小幽小默, 齮齮齕齕!

2015年8月10日 星期一

[上水] 洪祖師擔仔麵

晚上8:15 Posted by 嘈 No comments
話說勾起條筋好想食滷肉飯,所以今日 Lunch 就去咗食滷肉飯了。其實呢間鋪既前身都係一間台式野,但果間難食到D飯好似漿糊咁,我幫襯過一次就冇再去,直至佢摺咗又再開返都係台灣野,我以為係同一間野換裝修,所以開咗成一年我都未去食過。無啦啦尋日搭小巴經過,睇清楚佢寫住咩百年老店度小月創始人,咁就畀個機會佢睇下好唔好食啦~~

香酥雞翼滷肉飯 $49

其實我諗咗好耐究竟叫市林排骨酥滷肉飯定呢個雞翼定係豬手肉躁撈麵.....(有選擇困難症嘅人係咁架喇...) 但由於未試過驚個滷肉汁太油膩,所以 ban 咗排骨酥同豬手,叫咗好難會難食嘅雞翼。

個飯一黎到,我就試隻雞翼先,一咬,外酥脆內軟滑,面頭嘅鹽酥調味剛剛好,唔會太咸,不過得三隻龜翼真係有D唔夠,搞到我爭 D 豁出去叫多個鹽酥雞。好彩,我用我嘅人性克服咗我嘅獸性,保持我嘅理性,都係等第次多個人多把口先至叫....

至於滷肉飯果部分,由於佢一早講明係台南口味,我 expect佢可能偏甜,但入口剛剛好喎。D滷肉粒粒分明,肥瘦好平均,再加埋個蔥花既爽脆同香味,仲有少少粘咀既果種經過長時間煮既效果,撈落個珍珠米度,搞到我好想食多碗。佢係台灣味道但唔係台灣價錢呢好可惜,食多碗會破產。睇返報導,原來佢係由台灣總店直接真空處理空運到港,好啦我原諒你有D貴啦。

加 $5有杯台式野飲,我揀咗仙草奶茶
作為一杯合格嘅仙草奶茶,有奶味、茶味同仙草味,熱屎辣辣 hur落去都咪話唔爽。不過都係果句,下次會叫少甜。




不過呢,佢開鋪時間有D 神奇,係有落場,下午3點至到6點係休息,之前openrice都話佢星期一休息,但我食呢一日正正係星期一黎,可能改咗時間啦。

推薦度: 推推推推 (最多5個) 但特登搭車過黎就3個半推。
地址: 上水馬會道 158 號地下

2015年8月9日 星期日

你個friend 叫... Peter

下午4:14 Posted by 嘈 , No comments
This blog post would be written in bilingual, Cantonese and Konglish. 有粗口架~

Peter 仔除左係一個人名之外,佢都可以係動詞,可以加 ing 同 ed XDXDXDXD,後面加 out 成為一粒 phrasal verb,意思係指慢慢慢慢咁冇晒電,又或者係 chur晒咁解。

例句:
That long run petered me out. 跑完個長跑我冇力喇。

除左動詞之外,Peter 可以跟其他野一齊組成一D幾得意既 phrases,好似 for Pete's sake,可以用黎代替 for god's sake / for Christ's sake 令到件事無咁offensive。即係我地會講「頂!」黎代替個「屌!」冇計啦,鬼叫 Peter係穌哥既門徒之一,借黎頂一頂方便講野嘛。學 Donald Trump 話齋 "I think the big problem this country has is politically correct."好多時我地用語除左要精準,仲要政治正確。不過香港比較灰機既係,D高智慧政治正確撚太多 soundbite,多到花生都食唔切.....都唔知好嬲定好笑。

另外仲有個 phrase : rob Peter to pay Paul,表面意思係搶 Peter 錢去還畀阿 paul (我up緊乜?) 即係做一D 於事無補蹝氣既野囉.....

_______________________________________________________________________

Peter can be treated as a name and also a verb, ing and ed can be added XDXDXD The phrasal verb peter out means gradually become no battery or chur dry jor.

For example:
That long run petered me out.   The long run made me no energy la.

