早知快樂和有益 就似水碰著油

1) 嗯，2014年12月某日，我成為了肥胖症以外的長期病患者。個病叫 Graves' disease, 一講中文名你知佢係邊個。其實，佢叫甲亢。

2) 其實我好好彩，冇眼突大頸泡，總之個樣冇明顯中招。只係原來平時心跳好快唔怕凍只怕熱咩都冇做瘦左十幾磅食極唔飽已經係病徵。 每一日要記住食藥。

3)由於 Grave 小姐既關係，我開始左「我既健康人生」(請用好假肥仔聲讀出)。去睇中醫(!) 戒咖啡、茶、煙、酒、辣、咸。當時我真係喺診所大叫左出黎同埋有D眼濕濕。係，我唔知幾耐之前已經好少食煙飲酒... 但你話畀我聽唔做得既時候硬係覺得心思思....老實講我果晚即時有衝動想唔食藥飲晒屋企D酒。

4) 而咖啡奶茶我以為自己中左毒好難搞，原來仲易撚過戒煙。而家我去老茶既選擇有阿fa 田, hallick, 菜蜜。去飲茶我帶甘菊、麥茶仲有薄荷茶............如果用21日就可以改變習慣，應該都改左90%。

5) 由於我想留返小小人生樂趣畀自己，我決定用朱古力黎做我既crave。

6) 江湖傳聞話要戒海鮮同紫菜架嘛....但我D中藥昆布同海藻仲有蠔係鐵膽黎。所以食方面其實我又冇乜點戒口。

7) 冇呀，我本來想寫 new year resolution 架，但我2014年入面至大件事已經係佢。而我部 27吋電視都1080p 囉.....