大小姐去左邊?

話說呢排成日都發怪夢，今日只係訓個妟覺又發怪夢。咁怪就梗係趁記得寫低佢啦~ 個夢是咁的…….

喺2018年換身份證(我 google左真係 2018......)咪加左咩RFID技術既，咁咪話離遠 scan到個人D資料架嘛~咁我就發夢見到一個廣告拍攝現場，黃翠如喺道跳黎跳去，好驚咁喺百佳d 菜呀西瓜呀上面彈黎彈去，側面D人大叫「哦~~~大小姐今次仲唔畀我地搵到你?」 (同時我個人喺道 __ 緊，條橋點解會畀人用左架)

咁去到另一個鏡頭，阿翠如屈左喺架美國size既超市手推車連人帶車同一堆超級市場野過收銀。咁過收銀又唔係好似我地而家咁要逐件scan ，就咁成車行過就計到數架喇喎，而張身份證同八達通merge埋左同一張野，總之你個人一行過就會畀左錢同知你買左乜。(好恐怖既concept) 然後又有班百佳既人大叫，「哦~~~大小姐今次仲唔畀我地搵到你?」然後我就醒左。

怪點一，RFID 係乜? 點解我會發夢都記住呢樣野呢?

二，點解係黃翠如? 做咩唔發個靚仔叫大少?

三，做咩係百佳，我今日都無入過……

四，發夢點會有人抄你條橋…… 好地地點解身份證會merge八達通…

自問自答時間

一，https://zh.wikipedia.org/wiki/%E5%B0%84%E9%A2%91%E8%AF%86%E5%88%AB

二+三: 只怪最近生活都係以貧困主婦姿態過活。我日日都有睇愛一點回家season 2

四: 我睇完 wiki 話可以植入人體…我。呆。左。

Read More

唉

點解D細路可以咁嘈?
一三五就係咁鬧人都唔係教人
然後得到HKSAR的支票一張

我真係完全唔啱教小學
只會想擰甩佢地一個二個頭
一向唔鍾意細路
怕且會愈來愈憎

快D教完個五月就收皮我搵返長工

反而狗會D賭仔阿叔都好D
同埋好多都係後生仔聲
最怕係鄉音阿伯同懶醒阿叔

六月去旅行
呢個sem D 成績凍過水

non mean要幾時借架?
還完 grant loan就開始借 non mean
要一個Sem 讀18個credit先deferr 到 grant loan
其實我有D後悔讀master...
定直情呢個sem唔好讀住專心搵工呀?
我唔知可以點...

老豆愈老愈煩
係咁迫我煮飯
又話我唔做野然後日日都嘈交
想呻下小學份工好勞氣
佢就話我乜都唔識
喂大佬我做咁多年人剩係識考試
畀你一個文盲你話我乜都唔識
同畀死肥仔學生唱我死肥婆之歌一樣
個死肥仔學生我當佢唱歌ok呀
我放學就唔駛見佢
但兜口兜面話我乜都唔識果個你我老豆

 而家我心聲又係蘭子mode

打緊字出黎都想喊

喊著煮飯
喊著洗碗
喊著入飯盒
喊著打blog
係一滴滴滴出黎果隻喊

連睇100毛都係咁講母親節
我頂我個母親冇咗喇
淨係佢冇咗個老婆就可以咁向我發脾四
咁我連死阿媽都唔畀我喊咁我喊去邊呀?
呻下攰又係我唔知辛苦
我返屋企都唔講得去邊講呀?!
家不成家唔係我一個人既責任囉
係唔係要迫我走左去老死不相往還咁先安樂?!

BTW
買左支moscato 但冇人同我飲唔知買黎做乜
冇錢買香檳買枝 prosecco 可唔可以cheer up 我自己同洗走霉運
突然嫌啤酒太苦
係唔係因為受緊苦受唔到更苦?
係呀，我仲係食唔到苦瓜

Read More

Suede Live in Hong Kong 2013

懷住興奮但趕到死既心情去...
睇左3次 suede 我好肯定，忍受到一個阿叔趷蘿跳姣舞既只此一家，只有 Brett Anderson！
(以下的圖都來自蘋果, 因為我響沮喪喪屍堆入面....)

不過呢...呢次睇真係感受到個文化差異...
睇 band show，迫係正常，不過迫到透唔到氣覺得自己會暈低係咁耐以黎第一次...
唔知係我一個月入面體力差左好那多定咩啦...
真心覺得圍住自己既人十個有八個講普通話VS講英文，個感覺係地獄與天堂...

呢次真係遲左去，迫到不知所謂...
D 死老main 未開場就用睇 suede 同睇 oasis 同埋睇metallica  黎比
再加may 姐hahahahahaha 既男高音，我忍唔住向佢地講 shut the f*** up!

