似 D grammar rules 咁，冇問題架。
但，洗腦既內容唔係真，又或者有既定立場...
咁就真係少D思考功力都搞唔掂。
之但係邏輯能力亦唔知點解係而家D學生最弱既一環。
(好多時改文都係見到D grammar 冇錯...但 logic 夾唔埋既文)

我認，我搵 sources 好多時都以無傷大雅為依歸，開開心心學到野唔好咩?
我有自我審查搵 sources 唔搞六四、唔搞大是大非。
娛樂化都係即食文化既結果。
仲要D 細既比我地更心急。
所以，呢壇野，如果真係即食，求卵其叫D學生食，佢地又真係會照吞，咁就XXXXX囉...

而家呢，就同自己講，揸緊隻宗旨，見得人拜得神。
唔好畀 1984 既世界真係出現呀。

共勉之。

Read More

嘰嘰嘰

今日我要介紹一種有小強精神既物種：
嘰嘰嘰。

嘰嘰嘰正名為嘰嘰兵，主要功能係企響主要怪獸隔離畀人打，同埋增加氣勢。
由朦面超人、恐龍戰隊至到中國超人、仲有關公大戰外星人，都有嘰嘰嘰既存在。

嘰嘰嘰多以由頭到腳加面罩全黑的造型現身。

嘰嘰嘰既對白好簡單，分別係：

1) 嘰! (用作回應主要怪獸)
2) 嘰嘰！(用作表示出擊、增強氣勢)
3) 嘰...嘰嘰... (乃嘰嘰嘰之遺言，講完呢句嘰...嘰嘰... ，嘰嘰嘰就會跌喺地下，四肢抽搐，化成一堆光，連灰都冇得剩。)

冇，我想講我生成一條嘰嘰嘰命，仲要呢兩日好清楚咁認清自己係一隻不折不扣既嘰嘰嘰。

P.S. 我可唔可以要求個面罩有閃片？製服我唔駛要 shoulder pad 喇~ 我個膊夠橫呀~ 頂得住喎。

Read More

神奇的Annual Dinner

明明勁多野做但都係死左黎寫blog。

嗯，默唸咒語「你睇我唔到~你睇我唔到~~!」

話說，今年公司獻新猶，Annual Dinner 去澳門喎~

一早起身出碼頭，痴線地差D遲到。
(不過，有一堆好同事係以末路狂奔既姿態出現，髻都差D甩果隻...)

由於趕時間關係，呢個人夠膽死帶住的士錢$140蚊葡幣再加$50蚊港紙上船(!)。

是咁的，由於澳門乃母親大人出生之地，市區一帶真係冇特別...開頭仲以為眾人各有各搵食，差D訂咗雷擊系列之米芝芝三星星的Lunch (!)。後來知道集體行動呢...

好地地氹仔上岸...
好地地鬼咁大浪...
好地地勁多人暈浪....
(我係果D臨掛八號風球趕船返黎好似玩海盜船咁我都冇事仲可以食杯麵的死小孩~)

個幾鐘，真係去台北都得......
氹仔碼頭極簡陋=_= ，是Q但去左間叫山度士葡式餐廳既物體。

由於有十幾隻餓狗既關係...係影唔切相既.....
因為手快有手慢冇！
之但係間野Ｄ碟頭算細，另外我好掛住漁人碼頭果間pizza (真係好X好食!!!用人頭保證。)
Sangria 好難唔好飲，個乳豬ok，鴨飯幾好(但食到....2啖咋 T^T)

佢個葡國雞稀過水，馬介休炒雜菜係烚．菜．加．烚．咸魚囉唔該！

（冇圖呀，因為我好專心咁爭食!!!)

之但係呢.....如果要正正經經食既都係去返船屋/法蘭度/沙利文啦..........

特別鳴謝天王大人贊助饑餓兒童午餐~!!

同埋我好掛住九記D雪糕............. T^T

又由於係 Annual Dinner 的關係，本人比較關心自己個樣...(頂我朝早口腫面腫咁出門口架.....) 

勁好彩有隔離 team 同事 stay behind 訂左房，食左榴槤雪糕加可樂 (呢個人好重口味呀....!!!)同埋 R小姐食完個滔滔魚翅湯就去左人地酒店執好個樣了~

Conrad 間房好靚，有埋 nespresso！(好想玩但唔好意思........)不過係遠左D......例如走果時冇的士....搭完 shuttle bus 出金沙再轉的士..........又因為 Dinner 於某酒店舉行，著靚少少是常識吧！

點知，一入去，中伏！Overdress 仲要遲到 =_=|||
心諗，我頂呀，早知唔帶衫唔換啦頂!
(係呀係上一篇果條呀！！）
即係著到似去老蘭但其實去左蘭花酒樓呀................
仲要同個 backdrop 仲要同 Santino 撞色 (!#@@#$%@!%@#%$!)

