小幽小默, 齮齮齕齕!

2015年6月25日 星期四

原來法國菜很XL - 陸以心

向來都好鍾意睇遊記,不過叫我寫呢....十次有十次唔係爛尾就會一係冇心機。呢一方面我好港女,影左買左睇左就寫唔返出黎。應該係懶到爆先會咁~

呢本書係隨手本來喺圖書館睇緊食譜既時候見到,原來圖書館分書好抵死,佢個書名同野食有關呢就會擺左喺食譜果邊架喇~

以前睇蘋果有睇陸以心專欄,覺得呢個女仔枝筆賤賤地,又幾好笑所以有睇開~我記憶入面係 hocc果個專欄既前身就係陸以心。不過我會睇都係因為彭浩翔 順手會睇XD

呢本書分左做兩part,巴黎同埋Dijon,重點都係巴黎果 part~ *膚淺* 鬼咩我識 Dijon 芥辣囉好未~~~所以零代入。老老豆豆我去左兩次巴黎,第一次年代太久遠再加唔係自己plan,我只記得喺塞納河邊扮寫野,同埋喺鐵塔下面野餐食左個又凍又貴又硬既火腿芝士法包。第二次去我都係亂黎,係咁去美術館,musee de orsay 前面食住crepe咁排隊買飛被當法國佬售票員係concession 。不過留意返我去左兩次都係冇入過羅浮宮,同冇去凡爾塞宮。我寧願對住 the thinker同地獄之門發呆,所以我懷疑除左第時好返自己再去都幾難有條友咁同我去巴黎 hea。


To be honest, 唔好expect 呢本書入面寫食會寫到有幾出色,反而寫佢D friend,寫佢ex 果D部分係幾好睇。女仔友情得來不易,仲要 long d 既女仔 fd都真係幾難得。同埋佢08年已經問緊身份認同呢個問題,我身處有死小孩大聲講普通話既自修室都不禁打了一個突。

又到左發白日夢既時間,如果呢一刻叫我再寫一本書出黎,究竟會係咩題材呢? 情緒病? 補習班血淚史? 我在投注的日子? 不過認真,有一樣我真係寫得唔好睇同埋寫完會無人睇。

(highlight 見答案)

情史! XDXDXDXDhahahahahahahahhahhaha

*完* 達哥tone~

2015年6月24日 星期三

賣花打

中午12:04 Posted by 嘈 No comments
由於早幾日係父親節既關係,所以寫下我阿爸Mr George。



其實,我爸對於教育本人怕且係零心得。佢唯一做得啱既地方,就係採取「積極不干預」政策,原因係佢覺得佢唔識,而我會識處理,所以佢唔駛理。*跳起yeah~~*事無大小,阿媽在生既時候阿媽理,到而家就掉晒畀我理....所以有時佢因為太過積極地不干預任何煩到/ 佢覺得煩既事,有廿九幾年既時間我都係覺得老豆唔多理我/ 屋企既野。但而家對得佢多左,好明顯佢真心覺得太煩(例如煮食同洗廁所),而真係會完全唔理由得佢自生自滅。

除左畀太多自由我之外,我老豆既另一特點係會預早超多時間出門口做任何既野,例如出街食飯或者係之前探我病咁。會預多一個 double 咁上下。如果我學到佢一半既功力,足以令我成為一個超越守時既人類。但佢對於時間長度既概念係好令人費解。例如佢會覺得,半個鐘由上水去沙田係好快,明明就係正常速度。又例如之前每日兩點半探我咁,佢係經常話人地未開門畀佢探就已經到左仲等左好耐。咁我問返佢預到啲時間咁鬆係用來幹甚麼,佢答我除左預火車會壞,仲會預黎痾尿(!)

另外仲有一個關於 Mr George既小笑話一則~~~話說佢未退休前,係一個油漆師父黎既。咁以前出世紙/ 手冊咪要寫阿爸阿媽職業架嘛。嘩,我張出世紙呢,一拎已經勁有藝術氣息,因為阿爸職業果欄係寫 P。A。I。N。T。E。R。*--畫家是也。所以我有理由相信同懷疑我對顏色既觸覺係來自我爸~~ yeah~

*油漆佬既英文應該叫 painting worker 啦~

2015年6月21日 星期日

請勿飲食、睡覺或吸煙

下午3:48 Posted by 嘈 No comments
養病的日子百無了賴,屋企超熱,日日都三十幾度。想慳冷氣錢,唯有坐喺自修室睇書玩電話涼冷氣寫字恰眼訓。



由於未適應藥物既關係,基本上我呆到好簡單既野都可以做唔到,工就更加返唔到。攞正牌無目標咁放假既感覺係好差好差。都係果句,孤獨好難捱。

或者我應該用呢段時間寫多D野,令自己有寄託,讀書報告又好,心情紀錄又好,總之寫左先算。其實呢段時間我不停咁諗,除去左咁多個tag,對所有事無晒興趣既廢人mode,我呢個人仲留低D乜野價值呢?