去到中間，怒迫大換位係必然...
但個不能忍受既爆點係D老main 個人係冇zone 既慨念...
用你個膊頭先 long 住隻手，大佬，我唔L識你架!!!!
前面有個女人，整個向內彎既頭，由於我畀另一個響後面冇zone既女人推到我想走都走唔到...
前面女人一路跳，我個面就中晒佢D頭髮洗面...
後面果個仲 on9...由於我高佢大約一個頭...(我得160cm....你諗下佢幾矮...)
係咁跳想彈到睇野....
其實我都係響D人lar道睇...

上次響倫敦，大家冷靜好多...
係多人，唔至於迫死人...
我好似去左一晚春運...
仲要係年三十果晚趕尾班車咁.....

堅覺得D人表現好似喪屍...

你睇下..........
好那激動.....

其實，本來想唔去架...
因為倫敦既回憶太美好
但咁啱 9月29 係 brett 生日
喂偶像生日都唔去?!

Neil Codling

Set list:

Faultlines

Barriers

It Starts And Ends With You

Trash

Animal Nitrate

Killing of a Flashboy

Sometimes I Feel I'll Float Away

For The Strangers

Filmstar

Can't Get Enough

The Wild Ones

Hit Me

New Generation

What Are You Not Telling Me?

Everything Will Flow

So Young

Metal Mickey

Heroine

Beautiful Ones

Encore:
Saturday Night

嗯大路之選

都係好想聽 europe is our playground

個場冇screen, 唔知  580既朋友睇到D咩...

繼續冇 warming...

可唔可以有得坐唔好再 free standing 慳水慳力呀?! T^T

朝拜偶像搞到一身都濕晒...

唔知D汗係自己定老 main...

仲一開波畀人淋啤酒...

嗚...

好掛住倫敦

Read More

倫敦 blacklist - Lancaster Court Hotel

是咁的，自己一個去倫敦加巴黎，真心唔想住 hostel... (真係 book 左之後 cancel)
訂機票又快手揀左倫敦來回
之後喺 lastminiute.com訂左三日兩夜響巴黎
咁諗住倫敦3日搵平酒店，再訂左 2 晚ok 既 double tree by hilton victoria

由於機票係 heathrow 入 gatwick 走
咁好自然揀先住 paddington (heathrow connect 既火車總站) 再搬去 victoria (去 gatwick 的火車所在地)

訂酒店當然搵 google map 睇地點決定
仲有user 既comment
咁去agoda 訂睇佢D comment ok 咁未訂囉

一去到第一個 reception 個人係ok 架，佢幫我搬埋行李
但一入幢樓...真係鬼屋 feel ...
有霉味既紅地氈...


This photo of Lancaster Court Hotel is courtesy of TripAdvisorisor

一路行一路 at at 聲...
只要有人行過會聽到

入到房啦...成個無盡頭既長形
(太倦冇影相)
要行幾級樓梯先到廁所
果晚已經係好彩有自己廁所
不過佢真係好似saw 入面果個冇窗困左人響入面都唔知既乾淨版
(自己打saw 1 toilet google 會有圖，想像下就feel 到)

但你唔好打算橫掂得自己一個人，沖完涼唔著衫出去呀~~
因為佢好吊詭咁響去廁所個梯級既左面有一道有窗既門
仆佢個街
真係「隔住塊玻璃、隔住個都市」
出面行5級樓梯就！係！路！面！！！

勁驚呀大佬
我仲用個篋頂住房門，加埋響果道有窗既門對面個衣櫃門毛巾都唔敢晾
扮冇人

好啦咁第二日去巴黎
一早要搭 euro star
本來問左好人reception可唔可以擺個篋響酒店，點知佢換左個行李都唔肯搬既大舊佬
搞到我遲到要買過張飛!!!!

好衰唔衰返黎又係個大舊衰
仲畀間3樓既冇廁所房...

This photo of Lancaster Court Hotel is courtesy of TripAdvisor

死都唔肯搬行李仲話上次已經幫左我所以今次唔幫
DKLM HOTEL 喎, HO咩L野TEL
行李都唔搬要我拆篋D野逐次搬上去
我行到第二轉已 feel 到無可能行咁多轉!!
the point is,
行一轉來回 上3層落3層
行兩轉來回 上3層落3層
行三轉來回 上3層落3層

三轉已經等於來回九層樓呀大佬

服務如此差，都係搬去第二間啦
DIU仲蝕左2晚錢畀佢間冚家祥
即時執野衝去 paddington hilton
好彩有房
然後搬返去 victoria...

呢個故事教訓我，book之前唔好淨係睇agoda d comment
我打左段野鬧臭佢最後係被河蟹
而tripadvisor 成件事公道得多
一字不漏照登出黎
仲有真實照片睇
就算拎唔返 refund，我都要唱衰個大舊衰呀!!!
擺明叫人唔好夜晚先去間野 checkin !