真係柒到想搵窿捐...........下次都係著返黑色....................

(個圖我喺公司個fb 搵返的，另外原來上年畀人影左好多勁樣衰既相.....................另外....我冇搵Santino 合照的.........真係撞到應一應呀個electric blue..............=___=|||||)

柒事停不了，全個場好食既野係有麵包、tiramisu同....西瓜。
(我冒生命危險寫架.....間野我唔開名喇至多....)

唯有寄望抽獎啦......

Teammate 們接連中獎，包括有錢。(嗯，xbox 畀D姐姐中左.....)

最好笑係有一個 team mate 中獎時去左洗手間，另一個同事焗住冒認中獎者仲連戲地用中獎同事的資料自我介紹，而灰暗地....代領同事最後係食白果的。

正當抽得七七八八 (因為每年都唔知幾時抽完的...)本人心灰意冷之下講咗句：「妖，毛都冇條！」下一秒，就中左喇！～～咳咳，而我個袋得廿蚊葡幣加50蚊港紙。

呢個故事教訓大家，口賤未必係壞事黎架~~!

雖然被人狂笑我「痴地」....之但係我其實著左corporate colour上身喎~ 哼。
而條裙同對鞋已被我封為 Lucky 裙同 Lucky 鞋！

Read More

鵲巢鳩佔 (updated ver. 2.0)

好，我要講一個故事。

當你返到去office 見到有個人坐左你個位 (政治正確地講係你老細個位)
仲要明明見到你行埋去佢仲要快快腳坐埋去喎
你會有咩反應呢?

A. 爆佢叫佢行開
B. 問佢乜料

OK，我揀唔到A同B...
因為我畀果條友大喝一聲:
「我做緊野喎你去錯X同事個位丫佢今sick leave 冇返呀。」

What.... the.......?

好，本小姐身為禮貌大使梗係唔會兜口兜面鬧你既~ 成層都見到我發火個形象冇晒喎
唔得唔得

好喇，當你見到自己隻名牌水杯畀人當筆筒，櫃入面既野食擺左上檯...
仲有cheap cheap 牌子lotion，蝦毛吉蒂水樽破左你個有利創意既風水陣
卷廁紙畀人擺左去document tray.......................

我可以講粗口嗎?
唔可以。
咁我咩都講唔到喇

我去食飯!!哼。

好，當你面臨peak season過後冗員時光，你響個位做咩?

睇報紙? 上高登? 寫blog?
sorry 喎，果個霸左個位既人只係行開左而佢乜卵野都仲響個位道攝黎攝去是非都差D講唔到。

唔緊要，仲有你張檯個月曆畀人劃到花過花家姐差D連佢幾時黎M都睇埋...
另一個月曆去左2012年11月之嘛!

前提係，呢個人唔係你果team架!!!!!!!!係一個唔關事既甲乙丙!
可想而知成件事幾唔合理。

下圖為小黑解釋咩叫鵲巢鳩佔
總之就係麻X煩啦妖















(ver 2.0 update) 29. 3. 2012

我今日終於忍唔住動氣..... 結果咳咗五分鐘。

先唔計智力有障礙 set 左部機去四月廿九號搞到亂晒籠喇吓...
話說阿鳩依然擺晒佢D 卵喺我(老細) 個位。
好喇，咁阿鳩會返黎拎佢D乜卵野我預咗丫
但我唔會預我做緊野好專心咁搵緊問題答案既時候有個三唔識七既人走黎個位
仲要摷我檯面D野而問，都，冇，問，過(!)我!!!
就算整冧我檯面D野先講唔好意思都係冇意思架喎
呢吓係基本尊重同禮貌既問題喎

即係咁阿鳩同我講低如果有人搵佢去邊度搵我都ok 多口講句冇所謂
但可唔可以唔好一日有幾十個人走黎我(老細) 個位搵阿鳩而搵唔到就響我面前做出以下舉動:
(1) 露出失望既表情然後發出"zep" 一聲。
(2) 露出失望既表情然後問其他人阿鳩去左邊。
(3) 露出失望既表情然後大叫「吓?! 阿鳩去左邊呀咁我點畀D野佢呀?????????」

好衰唔衰我隻耳未退化，聽到有某精英同事回應 (3) :「擺響阿鳩個位得架喇」

我X ! 乜野叫阿鳩個位呀個位我，老，細，架！
真係火都黎埋畀你擺得第一樣仲得了既?!