坐喺自修室對住個規則既時候,終於有一刻我係一如以往咁諗埋晒D無謂野,就係,究竟咩logic 既人會將飲食、睡覺同吸煙用個或字link 埋一齊既呢? 因為三樣野都係控制唔到? 又唔係丫~肚餓飲野眼訓同煙癮都係可以忍架喎。定係純粹覺得或同or 一樣用黎求其將幾樣唔啦更既野擺埋一齊咁就任務完成呢~~

其實喺寫野既呢一個毛聞,我真係好眼訓。但之前試過下晝訓得太多,結果夜晚眼光光碌左十世先訓到。所以日頭白白要搵D野occupied 自己令自己咪訓咁多。不過呢,冷氣再加咁靜既環境令人想訓係hola正常的。

btw 我而家晚晚11點前會訓覺....過住退休既生活。繼續希望快D好返。

2015年6月12日 星期五

The harder I try...


自從發現自己有bipolar....
而家係抑鬱期入面之後
幾乎無一日唔喊
分別係喊得出同喊到喊唔出

食完藥得個呆字
就好似要將所有人應該有既感情, 一個人應該有既希望同動力一一咁淘空晒
而家既我就好似得返個殼咁
可能仲衰過借屍還陽

發呆發呆再發呆
終於明點解會有人病到想自殺
因為果種孤獨既窒息感係可以大到吞噬一切
(放心,我係殼黎,未會行呢一步。)

工又返唔到,飯都就黎煮唔到。
對一切熱愛既野都失去興趣。
唔好話乜,我根本連飯都唔想食。
只係日日被父親大人鵝住望住唯有食飯。

我唔知咁樣D抑鬱藥叫有效定無效。
書又唔想睇,甜野食完又係唔得。
根本個人開心唔到。
睇開D睇開D睇開D
咁EFG呢?

做香港人真係唔好病,尤其係情緒病。
再加上我係一個手停口停既香港人。
點睇開呀???

2015年5月12日 星期二

Confession

上午11:16 Posted by 嘈 , No comments

(pic from google)
其實呢兩個月好似過左兩年咁....
原因係我病左。
仲要唔係傷風感冒果種病
但係我仲未同晒自己最close 既團體S confess 晒究竟我發生咩事。

總之而家我轉數慢晒,專注力超低.....
好辛苦
硬係覺得有一part 既靈魂流落左宇宙某一個地方返唔到黎。

我知呢個係 recover 既過程
等我忙埋D 只係褪遲左既功課呀考試
可能再 clear my mind in an anonymous way

宇宙爆炸完喺 new world 都總要訂立 new order
而家mo la la 住左去 whole new world 都要 pick up 返 old world 未完既野
究竟我夠唔夠力,強大到overcome 呢個我之前覺得係 「不可抗力」既事?

我。唔。知。呀。
畀我kai 下應該會好D

2015年4月12日 星期日

地盡頭

清晨5:40 Posted by 嘈 No comments
地盡頭

作詞:林夕

離別似絕症 已滅亡的高興
令我的背影 於東京結冰
無伴侶認領 怨命也不肯認命
自問仍好勝
往事留舊城 鋪展了風景
世上客機大可幫我逃命
流浪到 地中海 總會蝶泳


誰讓我的生涯天涯極苦悶
開過天堂幻彩的大門
我都堅持追尋命中的一半
強硬到自滿
誰讓我的生活生命被轉換
都記得自己 從未悲觀

只要前度誇獎 灑脫
忘掉根本生又何歡

來讓我任性 這情人節即興
獨個攀塔尖 不必等背影
無伴侶做證 也踏破蘇州夜靜
讓庭園掃興
隔岸無舊情 姑蘇有鐘聲
震蕩過的內心只有承認
逃避到 地心都 不會 入定


誰讓我的生涯天涯極苦悶
開過天堂幻彩的大門
我都堅持追尋命中的一半
強硬到自滿
誰讓我的生活生命被轉換
都記得自己 從未悲觀

只要前度誇獎 灑脫
忘掉根本生又何歡

飛過天際 走到海角 要拾回快樂
雙手摸索 雙眼搜索 我尚有感覺
心似刀割 總算醒覺 勝地難閉幕
失去感覺 失去知覺 我尚有軀殼

2015年3月12日 星期四

西麵新境界 極速番茄湯底

下午6:16 Posted by 嘈 , No comments

踏上左戒西麵(a.k.a 公仔麵/ 一丁/ 營多麼需要你~~~~)呢一個無盡既旅途,唯一有困難既地方係我真係好鍾意飲西麵湯......加上我食左甲狀腺藥之後真係腫左好多....要戒埋太咸既野.....
咁我雪櫃又冇味噌...而我又好肚餓....咁咪變左個番茄湯出黎囉,打邊爐都仲得

材料: (一人份,打binlo就自己乘大佢啦)
番茄一隻
一小片薑
意粉番茄醬求期倒左小半碗 (煮中式就最好唔好有香草味啦,難食唔好賴我)
茄汁一大匙
奶少少(我脫左脂....用肥仔奶應該更好食)
鹽少少

做法:
番茄9切一粒粒,切片薑,掉落個煲,煲平時煮麵咁多水
水滾之後用masher mash d 番茄mash 到佢冇一粒粒
落意粉醬,茄汁,鹽 (可以加D麻油既.....油其實係要食,唔係會連皮膚都dry埋)
呢個時候個色都仲係好水咁架,咁就可以加D奶整色整水
然後可以行騙了~~
TVB mode 我煮個麵你食丫~然後出黎係懶有heart 既番茄麵~
仲要可以吹哂D湯又唔駛內疚~跳起yeah~