鵲巢鳩佔 (updated ver. 2.0)

好，我要講一個故事。

當你返到去office 見到有個人坐左你個位 (政治正確地講係你老細個位)
仲要明明見到你行埋去佢仲要快快腳坐埋去喎
你會有咩反應呢?

A. 爆佢叫佢行開
B. 問佢乜料

OK，我揀唔到A同B...
因為我畀果條友大喝一聲:
「我做緊野喎你去錯X同事個位丫佢今sick leave 冇返呀。」

What.... the.......?

好，本小姐身為禮貌大使梗係唔會兜口兜面鬧你既~ 成層都見到我發火個形象冇晒喎
唔得唔得

好喇，當你見到自己隻名牌水杯畀人當筆筒，櫃入面既野食擺左上檯...
仲有cheap cheap 牌子lotion，蝦毛吉蒂水樽破左你個有利創意既風水陣
卷廁紙畀人擺左去document tray.......................

我可以講粗口嗎?
唔可以。
咁我咩都講唔到喇

我去食飯!!哼。

好，當你面臨peak season過後冗員時光，你響個位做咩?

睇報紙? 上高登? 寫blog?
sorry 喎，果個霸左個位既人只係行開左而佢乜卵野都仲響個位道攝黎攝去是非都差D講唔到。

唔緊要，仲有你張檯個月曆畀人劃到花過花家姐差D連佢幾時黎M都睇埋...
另一個月曆去左2012年11月之嘛!

前提係，呢個人唔係你果team架!!!!!!!!係一個唔關事既甲乙丙!
可想而知成件事幾唔合理。

下圖為小黑解釋咩叫鵲巢鳩佔
總之就係麻X煩啦妖















(ver 2.0 update) 29. 3. 2012

我今日終於忍唔住動氣..... 結果咳咗五分鐘。

先唔計智力有障礙 set 左部機去四月廿九號搞到亂晒籠喇吓...
話說阿鳩依然擺晒佢D 卵喺我(老細) 個位。
好喇，咁阿鳩會返黎拎佢D乜卵野我預咗丫
但我唔會預我做緊野好專心咁搵緊問題答案既時候有個三唔識七既人走黎個位
仲要摷我檯面D野而問，都，冇，問，過(!)我!!!
就算整冧我檯面D野先講唔好意思都係冇意思架喎
呢吓係基本尊重同禮貌既問題喎

即係咁阿鳩同我講低如果有人搵佢去邊度搵我都ok 多口講句冇所謂
但可唔可以唔好一日有幾十個人走黎我(老細) 個位搵阿鳩而搵唔到就響我面前做出以下舉動:
(1) 露出失望既表情然後發出"zep" 一聲。
(2) 露出失望既表情然後問其他人阿鳩去左邊。
(3) 露出失望既表情然後大叫「吓?! 阿鳩去左邊呀咁我點畀D野佢呀?????????」

好衰唔衰我隻耳未退化，聽到有某精英同事回應 (3) :「擺響阿鳩個位得架喇」

我X ! 乜野叫阿鳩個位呀個位我，老，細，架！
真係火都黎埋畀你擺得第一樣仲得了既?!

當時真係冒死都要講我好唔妥咁樣冇禮貌囉唔該。

倉頡呀，我真係識「鵲巢鳩佔」呢四個字點解仲有好切身既體驗架喇.....
可唔可以畀返個巢我呀??
我用左一段時間為左唔好影衰天王大人我只係擺左隻sports b. 杯同擺左四支筆入去個sports b. container 擺左個創意風水陣架咋。(OK 我係港女，但我有格調!)
但點解阿鳩可以擺cheap cheap 牌子lotion，蝦毛吉蒂水樽同埋鬆鬆熊廁紙套架?! (仲要卷廁紙都係我問人拎架之前)

