[北角] The big bite

呢個活動名稱為「真．男人雞翼團」 但明明我大學個系得好少男人... Anyways 好地地我碌左出老連咁遠既北角 間野其實好平時D 美式burger 舖咁既裝潢 (但佢應該係加拿大 D friend ) 我地D人佔據左三張長檯 不過除左burger 之外，今次個重點大佬係辣到咩咁既雞翼 由於未齊人同怕死既關係 打左底先打大佬是常識吧~ Burger 叫左CBC 因為好餓冇影相.... 喺佢地個 fb page download 左... (photo from: The big bite) 真心覺佢係好食過 triple O同 Ruby Tuesday 個burger 包身軟 塊肉好juicy~ D菜...

Read More

[自己煮] 南瓜通粉+椰菜蛋餅

由於好窮，(咳~其實係慳錢去旅行) 再加上個canteen  D 野唔好食...呢排整多左好多飯盒帶返狗會食... 某日慳到爆的便當如下: 豪華南瓜通粉 (2人份) 材料: 南瓜 (長身果種) (squash) $5.9 半個我用左1/4個... = $2.95 奶 200 mL $10 一盒...1/5 =$2 (!) 牛油 from 早餐食剩.... $0 車打芝士 27.9 16塊...用左2塊 $3.48 (下次可以一次買兩包再平D) 通粉 阿信屋 $4.9一包...(!) 用左1/4 包....=$1.225 吞拿魚$8, 一罐用晒 (可以買再 cheap 的超值牌...)...

Read More

唉

點解D細路可以咁嘈? 一三五就係咁鬧人都唔係教人 然後得到HKSAR的支票一張 我真係完全唔啱教小學 只會想擰甩佢地一個二個頭 一向唔鍾意細路 怕且會愈來愈憎 快D教完個五月就收皮我搵返長工 反而狗會D賭仔阿叔都好D 同埋好多都係後生仔聲 最怕係鄉音阿伯同懶醒阿叔 六月去旅行 呢個sem D 成績凍過水 non mean要幾時借架? 還完 grant loan就開始借 non mean 要一個Sem 讀18個credit先deferr 到 grant loan 其實我有D後悔讀master... 定直情呢個sem唔好讀住專心搵工呀? 我唔知可以點... 老豆愈老愈煩 係咁迫我煮飯 又話我唔做野然後日日都嘈交 想呻下小學份工好勞氣 佢就話我乜都唔識 喂大佬我做咁多年人剩係識考試 畀你一個文盲你話我乜都唔識 同畀死肥仔學生唱我死肥婆之歌一樣 個死肥仔學生我當佢唱歌ok呀 我放學就唔駛見佢 但兜口兜面話我乜都唔識果個你我老豆  而家我心聲又係蘭子mode 打緊字出黎都想喊 喊著煮飯 喊著洗碗 喊著入飯盒 喊著打blog 係一滴滴滴出黎果隻喊 連睇100毛都係咁講母親節 我頂我個母親冇咗喇 淨係佢冇咗個老婆就可以咁向我發脾四 咁我連死阿媽都唔畀我喊咁我喊去邊呀? 呻下攰又係我唔知辛苦 我返屋企都唔講得去邊講呀?! 家不成家唔係我一個人既責任囉 係唔係要迫我走左去老死不相往還咁先安樂?! BTW 買左支moscato...

Read More