Other than verbs, Peter can use with some other words to make things ho duck yee. Like for Pete's sake, can be replace for god's sake or for Christ's sake to make things less offensive. Actually it is the same as we use Ding to replace Diu in Cantonese.  Ghost told Peter need to protect his mentor So Gor mei..... easier to talk when people workship So Gor ma...... Learn from Donald Trump's words " I think the big problem this country has is politically correct."  Actually, many times we need to use exact wordings and also need to concern about politically correct.  But Hong Kong now is very grey, those highly intelligent has too many soundbites, the peanuts are too fast to eat. I dont know if I should angry or laugh.

Ah~ Another phrase: rob Peter to pay Paul, the surface meaning is rob Peter's money to pay Paul ( What 7 I saying??) Actually it means doing something waste9gas law diu.....

2015年8月8日 星期六

留味東柏林

下午1:18 Posted by 嘈 , , No comments


很明顯,因為書名所以借呢本書。我唔知呢個 Phoebe Wang 係咩人,喺未睇呢本書之前,我有兩錢擔心佢好似亞歷山大老母咁既文體。不過我睇完第一個chapter,呢種不安已經無晒,因為只係講佢點解要搬去德國,同埋適應德國。跟進就係講佢點樣set up 個 supper club,同埋開左5年來,supper club 入面唔同客人既故事。最後就係講佢如何professional 地喺屋企請客。

呢本書最後個chapter係用黎補足我對食評既用詞貧乏。(我得閒要搵返以前寫落果啲 articles)其中一個字「食之韻律感」出現左好多次,意思係喺構思menu既時候,就要用唔同味覺對比令人記得果道菜。其實對於請人上屋企食飯,我都係自從阿媽唔喺道先關我事,亦都有遺憾,我媽煮野真係好好食,而我學得太少。我學左煲湯同咸肉咁大把已經夠喺大時大節畀返D家庭溫暖自己。愈大愈覺得,TVB 點解咁多食飯既場景係有原因既,因為好多事,正正就係喺唔同地方既食飯檯交織出黎。

不過我對呢本書D fusion 食譜真係不敢恭為,以圖中呢一粒湯圓為例,佢攪咁多野都係為左一粒湯圓........我都係食返傳統湯圓會滿足好多。同埋呢,每一次叫我睇食譜都好似好易咁架喎,但係叫我煮呢我就真係無晒動力,睇cookbook同食記我又ok架喎......點解咁樣既?


柏林

其實呢本書既in Berlin換做任何一個外國地方都可能有差唔多既 outcome,但柏林對於我黎講係一個好好天氣好多野睇既地方,但由於之前去既時候都未識玩,只係好水過鴨背咁只記得同好卦住 curry wurst,諗起都流口水。不過當時原來好有可能係我呢一世人最無憂無慮最開心既日子,睇返D相都覺得好似唔係好耐之前咋wor~

我好鍾意東德果隻紅綠燈公仔ampelmann,果時仲千辛萬苦 handcarry隻杯返香港,而家反而唔會儲呢D去旅行既野lu....因為佢地只會畀我爸打爛。放心,下圖隻杯仲健在,不過收埋左 XD


2015年8月7日 星期五

自稱受害人被假公安騙200萬後聽命做「卧底」 騙案女疑犯:以為幫國家做嘢

晚上9:41 Posted by 嘈 No comments
其實我係咪只要日日睇蘋果日報就唔駛食抑鬱藥,痴線架笑死人咩???
呢單新聞我只有一句comment:
「聞西,國家終於都有任務畀你!」

2015年08月07日 (星期五)
【本報訊】婦人捲入假冒內地官員的電話騙案而被警方調查,但疑案中有案,懷疑女騙徒可能同時是電話騙案受害人。她披露也接到假速遞公司、假公安及假檢察官的行騙電話,不但奉上丈夫近200萬元積蓄,並跟從對方指示任「卧底」。她事後儘管被警方調查,仍相信「佢哋真係大陸公安,會企出嚟證明我係清白,係幫國家做嘢」。
記者:戴國輝 羅日昇
在內地出生的女事主年約30歲,自稱也是受害人,向記者憶述被騙經過。今年5月25日上午10時,她收到操普通話、聲稱是順豐速遞公司職員來電,說有一個由福建寄去澳門的郵件未能投遞,郵件寫有其姓名電話。她說沒寄過郵件,對方稱懷疑其身份被盜用,說可將電話接駁至泉州公安局,跟着有自稱公安的男子稱有人以她名字開戶口,戶口與當地一宗258萬元的洗黑錢案有關。