呢件事仲有一個條件可以列入七不思議事件: (唔好問我其他六件係咩呀吓....)
用個位之前係冇通知我/ 我頭頂既人架........
因為我頂頭其中一位仁兄遲我五分鐘知呢件事而叫阿鳩20分鐘後畀返個位我。
而大王係喺我見佢路過同佢講返水杯畀人當筆筒但未發生ver 2.0既事先叫做知道並畀左一個難以置信同想笑既表情我......T^T

我知....我描述得又真係幾好笑既.....唉。

Read More

來回地又獄又折返人間

潛水潛了好久.....
話說，peak season (即公開試前) 我們總會不見天日。
當年聽阿sir 講就叫朝十晚十死亡交叉 (個阿sir真係咁講架我冇作呀!!)
今年，公司正其名為地獄特訓班。
朝早9點連上四堂，然後夜晚班照常。(係呀擺明係買返日校唔駛上堂d時段出黎，但又多人報咁先好波~~)
由於平常都上到十點半打後....於是...地獄就係咁鍊成。

而同事之間既對話都變成...
「喂呀我今日要落地獄呀...」
「嘿嘿，你星期四去地獄啦~」
「頂我連續兩日要落地獄呀...」
而上完呢d堂亦都會叫自己破地獄....一..一
正常人請唔好歧視我地......

一星期有幾日落左地獄。到到第二日我已開始作病....
先係變聲，再黎末路狂咳。
天呀.......
個地獄至到月尾呀..........

話說，呢個時節.....時凍時熱時濕時乾真係唔知想點
病到一舊飯咁...又一時有聲一時冇聲
感謝大人賜我day off，我訓左一日。

講開又講，呢排天王老闆都做到唔知自己響邊....
話說某日M小弟打黎同我奇文共賞...(我地係會以恥笑不知所謂既中英文為樂...)
聽到我響火車笑到抽筋~
但歡笑係絕對有代價.....因為我係中文認字專員(係呀我做緊英文team ga~~好雙語*丫嘛)
*好雙語乃本人大學上莊既莊名。
而奇文又同中文有關.....聰明既小朋友都知道我冇得唔出手啦~~
由於未食飯，返到去食完碗粉就打返去了解事態發展...
本來仲好開心咁奇文共賞緊.....
突然一把9唔搭八十足扮朱咪咪、不能辨識既聲講野...
平時我一定會講粗口定驚
但果日由於太眼訓.....淨係問左佢係唔係人格分裂....同埋問佢係翁文成定係鮑國平(!)
而朱咪咪就答我唔識佢地係邊個......
然後聽到狂笑.....
由笑聲之中我認得出佢係天王老闆......一..一
再加有關同事事後核實.....
er.......佢真係好大壓力....畀佢玩下啦.....

而我手上有無限咁多份卷未改。

以下片段為講解真正破地獄。

Read More

當人格只值五十蚊......

(Google 的圖)

話說，冇人會鍾意畀人屈。
仲要係因為一個死小孩屈我就真係更唔gur。
為左唔駛畀人罰五十蚊講大話....
人格得五十蚊....

對唔住呀~我既人格出幾錢都買唔起!

我有的是風骨！

Read More

黑仔的故事

(圖為陳豪飾演之黑仔)

是咁的，2月27日乃眾人女神加加演唱會公開售票之大日子，由佢一出道就開始聽既忠實等睇佢玩乜野之徒，加上「拿，果時都話佢得架啦~」既抽濕本能，但又由於突然凍到__ __，唔想出街買飛，再加上本來朋友個朋友(呢d 位一定係朋友個朋友!!!)買到內部飛既傳聞落空。死死地氣去衝果個一定down 既system 啦......好喇，本來打算叫盡過力啦，女神(d飛)真係入極都入唔到....
無啦啦畀我入到個system 喎!!入晒d資料打畀A先生問佢係唔係買啦~我諗住佢十五分鐘前有回過我個入唔到fb status 即係醒左啦即係會聽電話啦，一聽就按confirm冇死啦。

點知...

我 __ 佢老 __ 條友仔唔聽電話而同時個 system 徹底咁 down __ 咗!

嘩，有咩慘過「原來沒有從來都沒有」? 有! 哄到埋唇邊就得手果時feel 到對家既鼻息聞到佢唇膏係咩味既時候，佢部電話爆炸呀!!!

