爆

嗯，這個星期，有兩個爆點。

爆點一：爆炸糖

嘻嘻～身為彭浩翔的 fan (我由全職殺手一直關注....買兇拍人都係入戲院睇，咳咳)

冇理由唔睇低俗喜劇架~(我估到對白架...)
但講起都有少少火滾
開頭諗住搵麻甩系朋友們去睇，笑下咪算囉
無啦啦個討論題目由 dada 對波去左港產片之死
有條躝坦仲話彭浩翔有大片唔拍玩粗口
我當時係冇出聲費事嗌交

其實一句唔睇就罷就囉

扮咩野啫

有時笑下算數有咩咁大不了

下下大片真係會審美疲勞...

因為彭先生如果只拍大片，佢個獨特市場會冇左。

微絲細眼近乎生活係佢強項

其實今次都算係回歸原點，拍返瘋狂而又有D黑色幽默既故事。
無疑令惡趣味去左另一個表現方式

話就話低俗但其實都有文化意味：

1) 香港粵語、廣州粵語：和而不同
係呀，有唔同架！講粗口用字香港大多數係男性，廣州常用係女性。但一講，大家都知對方講緊乜，而明明又好似係唔同既系統黎架喎。

2) 方言入文
俹簁一part，係幽矯枉過正既人一默。而粵語係少有可以入文既方言。亦同時表現到中文既錯摸衍生出黎既幽默。
不過，我覺得如果楊千嬅係由李楓(下圖)做會更好笑....

好喇...似乎我又陷入左粵語文化之迷思....
不過我想講，當年學粵拼，真係lecture 有聽過粗口架~
因為粗口真係我地既語言特色，係好有趣既課題。
咁當然唔係學習重點 XD
諗下喺大眾既層面，當潮語不停變，而粗口大致上都係constant ，咁已經證明左喺文化上其實有一定既地位。

結論：係呀我粗口爛舌架~ 但我知幾時講得幾時唔講得 tune 到咪得囉~ 挑

______________________________________________________________________________

爆點二：爆 mon

係呀.......我部iphone 跌爆左個mon......=[

仲要響呢個咁尷尬既時間........
iphone 5......你幾時出呀?

是咁的，平時把iphone 袋褲袋， 事發係咁既...1) 落車

2)車開走

3) 問同行友人: E~我部電話呢?

4) 回頭

5) 馬路上，見到紅色一舊野好似電話...

6) 行過去執起

7) 我部電話呀 O_O (碎上) 

至於佢有冇畀小巴碌過，而家依然係一個謎 (回音)
而佢當時係正常用到架....

咁就以極速去3 開過張sim 用住 spare 電話先啦~
仲用透明膠紙密舖平面~以防佢 further 地爛

咁好啦，話說而家冇左whatsapp 會冇晒朋友架嘛
咁whatsapp 又其實support 某D nokia 機
見到whatsapp website 寫左 support 6700
嘩好野~我有部 6700 classic 喎~~~

好啦，geek 到爆咁又 update firmware 又搵 sis file 搞左一晚...
我屌丫，佢support 果部係6700 slide !!!!
浪費左我一晚時間呀!
打多隻字駛死咩妖!

而經過整定唔整買唔買過部等既一返掙扎...
最後都係放左佢....
問 C小姐借來 htc desire HD
然後專心等 iphone 5~~lalala~

講起又講講都唔信~
M小弟帶我去先達放左部碎mon iphone4
仲放到$2400 呀~
堅~~(都係儲起補返落買新電話條數架啦......喵)

結論： 又一次發現，有朋友真係好緊要！！！
多謝出機出腳骨出心出耳仔既朋友仔！！

Read More

Pattaya Floating Market

包了車從 mini siam 出發，印象中很快到達。
Floating market 是典型旅客必到的特式市集!
整個市場都是木造的! 充滿了橋、吊橋和穿洞的樓梯...
(但本人為落樓梯恐懼症患者....所以每次旅行總要有忍受小人下樓梯時龜速或要人攙扶.../_\)

暴曬了一個早上的小孩一進門就吃了杯花生冰淇淋~
可是，我懷疑泰國人熱得電解質長期不平衡...
真的甜得牙齒掉幾顆.....
還有那甜得頭皮發麻的海底椰汁....
(總之甜到懶屎...)