Read More

怪夢

失眠好幾日，尋晚終於訓到。
但起身發左個勁怪既夢……

個夢境係咁既
本來一個人響商場入面行緊街啦
然後見到一班人跪左響地下
林峯（！）白衫白褲（！）拎住槍想射跪響度既人（！）
呯！呯！
死左既係梁朝偉（！）同我一個fd（！）
咁見到勁驚，咁梗係奔走啦
然後林峯走黎追住我，然後錫落黎喎

然後個夢斷開左
我去到大學咁既地方，向住個有個好大既窗既地方好驚咁唔知避緊乜
然後又經過啲扶手電梯去左銀行
好多人既，行行下又去返隻窗既地方啦
一走入去就又見到峯峯用冧冧眼神望我，然後我又好冧咁望住佢（！）
拖住走左……

利申：本人響現實生活係唔鐘意又唔憎林峯
同埋唔鐘意又唔憎梁朝偉
起身又記得晒成個夢
好怪呀
仲有個點係殺左人又冇人拉喎
咩事呀？！

Read More

Crazy

辭職變被 term

what a nice present!

但我買左手信畀果個人，早知慳返 6鎊半

唔知係訓唔到定係唔想訓

總之 everything will flow

得，我知

命運是一個 constant 有時要你中頭獎咁 high
又有時要你食屎

早幾日先而響倫敦好爽咁睇緊suede 飲到斷片咁滯

喂大佬你早響我訂多一程one way ticket 下個星期先返丫

而家無時無刻好想飲酒...

Read More

笨丫拿?

先睇一段09年的old news:

http://www.theenglishworld.edu.hk/news/0911192x.pdf

高考生串錯banana
2009 年 11 月 19 日

【明報專訊】幼稚園學生也熟悉的「banana」（香蕉），高考生竟然串錯﹗考試及評核局昨日出版的 2009 年會考及高考英文科考試報告，揭示不少考生在串字、文法、發音等方面均未如理想。
有高考生將 banana 串成「banna」或「bananna」，有會考生又將 cute animals（可愛的動物）
誤聽成 killed animals（被殺的動物），惹人發笑。

____________________________________________________________________________

好，話說今日 L主任好地地將同事 S小姐的一條蕉畫上公仔，如下圖：

然後，由於同一時間一心多用，而我串字能力奇差。

upload 上 instagram 時懶得諗問大家 banana 點串......

L叫本人唔識串就打 apple......

但抱住用字精準既心態，一定要打返 banana 架嘛~

L 由於朝早曾講出 brilliant 的同義詞有「痾岑」(awesome)，信心大增。
於是搶答 :「b-a-n-n-a-n-a！」

@-@;;

咩話?

同一時間。(唸書tone)

     L:  b-a-n-n-a-n-a

小K:  b-a-n-a-n-a

好喇，兩個人收尾係唔同時間架~~!

唔駛金田一爺爺話我知，一定係有人串錯字!!!

然後我查敬愛既 oxford advanced learner's dictionary

我對L 說：「banana 真係唔係咁串喎!」

L對住我個 mon 說：「唔係b-a-n-n-a-n-a 咩? 中間有兩個 n 架嘛!!!!」

&$#^@%$!~#!$%^$&*#$%#

Read More

飛滋的英文是甚麼？

嗯，我認，有時我好低能。
今次低能事係用微波爐叮豆奶飲冇攪均...
一飲辣親...
半邊咀腫左...
但又冇理由因為樣衰咀腫而唔出街架~

當日同 T小姐去左 tea，期間都腫到要含冰....

然後...夜晚仲同A 先生打邊爐添 (!)
A先生仲安慰我其實唔覺...
好令人心虛...
我仲要起勢咁整D 勁樣衰核突樣....
(咳咳，此仁兄曾經展示咳至吐血既血....send 潤腸咀相，仲有變成鋼牙先生的第一手真相... 所以好重口味..)

事情發展落去...一日一杯維多C.....兩日後...
劇痛、依然腫...
而且腫既地方正好係下面犬齒咬到既地方....
咬下咬下...
傷口再side bet 3粒飛滋
真係人都唔想做..........

最後要買飛滋膏...
屈人寺賣到.....
47蚊一枝....
藥房冇貨...

最後要叫老豆行去老連咁遠先有....
26蚊!!!

飛滋王國由三變二....
個唇邊真係keep 住痛.....
好地地我仲睇飛滋膏睇下飛滋既英文係咩........
原來係 mouth ulcers
有S 架....
即係唔止一粒.......
google mouth ulcers 仲恐怖，勁多好恐怖既圖..........

雖然，我what's app 都係會叫返佢地做....
faye g。

Read More

馬賽克

(鳴謝 JY 先生提供點子、線索)

身為每天都閱報一小時的好孩子，我問問大家，還記得羅仲謙與楊怡的車震事件嗎？
整件事最可圈可點的是.....

上圖的格仔。

仲有蔡恩真粉紅底搶鏡

http://orientaldaily.on.cc/cnt/entertainment/20121010/00282_041.html

而同樣的形像處理手法已應用於新聞版.....