妖。

迷信之輩(唔好聽叫姓賴) 如本人直接覺得只要a先生聽電話我就會買到飛。打算再打去鬧爆佢唔聽電話順返條氣啦......

點知，都係冇聽。

頂住度氣冇得鬧人....
好喇打算唔理佢衝出街去附近琴行睇下有冇死雞執啦......
點知老豆要我搵tv remote....
頂

終於出左門口...快快腳去琴行啦
十度，我響街跑呀!!!個鼻出煙呀!!!(點都快過行啦妖唔準笑呀!!!)
跑到去啦....

我見到既唔係好大條人龍....
而係.......
佢執左呀!!! 執 __ 左呀!!!!

有冇咁黑呀?
有呀!!!

好啦，返工囉。
頂，走巴士，睇住佢開。

好喇A先生終於聽電話。而佢之前唔聽電話既原因係.....
佢再訓返!!!(火都黎!!!)

我用左大約廿分鐘既粗口加tvb 鬧人對白嘈到佢個人醒晒為止.....
(我認我d 語氣唔係非常認真鬧，但我把口鬧出黎既事都唔荒好聽......)
冷靜既朋友會認為呢件事唔關佢事，但果一下真係火都黎埋...
食飯既時候換個角度諗....其實佢可以畀我鬧足咁耐仲要講晒對唔住而件事其實理性地係唔關佢事都真係實在太縱容本小姐.......(廣告時間: 呢d真係港女恩物呀!)

返到公司啦....
又發現自己之前冇睇清楚份marking scheme係第二個topic之後要等大大send 個真既file黎...
再見到第一個task好有創意既marking scheme................改唔到囉一..一

我......冇野好講....
都係死死地氣做野。覆左二千零六十個電話。

仲要聽到聽日要上完堂再返tw............

希望在明天丫嘛...
我知呀! 妖!!

Read More

Concert YY

我看的是2月12日的那場，11日有twins....大家都有朋友或同事見證那個萬人大合「吓」。一直出現好驚割櫈但又唔想割既忐忑心情。
十二月一早上網買好飛，第11行，好近!!

十二月到現在一路走來，幸好，還有能力兌現承諾。

如果highlighter 是用來記下重點，我想這個 concert 都是shocking pink的。
如果，出奇蛋可以一之過滿足三個願望，那晚我大概鯨吞了五隻。

2月12日 rundown

1. Intro: 隆重登場/桃色冒險 (容祖兒)
2. 跑步機上 (容祖兒)
3. 隆重登場 (容祖兒)
4. 這麼遠(那麼近) (黃耀明)

是咁的，我恨睇明哥live好耐，一出黎我D激動眼淚已經轉緊，明哥實在是本人神級偶像。
5. 小王子 (黃耀明)
6. 自然醒 (林宥嘉)
7. 看見什麼吃什麼 (林宥嘉)
8. 大大公司 (Swing)
9. 帝國大廈 (Swing)
當年做music 功課都係用呢隻歌做mixing.....你覺得我鐘唔鐘意嘞。

10. 那邊見 (Swing)
Talk (Wyman)
11. 耿耿於懷 (麥浚龍)
12. 絕 (傅佩嘉)
13. (你沒有)好結果 (李蕙敏)
14. 活得比你好 (李蕙敏)

真人勵志故事。把聲無左，但個人響道，點都要靚。
15. 牆紙 (容祖兒)
16. 艷光四射 (何韻詩)
17. 你是八十年代 (何韻詩)
18. 光明會 (何韻詩)

High 到爆的爆點。
Talk (Wyman)
19. 髒話阿七 (劉浩龍)

完全feel 到師兄股鬱氣同火。

20. 奇洛李維斯回信 (薛凱琪)
21. 男孩像你 (薛凱琪)
22. 祖與占 (Shine)
23. 燕尾蝶 (Shine)

