是咁的，尋日立秋，即係正式進入親愛既冬天～
咁冬天至好係打邊邊，同埋食煲仔飯！！
由於懶過鬼，唔想落街，咁咪搵雪櫃仲有咩可以煲個飯啦～
咳，我係用電飯煲煲架！
雪櫃有臘腸，蝦米，冬菇
咁快手用熱水浸軟啲冬菇（因為凍水要浸一晚先得，但我係朝早整黎下晝食）
蝦米用凍水浸軟
啲水可以要可以唔要啦，有啲人就覺得落浸野啲水會香啲
我就唔要既
臘腸就洗洗佢或者用濕布抹走啲塵
切薑，拍蒜頭
臘腸切片
按電飯煲Cook 掣
等佢熱就加3湯匙麻油落飯煲
掉啲薑呀蒜頭炒呀佢
炒蝦米
炒臘腸
期間如果個cook跳返去warm，可以等陣佢cool down 吓再按cook
炒到啲野香晒
有酒就落啲酒
就加洗左既米落飯煲炒
撈勻啲野
跟著加水同平時煮飯咁上下水，同豉油，少少糖
再按cook掣
等跳掣，焗20分鐘
食得！
...