近日的例子有深圳走光黑點秒殺裙底

http://orientaldaily.on.cc/cnt/news/20121011/00176_097.html

wiki 說：

http://zh.wikipedia.org/wiki/%E9%A6%AC%E8%B3%BD%E5%85%8B_(%E5%BD%B1%E5%83%8F%E8%99%95%E7%90%86)

此方法將影像特定區域的色階細節劣化並造成色塊打亂的效果，其目的是為了使另一個人無法辨認，同時用在影像處理時有時也稱為碼賽克（由單純音譯加入了密碼的涵義）。由於常用於處理敏感影像，馬賽克常常也影射了敏感影像本身，形成一種暗喻。

但其實....格仔之下，可能係咩事都冇....

而張相打格仔...又當唔當張相係真相呢....
lunch 時跟專業處理圖像的 L 討論有關格仔既現象

L 話個效果係人出於補償視覺缺憾而造成。(拿，有專業形象建立緊架~~)

____________________________________________________________________________

冇呀...其實我又係想講故仔架....

拿即係呢阿 OMG好似不甘寂寞，想同L 主任做返朋友喎~

好不幸，由於接近趕稿時節，L 搞到過左2點先食飯。

之前一排，OMG都係響我地走既時候同空氣講：「你地自己食啦」

咁呢原來呢今日　ＯＭＧ　一直想等Ｌ架

OMG 問 L ：「主任，其實你食左野未架？」

L 說：「未呀....忙緊...」

OMG：「（晦氣）我唔等得你咁耐呀，我冇食早餐呀，我再等會冇命架喇。」

*奪門而出*

(嘩，笑死我，真係完全唔知佢原來默默咁守候緊 L.....)

咁好啦，下晝，我改緊好精彩既文。

而 L 在趕漫畫，諗野諗到變成一砣扭曲、寄生響轉轉椅上既生物。

呢個時候，OMG 大叫：「嘩主任，你可唔可以坐返好，我睇到Ｄ唔應該睇既野。」

佢唔講都好D，但佢一大叫...我唔小心擰去睇。

其實，好濕碎的底褲邊...
仲要係麻甩佬的底褲邊....

咳咳...

然後 ，OMG 見 L 無視佢...
再同 L 講：「喂呀，你可唔可以著件長Ｄ既底衫遮住佢呀」

我忍唔住講:「長身衫，可以襯 legging ~ 好潮呀~~」(註: L 是一名麻甩。)

L 說：「嘩，又長底衫又 legging ，咁咪好熱 ?!」

我說：「咁你要將自己打格仔囉....」

P.S. 其實，我唔想 L 同 OMG 於本博客出現頻率咁高，但佢地既「對立」真係好得意。

P.S. 2 我想講格仔真係唔可以亂打。

Read More

完全破解

昨天發生了恐怖的事情，我絕對懷疑是因為見同事多過見屋企人而造成。

是咁的，換了note 2，回到公司同事 L 主任拿來玩。
當然，第一件事要做的是解鎖....

L問：「點架個圖?」
我說：「好簡單！」

兩秒後，傳來 L 的慘叫.....「仆街喇，點解我開到架.......」*懊惱*

嗚，好似畀人睇穿個腦一樣咁恐怖咁可怕呀!
然後 L 自稱，「唔通我係 the mentalist 既 Patrick??」

好明顯， L 係多諗咗。

然後....原來唔只我試過係咁....
C先生也曾估中 R小姐的password...
C 覺得 撞圖難D
而 L 則認為「掌握一個人既圖像，係容易過掌握一個人既數字。你問我幾時生日，我鬼知呀?!」

 [Adam # mode] 咁其實撞password 定撞圖容易D?
呢一個係一個....
....謎。 [/Adam # mode]

咁...我有冇改到個圖?
冇喎，我真係覺得佢記得先算....XDXDXD
佢至多咪用我部電話影怪相 =__,=
我又未玩D 要錢買代幣既遊戲，真係唔驚喎~~~

Read More

活體黑洞之逃出生天

負能量值爆標，人稱活體黑洞的 OMG 被本人兜口兜面省完後，竟向有關人士反映工作間氣氛古怪云云...  心水清的朋友，當然知道誰是始作俑者(見另文：公民再教育）。

本人謹以至誠起誓，以下內容絕對是真人真事。

有一天 (其實係今日...) ，本人跟 OMG 於前後約二十秒時間因要上堂從工作間各自往分校。
按常理來說，當一個人見到另一人拎晒袋、著好鞋 (嗯，我於 office 會換拖鞋的......) 鬼都知佢要出去啦，對不對？*國語*

OMG 先生貴為本博客＜摟摏同事＞(榮譽) 精神領袖，於其先出門的情況下，極其有手尾地於本人大叫「我要去上水呀...」之後，「嘭」的一聲把工作間的大門關上。

全場一片死寂...

