嘰嘰嘰

今日我要介紹一種有小強精神既物種：
嘰嘰嘰。

嘰嘰嘰正名為嘰嘰兵，主要功能係企響主要怪獸隔離畀人打，同埋增加氣勢。
由朦面超人、恐龍戰隊至到中國超人、仲有關公大戰外星人，都有嘰嘰嘰既存在。

嘰嘰嘰多以由頭到腳加面罩全黑的造型現身。

嘰嘰嘰既對白好簡單，分別係：

1) 嘰! (用作回應主要怪獸)
2) 嘰嘰！(用作表示出擊、增強氣勢)
3) 嘰...嘰嘰... (乃嘰嘰嘰之遺言，講完呢句嘰...嘰嘰... ，嘰嘰嘰就會跌喺地下，四肢抽搐，化成一堆光，連灰都冇得剩。)

冇，我想講我生成一條嘰嘰嘰命，仲要呢兩日好清楚咁認清自己係一隻不折不扣既嘰嘰嘰。

P.S. 我可唔可以要求個面罩有閃片？製服我唔駛要 shoulder pad 喇~ 我個膊夠橫呀~ 頂得住喎。