每天向假檢察官「報平安」

她當時強調與案無關,但假公安說「不是你說沒有就沒有」,叫她盡快到當地報案。假公安再將電話駁至自稱是檢察官男子,假檢察官稱翌日會發通緝令,着她瀏覽最高人民檢察院網址,通緝令有其姓名,會凍結其資產、限制出入境及懸紅2萬元人民幣。她看過「通緝令」後很驚慌,為證清白,立即將香港及國內銀行戶口數目、信用卡及戶口結餘全數講出。假公安警告她:「如果你不老實,我會來拘捕你。你老公知道的話,連他也拘捕!」
女事主指當天「個電話由10點直至下午3點一直冇cut過線」,假檢察官要求她從銀行提取92萬元,並從保險箱拿出兩錠金。她依指示在住所附近將現金及金飾交給一名男子,男子留下寫有「資金調查」收條。她曾按他們提供的電話號碼致電,對方自稱泉州公安局,故她沒懷疑對方身份。其後她再按假公安及假檢察官指示提取約100萬元到找換店存進指定戶口,並按指示跟職員說謊,「職員問點解要滙錢,就話買樓」免起疑。
假檢察官曾安慰她「不用擔心,只要查清楚你沒洗黑錢,我們會把錢還給你」,她曾在住所樓下發現打擊電話騙案海報,致電假公安查問,對方說:「不用怕,是我們中國公安要求香港警察貼的。」
假檢察官又為她開了Skype賬號,對方賬號有國徽並寫着「公正無私」。她每天要向對方「報平安」,對方則致電測試她或派任務給她,如叫她到文具店,對方傳真文件或命令到該店,待她收件便說她通過測試,有次更要求她到深圳與他人接頭。

「信公安會證明我清白」

女事主續稱,假檢察官上月9日透過Skype傳來授權書,「話係警員證,叫我做卧底探員,幫國家做事」,並強調「張證唔會犯法,經香港警務處長核實,叫我自己貼張相上去」。至上月底,假檢察官再叫她找一名老人取物件及並安慰對方,指「老人家的戶口也是被洗黑錢,但很快清查完,國家不會騙老人家的錢」。
女事主後來被警察調查,但她仍抱着一絲希望,「仲相信佢哋真係大陸公安,會企出嚟證明我係清白,係幫國家做嘢。」直至假公安等人人間蒸發,方如夢初醒,「佢哋仲唔出現,我就知道好可能自己俾人呃,我知道我啲錢攞唔番!」 

夫:匪夷所思似周星馳電影

【本報訊】懷疑女騙徒向丈夫透露3日內被騙去他200萬元半生積蓄,其夫第一個反應是「冇可能!佢肯定夾埋人哋呃我錢!」但聽完她講述案發經過,他只感到「又嬲又笑」,案情猶如周星馳電影般匪夷所思,驚訝妻子竟不知道內地官員不可來港執法,惟她像被騙徒催眠般言聽計從。

以為妻聯合騙徒詐騙

事主丈夫徐先生於1983年移民美國,在當地餐館廚房工作,2007年在結識到當地旅遊的女事主後結婚。他指中五學歷的妻2000年由內地來港,兩人去年才回流香港。徐指他積蓄全交妻保管,乍聞壞消息時,他以為妻與騙徒合謀詐騙他,但後來又想「銀行賬戶我冇名嘅,保險箱佢一個人入去,佢如果係要嘅,攞晒,走咗,唔需要搞咁多嘢!」他指妻子單純,然而始終不明白她為何對騙徒言聽計從,素未謀面但「好似催眠咁」。他說:「我以為睇緊套戲,點解咁有魔力,入晒個腦呢?」
事後他不敢買手提電話給妻,擔心她會再接觸騙徒。他指妻惹官非後瘦了,有很大精神打擊,「佢到𠵱家仲信有日會有人上嚟敲門畀番錢佢」。儘管表示妻子同是受害人,但徐一想起積蓄盡失,不禁喃喃自語:「你叫我怪你又唔係,你話我唔怪你?有乜可能!」
■記者戴國輝、羅日昇 