門，總是要出。咁，再開囉... 一..一

好，等 lift。

我唓！*黃韻詩 tone* OMG 咪又係仲等緊 ！*挖鼻孔*

入 lift ，繼續死寂，我估佢知自己 __ 咗。

出 lift ，由於我企 lift 門附近，以正常步速先出去。走過了僅兩個人身位的大堂通道，出大廈門。(嗯，死寂)

正當本人踏出大廈後的彈指之間，突然感到有一股好強嘅霉氣從後湧至。

啊！OMG 好地地用畀狗追嘅速度拔足狂奔！！！！！！！！ O_O (如下圖，from google)

噗~ XDXDXD 真係忍唔住當場笑出黎！

由於 OMG 絕塵而去，而我突然喺街大笑太奇異，於是打畀設計部 L 主任描述事件經過。電話先傳來失笑。繼而問，「點解你唔追上去呀？同佢鍊過丫嘛~ 」

我：「吓，厚底鞋又唔同路...做咩事要跑.......」 =_=

再打給 R小姐分享。R小姐跟 L 主任持同樣意見，問我為何不追上去 =_= (嘿，R 小姐乃運動健將，我無謂為了追 OMG 追到哮喘病發啦...) 並認為要整蠱 OMG 問佢係唔係見鬼呀、畀人打劫呀等等...

反思(!)：

(1) 究竟誰比誰古怪？

(2) 一個人真係要處於危險情況先會逃跑，咁...我係唔係真係咁恐怖呢？
(3) 我的同事很口賤。

(4) Great minds think alike.

Read More

嘰嘰嘰於媒體曝光

嘰嘰嘰糊里糊塗在天王的鱔稿出現。
有一篇是買雜誌無啦啦見到，然後個樣極怪...

有一篇的發現過程如下：
(A 先生於 whatsapp 傳來照片如下圖)

此發現改寫無聊史！
p.s. 1：用電話/ ipad 睇既人，唔好打算篤個 mon 就會睇到原圖呀~~~ XDXDXD

p.s. 2：A先生話笑而不語係重點，所以圈住左。

Read More

公民教育

登場人物簡介：

OMG

專業的「話題終結者」。一個有唔知邊道黎既自信覺得自己講既野一定有道理，仲一定有邏輯既人。自命飲到 cheap 紅/白酒會倒左佢。睇電視只會睇 national geographic 同 discovery channel，但佢會偷睇小丸子同文地貓。奉古典音樂為高尚品味，但明明見佢聽secret garden 同 日本動畫 BGM。專長係跳掣，突然亂講一通扮蟹，寫wiki 有關高達條文。其打扮為全身 earth tone.... 戴銀絲眼鏡，仲白過我。會大叫曬太陽會曬傷。最大敵人係醋，最好既朋友應該係公司樓下藥房隻冇左下巴既貓。口頭禪為拍檯大叫oh my god，因此得名 。
_________________________________________________________________

尋日為投票日，一返公司OMG 就問我有冇投票。
我身為鍵盤戰士，都有十二點前投票架~
仲做埋民調支拎龐愛蘭同劉江華添，我上屆投劉江華架，佢真誠為香港！

我答:「有呀，唔係唔投下嘛?」
當時小人睇新聞睇到眼濕濕，見到生果日報寫D核突人既賤招嘅時候...
隔離位的同事OMG...用巧威威既語調同我講：
「我成家人都冇去投票喎，我唔係mandatory*要投架喎。」
我:「投票唔係公民義務黎架咩？」
OMG ：「唔係mandatory要投架喎，總之我唔係mandatory。」
*mandatory 指法律上強制的。

我心中暗火：「當議會已經係最有民意基礎既地方，但政府政策都係可以將佢既權力架空既時候，我除左投票，真係唔知可以再做到咩野維護自己既意見。」

OMG突然收起巧威威的語調，去左迷思mode。

我心諗，頂我唔想晨早流流要同你講咩法律其實係道德既底線呀，咁法律冇叫你食飯你又食? 若然法律寫明強姦隻牛冇罪既話你又去強姦隻牛喇咩....

然後過左3分鐘，OMG 講: 「啊，不愧你做 idea bank*。」
*idea bank 乃小人有份的著作，主要內容係貨真價實既時事多面睇。

頂，佢真係跳線架，兩樣野都唔關事既！！！

冇呀我想講一樣米養百樣人，真係仲有人覺得政治係唔關自己事架！明明政治就係最大既經濟，牽一髮動全身。即係簡單 D講，要你一定學普通話都係一個政治決定，因為語言係身份認同既最有效工具。個火車站起響邊，條路擺邊，都係！咩唔係呀?! 你唔見到人地用成功爭取巴士要兜晒成個粉嶺叫做政績咩？