這條船的燒魷魚冇得輸，原始炭烤風味，加泰汁，寫的時候還在吞口水...
(不過...船不會動...是停在一點上做生意的啦...)




走得累了，兩名吃貨又再吃
冬蔭公、海南雞飯、魚蛋粉
味道還可以啦，但份量有點小。
邊吃邊在想，如果我跟仇人一同在這裡，踢他下水把他淹死絕對是負難度呀~
反正隨便一踢都會掉進河裡呀~~嘿嘿

膽固醇系列之鵪鶉蛋
那個姐姐不停在講電話....
加醬油和古月粉來吃，就是煎蛋囉...

蛋的旁邊是奶茶店

看上去好像很有名，人頭湧湧的說！

這個沒有過甜~
害我有衝動想要買那些茶葉回來..
但換算一下真的偏貴...T^T
最後還是到超市買即溶的泰式奶茶作罷...

 

都是看看那千人一面的商店
但那些牌子都是泰文，看不懂沒有買，買英文的又沒什麼意思...
(小姐你真難伺候)
有些竹子造的餐墊很美，以為走一圈後會找到
最後...消失了 T^T
還想用來做煮食文的背景嘛....
現在只好繼續用千人一面的IKEA 餐墊...嗚嗚
要買東西，看到喜歡就要買呀...不然會後悔得要死....

這個在橋上打泰拳令我想起小時候看歡樂今宵的碌滾筒環節呀~~~

這裡很人工地泰式，不過走走停停逛逛悠閒一下也不錯呀~

畢竟不是菜市場嘛...(這是我本來的想像....嗯...我是煮婦嘛...)

地址: 451/ 304 Moo 12, Sukhumvi-Road Pattaya

網址:http://www.pattayafloatingmarket.com
(佢個map勁到教埋人地由曼谷去芭堤雅架~~堅揪呀)
仲有...有得玩果個吊全條纜索飛下飛下果個野...同埋響個波入面扮倉鼠跑....
(我冇玩，淨食 XD)

________________________________________________________________________

最後有冷笑話知識分享一則，請看下圖。

where is the 笑點?

之唔係同我講番梘唔係chemical....
仲要google translate 不要化學
你都好化學下喎.....
地球上冇一樣物質唔係由元素組成架喎....(拿..著火都係化學反應)

化學小知識:  saponification
用平常人既講法就係油加哥士的加熱出黎既一舊舊就係皂喇...
基本上所有叫soap 既野都係同一樣既作用黎帶走油份...
所以番梘不要化學同 no Chemical 呢個statement 真係睇到我當時笑左出黎~

Read More

心

一筆又一筆，一畫又一畫。

這是一顆在冷凍房的夏天的心。

畫呀畫，畫呀畫。
這是一顆從黑色而來的心。
下次畫一顆紅黑紅紅黑的...
心。

像我的心。

Read More

Mini Siam

是咁的，由於係是但搵個景點....基本上呢道係用黎影 kai 相...
果日喺酒店 book 車，成件事去埋 floating market 都係 300 baht
仲要係舒服私家車喎~~

其實 mini siam 真身係世界之窗個friend....
(仲要世界之窗大D.....)

今篇既背景音樂係~
陳年 Dry 樂隊的20000日環遊世界! (click 入去就聽到~~)
(btw...如果真係有click隻歌，佢個 intro 未完但會睇完篇野...hahahahahaha)
去相~

嗯，跟真的那個都一樣生鏽 XDXDXD

 奇怪比例的 opera house 和魚尾獅...@@

唔知佢呢排有冇整返個五環上去 tower bridge 呢....

(嗯...我仲影左張 kai 相扮怪獸...la la la~~)

er.......鬥獸場好唔似....