2015年8月5日 星期三

你個friend 叫...Jim之著火燄短褲的笨賊占


我地先睇睇以下一則新聞:

2015年8月5日 (星期三)

一條火燄褲 令連環劫匪落網


【本報訊】火燄褲露行藏劫匪落網。一名無業青年上月三度持刀打劫粉嶺區3間便利店,得手後即挾贓款返內地。其家人將他犯案時所穿一條印有火燄圖案短褲掛於天台晾曬,警員認出循線索追查,即鎖定疑犯身份,涉案青年前晚由羅湖返港時被捕。
被捕青年姓林,18歲,無業,他與母親及胞弟同住聯安街45號寶昌大廈一單位。據稱,林在第三宗劫案後,即帶同贓款返回內地找女友狂歡,花光金錢後回港。前日傍晚6時,身穿黑T恤、黑色窄身褲及黑鞋的林在羅湖過關時被捕。大埔警區刑事調查隊第六隊主管黃志騰表示,林涉嫌與上月粉嶺3宗便利店行劫案有關,探員昨凌晨押他返回住所搜查,在屋內撿走三件衫褲、一對波鞋及一把刀帶署調查。

警方稱,首宗劫案發生於上月23日深夜11時許,戴口罩、穿黑衣的持刀獨行賊闖入帝庭軒商場地下便利店,掠去1,200元後逃逸;4小時後至翌晨3時許,賊人換了灰色上衣,再到距離帝庭軒70米外的聯安街9號便利店行劫,但被醒目職員聲稱無鎖匙開收銀機嚇退。至25日傍晚6時許,賊人到和豐街9號便利店亮刀打劫,掠去約5,800元現金及總值約120元的雜物後逃去。
據悉,警方對3宗劫案十分重視,不排除是同一賊人所為,且3店的位置極近,估計賊人熟悉地理環境,可能是街坊。負責調查3宗劫案的探員,綜合疑犯犯案時所穿衣服等資料,發給前線警員要求巡邏時多加留意。

至上月底,一隊特遣隊警員進行反罪惡巡邏,巡經寶昌大廈天台時,有警員發現一條「火燄」短褲與遇劫便利店閉路電視拍到疑犯所穿衣服相似,警方遂埋伏,其後林的胞弟收衫時被截查,查悉該短褲屬林擁有,警方即鎖定他是嫌疑犯;當時林已出境,警方於是發通緝令,並通知各口岸單位留意,至前晚林返港被捕。
■記者江寶龍、翁鈺輝
Source: http://s.nextmedia.com/apple/a.php?i=20150805&sec_id=4104&s=0&a=19243750

呢單新聞簡直充滿住笑點
1. 其實聯和墟真係好細既地方黎,喺梗有一間喺左近既些粉咁近時間打劫已經係一件本身好大風險既事。
2. 火燄短褲仲要晾衫畀人發覺到,唔通佢覺得條褲好有紀念價值所以死都唔掉?
3. 搞咁多野都只係劫左幾千蚊,人地喺銀行仆親所以事敗果個賊有大志過你囉…=_=
4. 連家住聯和墟既友人媽媽都話見過火燄占行過好多次,咁差人好難認唔到條褲。

Btw 點解笨賊係叫阿占呢,係因為尹光有隻歌叫笨賊占,我唔記得左幾時聽過,所以,以後見親好笑既笨賊佢地都係叫阿占既~


 
唔知做咩插唔到土豆條link.......但笨賊占呢隻歌真係好有教育意義。
http://www.tudou.com/programs/view/Cfp3oaSOL7w/

但係英文入面個阿 Jim反而冇乜笑點,因為佢地好兩極...
如果佢同 Dandy 一齊,變左個形容詞 jim-dandy 既時候,咁佢係解 excellent,例句係咁既~
Tom: I'll meet you at six, OK?Charlie: That'll be jim-dandy.
咁點解唔就咁用excellent,或者 That's great.