好似幾好笑，但個幽默係黑色架....
只要年輕一代都好似 OMG 咁覺得政治唔關自己事，真係畀人食左都唔知，到時聲都冇得聲喇。

但願OMG 的同類都有人令佢去左迷思mode。

Read More

[置頂] 2+2= 國民教育

(寫於7月17日)
大家一睇到題目，相信都會毫不猶豫咁答：「４！」
但，喺洗腦教育之下，2加2，係可以等於5，甚至6。

正如大話講100次，所有人都會信以為真。
而大話再加上權力，我不敢想像。

掹車邊身為一名從事教育業的小螞蟻，我不怕國民教育。
但最好唔好有呢一科。

只因為，我們的自由度較高 。
或者，是天王大人的「敢教日月創新天」令我們可以創意無限地跟課程玩遊戲。
我不知道寫的教材，我們的想法，會有多少學生看到。
我只知道，靠自己的一點能力，用暗力滲進一些我所相信的原則、分析角度等。
沒有絕對，只有對照，要選那一方都可以是道理。
(係呀我講緊本 Idea Bank 呀~ 黎緊書展出2 呀~~可以買埋 1睇下架~)
而我知道，好多同事都做緊呢樣野。
唔理有冇人睇，做左先。

洗腦，如果係真理，好似 D grammar rules 咁，冇問題架。
但，洗腦既內容唔係真，又或者有既定立場...
咁就真係少D思考功力都搞唔掂。
之但係邏輯能力亦唔知點解係而家D學生最弱既一環。
(好多時改文都係見到D grammar 冇錯...但 logic 夾唔埋既文)

我認，我搵 sources 好多時都以無傷大雅為依歸，開開心心學到野唔好咩?
我有自我審查搵 sources 唔搞六四、唔搞大是大非。
娛樂化都係即食文化既結果。
仲要D 細既比我地更心急。
所以，呢壇野，如果真係即食，求卵其叫D學生食，佢地又真係會照吞，咁就XXXXX囉...

而家呢，就同自己講，揸緊隻宗旨，見得人拜得神。
唔好畀 1984 既世界真係出現呀。

共勉之。

Read More

是日無聊之o雪o雪o雪Liza 與送水輝哥

今朝搭小巴...未去到個站已經有個麻甩仔望住我黎跑...
(係呀係平民版既「特登行早一個街口截人架的士」，冇分別架!!)
到我上車得返要將個人摺埋尾二果排果個位......(頂丫...我慢會冇位嘛...)
極眼訓...要將個人摺埋黎訓...

正當我同周大人纏綿緊既時候...
突然聽到後面勁大聲 "o雪...o雪o雪o雪" 食麵聲...
而同時仲有剪指甲啪啪聲....

後來o雪...o雪o雪o雪停左，就有一把師奶聲大聲講:「喂~我係Liza 呀~ 哎呀唔好意思嘈醒你添~冇呀~我想同你講件事我地會撤查(!)，哎呀我有野問你呀，你有冇唔開心呀。D錢我遲下畀返你啦~~不過呢，你畀公司鬧就要硬食架喇...」
(頂....嘈醒埋我囉妖)

然後同時又o雪...o雪o雪o雪同啪啪啪啪.....(真係有剪咁耐)
我繼續盅...

臨到屯門，Liza 又打畀個 friend：「我睇到個廣告，你有冇筆呀，屈Ｘ寺請人送水呀～月薪一萬一千六百蚊至一萬三千二百，都幾好丫可...電話係2XXXXXXXX....冇我諗起你個fd 阿雪個仔之嘛，係囉做大公司好，第時升做技術員都好丫嘛，冇野喇拜拜)

嘩，原來送水輝哥呢個人工...但...之前明明抗議不滿薪酬過低及人手不足...
同埋....輝哥有得升做技術員架咩???...............

(圖為輝哥 from google)

我被迫偷聽聽到一頭問號既時候...到站。

頂我見到後面個阿姐拎住個吉吉家外賣....個碗仲要整個反轉左。
估計佢響小巴上面生吞左一碗烏冬連湯 @@
而我繼續餓住咁行果條搞到我忍唔住要開遮既撒哈拉沙漠返centre打卡之路...

好啦...下晝去左九龍灣的萬人空巷
返黎果時...因為好攰...去左坐頭等...

頂......
有條友唔用耳筒睇80年代港產片...
點解咁肯定 80年代?
因為我聽到董驃把聲同勁假槍聲...(!)

Read More

時裝災難之胸戰

喂，唔知有冇男讀者，尷尬既敬請期待下一篇《神奇的annual dinner》。

看到題目，如果有留意在下真身是一枚plus size 中堅女子者，可能會問，plus size 都要胸戰?! 咁仲成世界?

係...要。
因為我唔小心行咗一條不歸路，上咗asos.com 訂裙。

我訂咗呢條，好靚呀可~

我著左去公司annual dinner 架~~

之但係....因為我個size 咁啱in between 2個size，咁身為怕買完唔著得落協會會員，揀大一個size 是常識吧.....就係因為大左呢個size......我.......計漏左一個事實。呢件衫係loose cut......再加上D鬼婆個胸寧舍...(        人        )..........

收到，試衫。

頂，我個胸唔夠大撐唔起件衫....

我做左廿幾年人第一次覺得自己原來唔夠大!

好大打擊呀......(回音)

苦惱左2日...個胸唔夠大撐唔起呢條裙呢個問題都唔知可以點解決....