喂我真係唔知自由女神個甫士原來係咁...跳脫

搞到我笑左好那耐

冇呀...溫莎城堡之嘛

爛 gag 一個：佢咪就係蝦你冇人工之嘛~

仲有好多好多唔知名既泰國建築~
其實人地多數都係黃昏先去，但我地朝早去
曬到隻狗咁~
最後行左唔夠一個鐘就走左lu~

出面見到sa wa dee cup 麥叔叔

都係景點黎架~~

真係好那好天~~

如果好地地有第D二野玩，真係可以唔去mini siam....

address:  387 Moo 6 Sukhumvit Rd., Pattaya City Naklua, Banglamung , Chonburi 20150 
website:  http://www.minisiam.com

(唔好比個網昆呀~~~=P 同埋記得記得記得搽蚊怕水，如果唔係好大鑊！)

下一站 floating market~

Read More

海上的冒險！也許一天我變做魚

不去白不去，來到芭堤雅，哪門子的理由少了陽光與海灘？！
所以一早已經訂了 local tour 到珊瑚島啦~
爬了胡慧沖 forum、背包客棧等，發現有些 local tour 可以恐怖到嘔，例如係用D 殘到喊既船黎載人，叫人加錢搭第二D 船咁...總之充滿陷阱...見到呢間口碑唔錯~於是貴少少都照殺！

一早有人黎酒店接我地~ 由於酒店對面就係上船地方，所以我地等左一陣先等齊D 團友啦~
不過...唔好以為可以亂講廣東話...(我認我去親旅行都會肆無忌憚咁講粗口...)
因為我果團大概有70%係香港人...(剩返果D係唔知印度定巴基lan 坦不知所謂係咁撞人既物體...)

 出發嚕~~~

全程都係坐如上圖的大飛，感受到著草既感覺~ lol
一上船果時因為kai 到冇赤腳...人字拖飄走左....(好彩有團友幫我執返~)
真係好那大浪，基本上個屎忽如果唔痴住張櫈呢，個人係會彈左上船頂....=_=

飛左大概二十分鐘，去左第一站sea walking。
基本上係突然有個碼頭咁既野，然後要爬落水，再用個太空人氧氣罩塞你落水~
又因為成件事兵荒馬亂，同埋勁濕水...所以冇圖 (借左人地homepage 果張啦)

其實個能見度冇咁高啦...

又係餵下魚呀咁囉~仲有摸左巨蚌同海膽
原來都係軟淋淋好搞笑~
(其實呢，我畀左錢影相既...
但係真係一片狼藉...都係唔post 喇...
全程我都好似....遇溺咁既樣...
同埋我個肚腩...好白)

仲有......我唔知點解呢...我係咁喺水底飄走....完全迷失方向.....

好似玩左一個世紀咁....

上黎果時....真係勁跣...好那驚...我又唔夠力爬喎頂...
結果畀人拉我上黎扭到我隻手...仲要撞Q左去條扶手....
不過R小姐仲驚...因為我搞左好耐都上唔到去....
佢跟我後面....未上到黎已經抽走緊D氧氣...D水入去到佢鼻哥....@@

跟住又上返大飛~ 嘩...頂丫...真係兩邊都浮住咁落船上船好驚跌落水，好有偷渡 feel...

飛左十分鐘左右去左傳說中既珊瑚島!
我地去果個係叫 hardtien 既海灘，基本上冇咩人，但都有幾個東歐女子蕩漾 ~

 真係好靚，D沙幼到呢~~加埋個椰子~好嘆呀~~(不過我曬loan 左個背脊...)
配樂：盧巧lum 深藍

 香蕉船~但因為我想灘咩都唔做齋聽浪~(又整到手喎又唔想撻落水喎) 於是我冇玩...
但R小姐玩到kai 左....

到咁上下食野囉~(個trip 包埋架~仲有支水)

普通野，D泰汁好辣 (但幾好食)，不過條魚炸有D硬.......
個湯係味精粉絲湯...炒飯係炒飯 (what a 食評) 同埋點解所有local tour一定要有呃鬼佬螢光橙色酸甜汁?.....(上次長城都有呢個汁~真係四海之內皆酸汁呀.......)

之後都係繼續灘~ 同埋將D 防曬吹左佢...
咁上下就大飛去到最後一站parachute!
又由於...阿導遊話可能我著唔到件救生parachute衫...話我可能玩唔到...我就冇玩啦....
但去到..我頂丫！
明明有好多個仲大隻過我既鬼佬都係咁玩...妖妖妖妖妖
話唔玩又玩又有少少kai....都係....算....(嗯我只玩了 sea walking..........=_=)

就係咁有隻船拖住隻傘囉~

好高呀~落下水咁...(怕死可以叫佢唔落水都得)
但有見到落黎果時錯左位跌左落水啦sosad
如果著拖鞋呢...就要赤腳玩
但如果係著核突魔術貼涼鞋呢~就可以著住玩啦~
可以高空睇景囉~
但個畫面都幾歡樂丫～(自我安慰中...)