當時真係冒死都要講我好唔妥咁樣冇禮貌囉唔該。

倉頡呀，我真係識「鵲巢鳩佔」呢四個字點解仲有好切身既體驗架喇.....
可唔可以畀返個巢我呀??
我用左一段時間為左唔好影衰天王大人我只係擺左隻sports b. 杯同擺左四支筆入去個sports b. container 擺左個創意風水陣架咋。(OK 我係港女，但我有格調!)
但點解阿鳩可以擺cheap cheap 牌子lotion，蝦毛吉蒂水樽同埋鬆鬆熊廁紙套架?! (仲要卷廁紙都係我問人拎架之前)

呢件事仲有一個條件可以列入七不思議事件: (唔好問我其他六件係咩呀吓....)
用個位之前係冇通知我/ 我頭頂既人架........
因為我頂頭其中一位仁兄遲我五分鐘知呢件事而叫阿鳩20分鐘後畀返個位我。
而大王係喺我見佢路過同佢講返水杯畀人當筆筒但未發生ver 2.0既事先叫做知道並畀左一個難以置信同想笑既表情我......T^T

我知....我描述得又真係幾好笑既.....唉。

Read More

來回地又獄又折返人間

潛水潛了好久.....
話說，peak season (即公開試前) 我們總會不見天日。
當年聽阿sir 講就叫朝十晚十死亡交叉 (個阿sir真係咁講架我冇作呀!!)
今年，公司正其名為地獄特訓班。
朝早9點連上四堂，然後夜晚班照常。(係呀擺明係買返日校唔駛上堂d時段出黎，但又多人報咁先好波~~)
由於平常都上到十點半打後....於是...地獄就係咁鍊成。

而同事之間既對話都變成...
「喂呀我今日要落地獄呀...」
「嘿嘿，你星期四去地獄啦~」
「頂我連續兩日要落地獄呀...」
而上完呢d堂亦都會叫自己破地獄....一..一
正常人請唔好歧視我地......

一星期有幾日落左地獄。到到第二日我已開始作病....
先係變聲，再黎末路狂咳。
天呀.......
個地獄至到月尾呀..........

話說，呢個時節.....時凍時熱時濕時乾真係唔知想點
病到一舊飯咁...又一時有聲一時冇聲
感謝大人賜我day off，我訓左一日。

講開又講，呢排天王老闆都做到唔知自己響邊....
話說某日M小弟打黎同我奇文共賞...(我地係會以恥笑不知所謂既中英文為樂...)
聽到我響火車笑到抽筋~
但歡笑係絕對有代價.....因為我係中文認字專員(係呀我做緊英文team ga~~好雙語*丫嘛)
*好雙語乃本人大學上莊既莊名。
而奇文又同中文有關.....聰明既小朋友都知道我冇得唔出手啦~~
由於未食飯，返到去食完碗粉就打返去了解事態發展...
本來仲好開心咁奇文共賞緊.....
突然一把9唔搭八十足扮朱咪咪、不能辨識既聲講野...
平時我一定會講粗口定驚
但果日由於太眼訓.....淨係問左佢係唔係人格分裂....同埋問佢係翁文成定係鮑國平(!)
而朱咪咪就答我唔識佢地係邊個......
然後聽到狂笑.....
由笑聲之中我認得出佢係天王老闆......一..一
再加有關同事事後核實.....
er.......佢真係好大壓力....畀佢玩下啦.....

而我手上有無限咁多份卷未改。

以下片段為講解真正破地獄。

Read More

當人格只值五十蚊......

(Google 的圖)

話說，冇人會鍾意畀人屈。
仲要係因為一個死小孩屈我就真係更唔gur。
為左唔駛畀人罰五十蚊講大話....
人格得五十蚊....

對唔住呀~我既人格出幾錢都買唔起!

我有的是風骨！

Read More

黑仔的故事

(圖為陳豪飾演之黑仔)

是咁的，2月27日乃眾人女神加加演唱會公開售票之大日子，由佢一出道就開始聽既忠實等睇佢玩乜野之徒，加上「拿，果時都話佢得架啦~」既抽濕本能，但又由於突然凍到__ __，唔想出街買飛，再加上本來朋友個朋友(呢d 位一定係朋友個朋友!!!)買到內部飛既傳聞落空。死死地氣去衝果個一定down 既system 啦......好喇，本來打算叫盡過力啦，女神(d飛)真係入極都入唔到....
無啦啦畀我入到個system 喎!!入晒d資料打畀A先生問佢係唔係買啦~我諗住佢十五分鐘前有回過我個入唔到fb status 即係醒左啦即係會聽電話啦，一聽就按confirm冇死啦。

點知...