(好...其實其他人係唔覺架...但我個心好不安....因為我好鐘意條裙呀.....又例如平均我應該一年只會著兩次裙...)

咁某日在姊妹們飯局行街期間...忍唔住問可以點算...

行動派的友人兩名立即帶我去看 nude bra (!)

期間大開眼界！

唔只兩個就咁痴上去，仲有好多款@@

就算就咁一個墊都有三百個形狀同二百種物料配合不同胸型的需要！

但...小人真是接受不了nude bra ....

可能真的因為看過太多有關nude bra 的惡趣味笑話...

default 地覺得砵仔糕係用黎跌既..........

退而求其次，去了看push  up bra。

我頂....

個push 都有好多個方向......
向上、置中、2 size up都有...............

一試....

不得了
原來個胸既比例係會嚴重影響手臂外觀。

即係本人手臂在比例上係奇粗(前提係冇一個地方幼)

當個up push 左之後呢...

手臂個比例唔同左!!!

嘩! 呢個打擊真係久久不能釋懷呀............

口賤的某位大小姐，見到平胸打擊後本人面露的灰暗表情...
更加落井下石...話上我身果隻係好似貧窮神既平胸神....T^T

圖為貧窮神....

不過，某大小姐都唔係真係好口賤啫....
因為我諗到係...貧乳神呀....sosad

Read More

時裝災難之花花

請指出上圖恐怖之處。
(利申：我係plus size 中堅份子！所以恐怖點不在size！）

今天，是本人有紀錄以來發生時裝災難的日子。
我成身都係Floral Patten..................
衫啦、裝啦、鞋啦....連紙袋都係!
好彩夜晚約既係可以烏where lei fair pea 既T小姐和C小姐.......
但我自己都過唔到自己果關............

本來，我係著黑色大袋長褲、黑色一吋尖頭鞋，成身只有件tee 同個袋係花花....
(which is normal....)
由於今朝出門口落狗屎....
一出門口就水浸........
但....工係要返的....
涉水行出去囉咩啫.....
話說，有天橋都冇用.....因為D雨打．橫．落.....T^T

好喇....出到小巴站
我以為避到架車濺起果D水已經好叻......
點知....
我屌，條馬路浸撚左....D水有一呎到....
咁都要行架.......
我已經好肉酸咁摺起個褲腳行.........
都係濕到咩咁..............

註: 原來我如果要投訴呢兩個水浸....我係要搵領匯、房署、路政署、渠務暑、康文署同MTR先至投訴得完.......

本來，落車時D水係濕到小腿架咋
但因為毛細管作用....返到公司已經濕到上大脾 囧rz
仲因為D水污糟而痕起上黎.....
咁屯門可以買到我著得落既褲....我識既只有uniqulo 同h&m..................
T^T
去左uniqulo 舒服褲囉.....
點知佢個紙袋係花花...........

鞋仔在公司吹呀吹但吹唔乾.....
好彩擺左對spare鞋響公司......
但...做得spare....當然係少著架啦..........
又係花花.....

咳咳，再加我個袋係Jack Wills 既花花布袋...........
成個look.............
咪就係村姑之嘛

我要澄清，我真係唔係對碎花非常狂熱
真係咁啱架咋...
唔好誤會我呀
我至愛都係果D唔知想點既黑色衫同黑色指甲.....
T^T

然後....T小姐形容此乃鄰家風味......
我唯有同自己講....英國D女人好鍾意碎花架.......
嗯。
好彩有件外套....熱到死我都唔敢唔扣鈕呀......喵

Read More

鵲巢鳩佔 (updated ver. 2.0)

好，我要講一個故事。

當你返到去office 見到有個人坐左你個位 (政治正確地講係你老細個位)
仲要明明見到你行埋去佢仲要快快腳坐埋去喎
你會有咩反應呢?

A. 爆佢叫佢行開
B. 問佢乜料

OK，我揀唔到A同B...
因為我畀果條友大喝一聲:
「我做緊野喎你去錯X同事個位丫佢今sick leave 冇返呀。」

What.... the.......?

好，本小姐身為禮貌大使梗係唔會兜口兜面鬧你既~ 成層都見到我發火個形象冇晒喎
唔得唔得

好喇，當你見到自己隻名牌水杯畀人當筆筒，櫃入面既野食擺左上檯...
仲有cheap cheap 牌子lotion，蝦毛吉蒂水樽破左你個有利創意既風水陣
卷廁紙畀人擺左去document tray.......................

我可以講粗口嗎?
唔可以。
咁我咩都講唔到喇

我去食飯!!哼。

好，當你面臨peak season過後冗員時光，你響個位做咩?

睇報紙? 上高登? 寫blog?
sorry 喎，果個霸左個位既人只係行開左而佢乜卵野都仲響個位道攝黎攝去是非都差D講唔到。

唔緊要，仲有你張檯個月曆畀人劃到花過花家姐差D連佢幾時黎M都睇埋...
另一個月曆去左2012年11月之嘛!