呢D係青春，但其實....如果佢地keep 住出黎又唔會咁既反應，又一次證明人係犯賤。

Talk (Wyman)
24. 小團圓 (王菀之)
25. 末日 (王菀之)
26. 最好的 (王菀之)

我唔明點解D人當呢個係廁所位!!!
我聽小團圓喊到我癲左.....係聽親都喊....
Live 更加癲左。
27. 時代曲 (陳奕迅)
28. 大開眼戒 (陳奕迅)
29. 陀飛輪 (陳奕迅)
30. 沙龍 (陳奕迅)
31. 葡萄成熟時 (陳奕迅)
32. 勞斯萊斯 (何韻詩)
33. 木紋 (何韻詩)
34. 好戲在後頭 (草蜢)
35. 失樂園 (草蜢)


我聽到呢隻歌既live呀!!! live 呀!!!!
Talk (Wyman)
36. 命硬 (側田)
37. 那誰 (蘇永康)
38. 我的驕傲 (容祖兒)
39. 痛愛 (容祖兒)
40. 心淡 (容祖兒)
Talk (Wyman)
41. 給十年後的我 (陳奕迅、蘇永康、黃耀明、容祖兒、何韻詩、薛凱琪、黃偉文)


當我覺得我睇完可以死之後，點知....
尾場佢玩到真係好大.....
包括有：

呢段唔駛講，買定花生，等緊蘋果二度抽水。

Wyman 實在太正，個run down 都好正~~! 估唔到係佢令我搵返瘋狂既感覺。
日日追youtube!!
同時教訓大家，睇定D加場先好買飛.....唔係....心口都揼平。

Read More

The Skin I Live In (2011)

(圖片來源: Google)

這齣戲的威力在於，在嚴重劇透之下，仍然看得摒息靜氣。
不賣腥，只賣色。
但意念令人傻眼。
如果色相皮囊皆來個180度轉變，人的內心會隨之而變嗎?

電影中各人自有一層秘密，名副其實The skin I live in。

斯德哥爾摩症後群，其實人人皆有。
只不過，挷架我們的是制度是禮教是法律是人云亦云而已。



PS 我好想要果塊蚊蚊咬唔入嘅皮！ 

Read More

Dating with myself

太想看The skin I live in (另一篇再寫。)，之前威迫利誘也沒有人陪我看。
我面皮薄，不愛求人，唯有自己去看。
不是不可以獨處，而是，自己一個的時候總會胡思亂想。
已經特地不去電影中心，因為我知道一向是那個誰跟我看。
他不在，靠自己。
但，總是想起那時候。
這大概是那微妙的羈絆。

最近大家也不敢找我，我也怕要乞要求找人陪。
公司開年飯因為我食齋、不出席喜慶事避席。
(其實我好想去，我真係就黎生菇。因為冇人敢搵我。)
於是，惡性循環，我的頭頂長出菇。

早一晚訂票。訂了震震椅......
五點五度的早上起床，跟老爸吃了八寶粥和壽司的brunch。(五點五度，壽司!!!!!!!!!!!!!!)
友人W認為老爸肯在如此大冷天下樓買東西吃要給他一個good。
但我要反駁，是誰在六度的時候為他洗米洗菜洗碗?!
我。
不是要鬥大，而是事件是否appropriate的問題。(戒衝動judge 呀buddy!)

在人人有伴的日子，呆呆地等入場。
找位子的時候，我靠，一家人不跟買票的次序，坐了我的震震椅!!!
但，我不好意思要人還我位子，畢竟，要跟那些人一起看戲120分鐘。
但其實我很介意呀! :( 下次還是回element 算了。
這是一個人看戲的糟糕之處。
戲很好看。但我還是很掛念跟我口味相近的睇戲腳先生。

之後，一個人吃飯，一個人逛街。
其實，不是不可以一個人。
只是，不想一個人。

唉。也許是天氣的錯，是心情的錯。
到了夏天，我應該會好起來。



(以下片段可能是我的結局，亦有可能令人不安。)
Six feet under 那被貓吃了半邊臉，沒有朋友的女人。

Read More