我 __ 佢老 __ 條友仔唔聽電話而同時個 system 徹底咁 down __ 咗!

嘩，有咩慘過「原來沒有從來都沒有」? 有! 哄到埋唇邊就得手果時feel 到對家既鼻息聞到佢唇膏係咩味既時候，佢部電話爆炸呀!!!

妖。

迷信之輩(唔好聽叫姓賴) 如本人直接覺得只要a先生聽電話我就會買到飛。打算再打去鬧爆佢唔聽電話順返條氣啦......

點知，都係冇聽。

頂住度氣冇得鬧人....
好喇打算唔理佢衝出街去附近琴行睇下有冇死雞執啦......
點知老豆要我搵tv remote....
頂

終於出左門口...快快腳去琴行啦
十度，我響街跑呀!!!個鼻出煙呀!!!(點都快過行啦妖唔準笑呀!!!)
跑到去啦....

我見到既唔係好大條人龍....
而係.......
佢執左呀!!! 執 __ 左呀!!!!

有冇咁黑呀?
有呀!!!

好啦，返工囉。
頂，走巴士，睇住佢開。

好喇A先生終於聽電話。而佢之前唔聽電話既原因係.....
佢再訓返!!!(火都黎!!!)

我用左大約廿分鐘既粗口加tvb 鬧人對白嘈到佢個人醒晒為止.....
(我認我d 語氣唔係非常認真鬧，但我把口鬧出黎既事都唔荒好聽......)
冷靜既朋友會認為呢件事唔關佢事，但果一下真係火都黎埋...
食飯既時候換個角度諗....其實佢可以畀我鬧足咁耐仲要講晒對唔住而件事其實理性地係唔關佢事都真係實在太縱容本小姐.......(廣告時間: 呢d真係港女恩物呀!)

返到公司啦....
又發現自己之前冇睇清楚份marking scheme係第二個topic之後要等大大send 個真既file黎...
再見到第一個task好有創意既marking scheme................改唔到囉一..一

我......冇野好講....
都係死死地氣做野。覆左二千零六十個電話。

仲要聽到聽日要上完堂再返tw............

希望在明天丫嘛...
我知呀! 妖!!

Read More

懂得笑 哭得出 不會亂

話說，昨晚還債似的趕出了一條deadline而奮戰至凌晨三時。
今朝一早0630 起床到醫院聽醫生講解媽媽病情。
好......是我活該要還字債而睡眠不足，但....我準時起床也要被魔王老爸訓話，這個是甚麼世界?

都算了，到醫院，等醫生。

我知沒有人心情會好，我選擇了沉默。

在走廊睡了又醒睡了又醒還未見到，躁。
足足乾等了差不多兩個小時，醫生才召見我們。

不得了，媽媽的腫瘤在排期時候長大了許多。
如果沒有擴散，不單只是上次聽到凡並已消化的膽和肝的手術。
更多了十二指腸、部分胰臟及部分胃部要切除。
上面說的已經是比較好的情況，但同時是兩個超大型手術。
媽媽的身體怎樣吃得消??

如果情況再差，擴散到腹腔的話，手術也做不了。
只能靠針藥延長時間。

一邊聽，心在沉。

再心沉的是，她已對我交代好她的物件、存款以防萬一。
救命。

出了醫院，我整個人都方寸大亂。
要知道魔王老爸一直在我成長以來有幾不可靠。
但我真的不知道可以做甚麼，出來也只懂哭。
回到家哭著跟A先生講電話，跟M小弟whatsapp......
哭飽了只懂睡。

下午起床上班，眼腫得敷了冰也沒有用。
我知有趕急的工作，但我實在提不起勁。

對不起。
是我一直以為自己把家事和工作分得開。
但原來，來到只可以聽天由命的時刻，那無力感足以把自己撃倒。
讓我放肆一天吧。
明天睡醒了，我會戴好面具去面對接著的事情。
心裡跟自己哼著：

「在最壞時候 懂得笑 哭得出 不會亂
其實我 亦怕苦 亦怕酸 難免

做個壞一點的打算 缺陷才像圓
人生方好演」

Read More