前提係，呢個人唔係你果team架!!!!!!!!係一個唔關事既甲乙丙!
可想而知成件事幾唔合理。

下圖為小黑解釋咩叫鵲巢鳩佔
總之就係麻X煩啦妖















(ver 2.0 update) 29. 3. 2012

我今日終於忍唔住動氣..... 結果咳咗五分鐘。

先唔計智力有障礙 set 左部機去四月廿九號搞到亂晒籠喇吓...
話說阿鳩依然擺晒佢D 卵喺我(老細) 個位。
好喇，咁阿鳩會返黎拎佢D乜卵野我預咗丫
但我唔會預我做緊野好專心咁搵緊問題答案既時候有個三唔識七既人走黎個位
仲要摷我檯面D野而問，都，冇，問，過(!)我!!!
就算整冧我檯面D野先講唔好意思都係冇意思架喎
呢吓係基本尊重同禮貌既問題喎

即係咁阿鳩同我講低如果有人搵佢去邊度搵我都ok 多口講句冇所謂
但可唔可以唔好一日有幾十個人走黎我(老細) 個位搵阿鳩而搵唔到就響我面前做出以下舉動:
(1) 露出失望既表情然後發出"zep" 一聲。
(2) 露出失望既表情然後問其他人阿鳩去左邊。
(3) 露出失望既表情然後大叫「吓?! 阿鳩去左邊呀咁我點畀D野佢呀?????????」

好衰唔衰我隻耳未退化，聽到有某精英同事回應 (3) :「擺響阿鳩個位得架喇」

我X ! 乜野叫阿鳩個位呀個位我，老，細，架！
真係火都黎埋畀你擺得第一樣仲得了既?!

當時真係冒死都要講我好唔妥咁樣冇禮貌囉唔該。

倉頡呀，我真係識「鵲巢鳩佔」呢四個字點解仲有好切身既體驗架喇.....
可唔可以畀返個巢我呀??
我用左一段時間為左唔好影衰天王大人我只係擺左隻sports b. 杯同擺左四支筆入去個sports b. container 擺左個創意風水陣架咋。(OK 我係港女，但我有格調!)
但點解阿鳩可以擺cheap cheap 牌子lotion，蝦毛吉蒂水樽同埋鬆鬆熊廁紙套架?! (仲要卷廁紙都係我問人拎架之前)

呢件事仲有一個條件可以列入七不思議事件: (唔好問我其他六件係咩呀吓....)
用個位之前係冇通知我/ 我頭頂既人架........
因為我頂頭其中一位仁兄遲我五分鐘知呢件事而叫阿鳩20分鐘後畀返個位我。
而大王係喺我見佢路過同佢講返水杯畀人當筆筒但未發生ver 2.0既事先叫做知道並畀左一個難以置信同想笑既表情我......T^T

我知....我描述得又真係幾好笑既.....唉。

Read More

Let's chase the dragon!

初一，見到有人寫Facebook 用了 Let's chase the dragon! 做賀語。
(同上年「兔氣揚眉」完全係好朋友！)
而追龍原來傳咗去英文，所以chase the dragon 真係解「追龍」。
你冇睇錯，係「追龍」。

倪匡曾寫：「追龍」這個名詞有特殊意思——指吸毒，尤其指用錫紙加熱來吸食海洛英粉的行為，是一個專門動詞。香港的反吸毒運動，有標語︰「生龍活虎莫追龍」，可知「追龍」一詞，應用相當普遍。

男神樂團suede 當年的so young 就係不停chase the dragon ~
(係...佢地係暗黑glam pop)


另外...yahoo 的香港電台新聞示範了「阿媽係女人」式語法。
「踏入龍年，本港首名出生的，是一名嬰兒」
Facebook 至高登都嘖嘖稱奇。
T小弟說應改為 :「本港首名出生的女嬰重3.4公斤...」
但一句入面有兩個廢話，真係好有功架。
又首名又一名。
唔怪得英年要話自己屬龍囉。

講開又講...
凍冰冰我都好驚dragon....
親愛的比用chinglish 在whatsapp 發明了slept over dragon
意指為「訓過龍」。

雖然今年新年唔關我事，但下年可能會挑戰蒸糕~!

圖為火龍果。(from google)

Read More

惹火

對唔住係我錯，我禽日唔應該亂打野。D火多得滯。

話說今日放工返屋企想煮個米粉唔出街食。

點知，我發現個爐頭畀老豆煲粥浸左，仲有一灘水浸住個爐芯。

未食野不特只仲要我清個爐頭D炭屎。

都算喇，清完發現真係塞Q左。

仲要由細火突然變到有磨菇火

嚇到我屎忽標屎。

同老豆講有幾大件事，佢先笑笑口同我講佢果時因為睇報紙(!)冇睇火!!!

係唔係痴線架。

又要叫人黎check 爐整到都仲好整唔到又要買。

唔好計我壞左個微波爐未買返。

屌而家乜都煮唔到。

Read More