大飛返上岸~成個人都係沙呀~~(因為太幼食晒落泳衣...洗左好多次都仲有沙.....)
咁就玩左一日~水上活動完成！

網址：http://www.pattayaseaadventure.com/
提早online 訂平5% ，每人1950 baht，我地有早一日叫酒店幫我地打去再confirm 啦~
領隊先生好好人，我上落船好似龜咁慢都冇催我～
(不過sea walking 果D工作人員個態度呢就....咳咳...)
*~溫馨提示：有心臟病同哮喘、耳病、呼吸道問題之友要小心，好人好姐既都要留意份保險包唔包玩高危活動~*

另一隻配樂係: Enya - Orinoco Flow

Read More

Ninja Buffet and BBQ

繼續龜速遊記 :P

去完 Hilton afternoon tea，個日落睇到咁上下，我地就搭tuk tuk去食晚飯。(嗯，R小姐跟我都是吃貨)
芭堤雅有幾間 ninja 架~
我好似係去左 North 果一間...

表面上係 300 baht 一個人，好似好抵...
一坐低呢...就見到個好奇怪既野...

呢個係 BBQ打邊邊二合一炭爐~

有條河用黎烚野，上面可以燒肉~
入面係炭...

但其實...佢燒唔到蟹...一..一
而可能我地拎左太多野食，搞到D staff 係咁注視我地...
係咁叫我地畀20 baht 燒一碟...
梗係睬佢都傻啦...少數怕長計呀...

除左海鮮╴其實都有好多肉呀炸炸呀、炒飯呀果D唔等駛既野食~~

記得好似仲有點心....

我懷疑我果晚食左我5年入面食既海鮮總數....-_-|||
D 海鮮要夾既時候自己揀D 靚仔，建議有基本揀海鮮知識先好...
btw...我唔知點解果度D可樂係冇味架....
仲要加冰係一定要收錢架.....

仲有呀，佢有D蜆明明係烚極都唔開殼...擺左響個煲入面啦....
佢係會屈你食唔晒架....要畀多50 baht...
仲要同佢嘈都冇用...
因為會扮聽唔明你講咩....我頂。
最後有個啤酒姐姐講得明畀我地知咩事...
但佢唔知做咩強調佢冇賺我地錢...=_=|||


不過個椰子雪糕好好食，我好似食左3碗......XDXDXD
D 蜆有D都幾好~
趁個湯未變死海咁咸...烚D 粉~
又蝦又蟹又蜆，再加少少泰汁，嗚呀~~好好味


要小心D炭爐會周圍飛
個樣就衰左少少~不過冇肚痛呀~
同埋食客大部分都係 local
(其實好過某酒店個 buffet......下次再鬧)

Address: Pattaya 3rd Road, Bang Lamung, Chon Buri

Read More

Paul Wong Rockestra Live in Hong Kong (2012)

因為 T小姐的男友抽獎得到26張票~ (嗯就是上面的那個啦...)
雖然是山頂位~但夏天就是要搖滾一下才對味！(還要免費，還有一人一瓶免費可樂！）

老實說，我的搖滾基因只是在骨子裡，都只是懂大路的 plug 歌...
前半部絕對是 Paul 哥對非信徒的考驗...
因為接連有很多首也不是熟悉的歌...
不過唱到本人經常在腦內響起的「我是憤怒」時，就活過來了~嘻嘻



然後...其實...紅館真的不太適合 rock show...
身為山頂的朋友...不敢站著跳...我怕會滾下山....

又，Paul 哥的國語...
很難聽懂...囧
還是唱廣東話啦


另外，電視真的比任何媒體還要「入屋」
encore 時陳豪等人出現，氣氛對比前面的悶場，簡直是兩個不同的show...
(我有時也是師奶哦...)





不過呢...rock 佬的浪漫，又真係幾冧~ ♥

「共你熱戀可抵擋冰天雪地
共你擁抱能忘掉名利...」
呢兩句 tag line 我唔知做咩事入晒腦...
可能真係 dry 得滯...

Read More