另一個同阿 Jim有關既字直情係血淚史黎....Jim Crow 係關於美國既種族隔離法律....條link有 wiki~~

所以今次廣東話個阿占好笑D~

2015年8月3日 星期一

Tony 秘密假期

晚上10:43 Posted by 嘈 , No comments
突然間睇完一輪食野既書,想睇返D 遊記恨下去旅行,我發覺喺上水圖書館唔知係咪館細既問題,真係好少我會拎上手睇既遊記,即係書名有D吸引,又或者掀幾頁個故事有D特別,再唔係就係出名既人寫既又或者係講英國,我都會好膚淺咁借返去睇。我企左喺旅行書果忽成半個鐘都搵唔到想睇既野......最後我拎左呢本...


如果呢本書真係洪永城寫既,咁我都會收貨既~
佢入面強調左好多次本書真係佢寫呢下好笑 XD

書入面呢個洪永城,係仲未走過烽火大地未入大台未有唐詩詠果個黎,佢呢堆遊記搞到我好想搵返一個地球同埋活得很滋味黎睇。我搵過只得佢同黃翠如個澳洲仲search到....其他既youku死左link load 極都 load 唔到。

不過呢,呢本書似係睇緊好精華既撮要多過真係夠料做一本書。阿洪先生如果可以寫多D同寫 deep D就好喇。真係差在未係 point form 咁寫........因為真係好鬆散。我睇完淨係記得佢去到南極D空氣充滿住企鵝屎味...同埋馬爾他個海有十一種藍色,仲有突尼西亞果個愈沖愈臭既土耳其浴。(定又係我 selectively 只記無聊野所以咁.......)

仲有呀~ D 排版真係好唔得,D相又矇過佢對眼,講真要我畀錢我除非真係好鍾意洪永城 (which 我認我 ok鍾意佢...) 真係會買唔落手,根本 sell多圖就揀光身果隻紙啦。D圖又排到好似求其有位就塞入去咁.....D字又排到一時一個 column 一時兩個 column 睇到我火滾。(咁叻你去排啦好未...? sor 囉我認我淨係識睇。)

 拿~ 咁樣方形方形咁排我唔會怪你架。
 D caption 排到我對眼要睇完一道再搵另一張caption 好忙。

係咪好唔夠位啫,做咩突然轉兩個 column.....

2015年8月2日 星期日

你個 friend 叫... Jane


我地親愛既old school 廣東話入面, 當你有個 friend子叫阿成或者阿城,總會畀人叫佢做大麻成,原來大麻成有個西婆女友叫阿 Jane架~~~ 因為Jane 又或者 Mary Jane 係可以解做大麻。係呀,「草」呀~

題外話,想當年我都一把年紀先至真係見到人隊草,就係喺 stonehenge summer solstice festival Er....即係巨石陣夏至,每年有個好大既戶外 party 黎慶祝全年最長日照果日個日出。( __,即唔係話D乜,用中文打真係好唔型囉件事...) 點解我分到? 因為好明顯唔係煙味同佢地chur 個方法係唔同平時食煙。我地嘈緊禁煙既時候,其實好多地方都講緊大麻合法化...咁身為一個有為青年,我當然係鼓勵喺安全而又合法既環境之下先好試呢樣野啦~ 好彩當年去歐遊既都係乖同學而唔係我班麻甩朋友,如果唔係試草好有可能係重點期待既行程~ btw 我未google 其實我食緊 D藥可唔可以隊草,我成日都google埋D無聊野~~~

好,返黎。

阿 Jane 除左係草之外,佢都係女廁咁解,咁男廁呢? 佢叫 阿 John (拿,字典咁講架~ 唔信自己查~~)

之前阿 Joe 咪即係我地成日見到既 Damon Chan (陳大文呀~~~!) 咁好喇~我地親愛既李智能*係叫咩英文名架呢~?

其實係同 average Joe 差唔多,叫 average Jane 或者 A plain Jane。

*智能身份證 sample果條女係叫李智能 (我真係好鍾意留意政府果D sample人改果D名,通常都好gag 架~~大家不妨留意下然後話我知~~我記得仲有呂真美同埋業有成)