毛邊本

嗯，大鄉里地以為壞書，原來係毛邊本。
每睇一頁要劏一頁。
好好心機。

呀，重要查 post modernism 係乜，早排poly design grad show 個 poster design 同周保松新書都係話 post modernism喎。

Read More

感動

當有個人將你當成會喺佢未來出現既人物，然後幻想將來既生活會點
其實冧到爆。

是咁的，男朋友是回教徒，每年都有一個月要齋戒。齋戒係由日出前到日落後都唔可以飲水食野，為左體驗窮人既經歷同埋淨化心靈。當然要戒埋女。

然後喺齋戒月前，阿男人話we need to talk
講左好多次。
但因為太忙太攰又唔想喺text 講，所以都係冇講。

最後，齋戒月過左，佢突然話we need to talke之後飛奔左黎我屋企。將所有對之後既諗法講畀我聽。

佢話要去讀書，但又諗起，開頭一齊既時候我問佢會唔會掉低我走左去？（因為前度陰影，果種冇安全感再加我份人咁神經質，真係可以好恐怖）

然後佢問我點睇，我覺得換轉係我佢都會support我，冇可能因為咁要佢留低。

我唔知將來會點，但多謝你將我放埋入你既未來入面。

Read More

賤精

當所有人對果個人既評價都係話佢賤格
然後果個人都仲係who fucking care
然後又有人叫你小心啲唔好兜口兜面話賤人係賤人，驚你死左都唔知咩事。
之但係
老娘連死都唔怕點解要怕佢呀？
*攤手* *無奈*

Read More

讓青春於舞池流逝

素顏，阿婆綠色針織冷衫，開工黑色褲和vans sk8 hi，我竟然喺星期五流流開完 OT，同西班牙先生去左老蘭(!).........

從來都知道自己定位，to see and to be seen 既地方，去到都覺得格格不入。
隔離果個西裝樣，一睇就知唔襯。哈哈哈哈哈哈。

最絕既係，我唔係唔畀自由你，你玩完不過話聲你知我等緊你。

我喺度呀。

(利申: 圖中乃是路人。)

Read More

近來

希望扁桃腺和我的爛桃花一起被割掉。
阿們。

Read More

落花流水

流水像清得沒帶半顆沙
前身被擱在上游風化
但那天經過那條堤壩
斜陽又返照閃一下　遇上一朵　落花

相遇就此擁著最愛歸家
生活別過份地童話化
故事假使短過這　五月落霞
沒有需要　驚詫

流水很清楚　惜花這個責任
真的身份不過送運
這趟旅行若算開心
亦是無負這一生
水點蒸發變做白雲
花瓣飄落下游生根
淡淡交會過　各不留下印
　(命運敲定了　要這麼發生)

講分開可否不再　用憾事的口脗
習慣無常　才會慶幸
講真天涯途上　誰是客
散席時怎麼分

翡翠劇場又多一集....
嗯
其實預左。

只係無疾而終同點同佢講有D難....
決定就落左

但一停低就會諗起佢平時既怪怪小細節
佢鍾意既野佢既小習慣
我可唔可以揀做一個死蠢既女仔選擇性失明?

唔得。

對唔住，人大左原來係會愈來愈自私。

多謝你呢幾個月令我記起愛人同被愛，有fancy 泡泡既生活係點。

我諗左一晚都諗唔到要寫一封唔帶希望又平常好似冇事既信畀你要點寫....
聰日再諗把啦...

祝
好

Read More

重覆

其實老娘畫已換，上手死因好肉酸。
好彩真係貪靚仔，我唔算係好鍾意佢。

喂但今次唔同。
又唔係果回事。
究竟點樣先可以完全相信一個人?
我連我屋企人都唔信，點信人呀？
如果我好似佢講得咁簡單，大概世界好和平。

我唔知再要重覆幾多次。
要幾大勇氣…
但似乎我未問未出聲我已經知我身邊既人似乎係食花生多過為我好。
對於一個孤獨底既人黎講，我呢排其實同大部分人都keep緊distance…只係大家會sense唔到有啲野其實我躁左，同埋已經躁完。

不過，身邊總有人緊張我多過我緊張自己，其實係好感動。但感動完之後我開始好仆街咁覺得有壓力，我會唔會都做到一樣既野，定都會係好仆街咁當唔知，然後一路吊蘿蔔畀甜頭佢一路拖落去。

唉，我想知點解次次都咁難。
難到應該可以寫返啲我朋友系列。

Read More